HOFIZ XOTIRASIGA BAĞIŞLANDI
Yaxşining yodi öçmaydi, deyişadi. Ha, çindan ham el-yurtga beminnat xizmat qilgan, özini şu el farzandi, deb bilgan insonlar yodi asrlar oşa yaşayveradi. Sanʼatsevar amudaryoliklar xotirasida mumtoz qöşiqlari bilan yaşayotgan Nazir qori Rahimov ham şundaylardan biridir. 30-aprel kuni tumanimiz madaniyat uyida maşhur hofiz Nazir qori Rahimov xotirasiga bağişlangan tadbir bölib ötdi.
Tadbirga tumanimizdagi sanʼatkorlar, hurmatli hofizning muxlislari, şuningdek Törtköl va Ellikqalʼa tumanlaridan kelgan mehmonlar qatnaşdilar.
Tadbirni Nazir qori Rahimovning şogirdlaridan Gulmirza Nurmatov kiriş nutqi bilan oçdi va tadbirni olib borişni OybekBegimovga topşirdi. Taniqli hofiz bilan zamondoş bölgan, birga ijod qilgan sanʼatkorlar, hamsuhbat bölgan mehmonlar hofizning serqirra ijodi, uning özbek qöşiqçiligiga qöşgan bebaho hissasi hamda insoniy fazilatlari haqida sözlab berdilar. Qodirbergan xoji Jumamurodov Nazir qori haqidagi xotiralarini sözlar ekan, bu tadbirni taşkil qilgan tuman madaniyat bölimi xodimlariga minnatdorçilik bildirgani holda elimizda boşqa sohalarda faoliyat yurgizib, xalqimizga halol xizmat qilgan, izzat-hurmatga loyiq kişilar köpligini, ularni ham eʼzozlaşimiz kerakligini aytib ötdi.
Törtköllik mehmon, yozuvçi, stsenarist, rejissyor va şoir, Törtköl televideniyasi taşkilotçisi, hozirgi kundagi rahbari Muhammadsoli Maşaripov otaş nafas hofiz Otajon Xudoyşukurov
bilan birgalikda Nazir qori Rahimovnikiga kelganliklari, hofizning ularga körsatgan mehmondöstligi, repertuaridagi aşulalardan Otajon Xudoyşukurovga örgatgani, Otajon hofizning Nazir qori Rahimovni ustoz, deb bilganligi haqida sözladi.
Ellikqalʼa tumani madaniyat va aholi dam oliş markazi rahbari Hojiboy Sotliqov ham hofiz haqidagi xotiralari bilan örtoqlaşdi.
Yana bir mehmon Ellikqalʼa tumani "Saribiy” aşula va raqs ansambli rahbari Sarsenbay Ollaşev özining dilrabo aşulasi bilan qatnaşçilarni xuşnud etdi.
Tumanimiz sanʼatkorlaridan keksa hofizimiz Töliboy Yöldoşev, uning qizi, şovotlik xonanda Zulfiya Yöldoşeva, Bahodir Rajabov, Nuraddin Yoqubov va yana köplab yoş xonandalar hofiz repertuaridan qöşiqlar kuylab berdilar. Törtköllik va Ellikqalʼalik mehmonlar tumanimiz yoş xonandalari ijodiga yuqori baho berdilar.
Tadbirning yana bir ahamiyatli tomoni şu böldiki, zalga yiğilgan turli sohaga mansub, turli yoşdagi mehmonlarning hofiz ijodiga hurmati tumanimizda sanʼatga qiziqiş kuçli ekanligini namoyon etdi.
Nazir qorini eslab...
Töymi yo biror anjuman, kelibdi Nazir qori deb,
Bunday xuşnafas hofizning barça muxlislar zori deb,
Köngilni sel qilar ovoz hamda sayragan tori deb,
Qöşiqlardan yayrab köngil, rohat qilardi jonimiz,
Noyob isteʼdod edilar, ul jonajon xuşxonimiz.
U kuylasa, nolasidan tinglagan barça lol edi,
Xoniş qilsa qay davrada, barida şu ahvol edi,
Qay xislatin aytayin men, bir sohibi kamol edi,
Afsus, erta qildi rihlat, şunda erur armonimiz,
Özbek elining bulbuli, ul jonajon xuşxonimiz.
Suhbatiga taşna bölgan Hojixonlar-u Komiljon,
Ustozim, derdi Otajon - ul bulbuli mulki Turon,
Ğoyibona ustoz bilar köplab xonandalar hamon,
Bundayin uluğ ajdodlar şaraf erur ham şonimiz,
Faxr bizga ham iftixor, ul jonajon xuşxonimiz.
Ustoz işi qilar davom, endilikda şogirdlar boş,
Endi özi ustoz Mirza, Anvar, Töliboy va Yöldoş.
Murod, Umirbek, Azamat - sanasang bölmaydi adoş –
Iqtidorli yoşlar köpdir – demak, köpdir imkonimiz,
Qöşiqlarda yaşar endi ul jonajon xuşxonimiz.
Ahmad NAFASOV.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶