Fizika va kimyo fani oʻqituvchilari oʻrtasida Respublika olimpiadasining tuman bosqichi oʻtkazildi
Maʼlumki, oʻsib kelayotgan yosh avlodning yuksak salohiyatli va bilimli boʻlib ulgʻayishida oʻqituvchilarning oʻrni alohida. Negaki, ustoz oʻz sohasi boʻyicha chuqur bilimga va tajribaga ega boʻlsagina shogirdini ham muayyan sohaning bilimdoni qilib tarbiyalay oladi. Shu bilan birga, oʻqituvchining bilim va salohiyati oshib, oʻzaro fikr almashuv hamda sogʻlom raqobat muhitida malaka va tajribasi yanada sayqallanadi. Bu esa pedagogning dars jarayonlarining sifati oshishiga xizmat qiladi.
Shu maqsadda yaqinda Amudaryo tumani Maktabgacha va maktab taʼlimi boʻlimiga qarashli 1-sonli umumiy oʻrta taʼlim maktabida fizika va kimyo fani oʻqituvchilari oʻrtasida Respublika olimpiadasining tuman bosqichi oʻtkazildi. Olimpiada Oʻzbekiston Respublikasi Prezidentining “Iqtidorli yoshlar bilan ishlash tizimini yanada takomillashtirish chora-tadbirlari toʻgʻrisida”gi, “Kimyo va biologiya yoʻnalishlarida uzluksiz taʼlim sifatini va ilm-fan natijadorligini oshirish chora-tadbirlari toʻgʻrisida”gi hamda “Fizika sohasidagi taʼlim sifatini oshirish va ilmiy tadqiqotlarni rivojlantirish chora-tadbirlari toʻgʻrisida”gi Qarorlarida belgilangan vazifalar ijrosini taʼminlash maqsadida Oʻzbekiston Respublikasi Maktabgacha va maktab taʼlimi vazirligining tegishli buyrugʻiga asosan oʻtkazildi.
Mazkur oʻqituvchilar olimpiadasida tumanimizdagi ixtisoslashtirilgan maktabdan hamda 86 ta umumiy oʻrta taʼlim maktablaridan kelgan 155 nafar fizika va kimyo fani oʻqituvchilari ishtirok etdilar.
Olimpiada ochilish marosimida Qoraqalpogʻiston Respublikasi Maktabgacha va maktab taʼlimi vazirligidan Fan olimpiadasi boʻyicha Iqtidorli bolalar bilan ishlash sektori metodisti Fazilat Zarifova, Amudaryo tuman Ixtisoslashtirilgan maktabi direktori Otabek Yoʻldashov, Tuman Maktabgacha va maktab taʼlimi boʻlimi boshligʻi Yalgʻashboy Shamuratov, Maktablar faoliyatini muvofiqlashtirish shuʼbasi metodistlari Xabibulla Davletyarov va Rayhon Yakubova hamda Amudaryo tuman Ixtisoslashtirilgan maktabi nazoratchilari, olimpiadaning auditoriya rahbarlari, kuzatuvchilar ishtirok etdilar.
Tadbirda soʻzga chiqqan masʼullar fizika va kimyo fani oʻqituvchilari oʻrtasida oʻtkazilayotgan Respublika olimpiadasining maqsad va vazifalari haqida aytib oʻtdilar.
Adolatli va shaffof kechgan bellashuv davomida ishtirokchi oʻqituvchilar oʻz fanidan 40 ta savoldan iborat test topshiriqlarini bajardilar.
Donolardan biri shunday degan edi: “Bilim shundayki, u yalangʻoch boʻlganingda ham oʻzing bilan qoladi, uni hammomga kirganingda suv ham yoʻqota olmaydi”. Haqiqatan, ilm to umrimizning oxirigacha bizga hamroh boʻladi. Tafakkur osmonida quyosh boʻlib, har qadamda yoʻlimizni yoritadi. Fan olimpiadalarining ahamiyati esa, olingan bilimlarni sinovdan oʻtkazib, eng kuchlilarni saralab berishida.
Olimpiada natijalari tez orada Fan olimpiadalar markazi tomonidan eʼlon qilinadi hamda tuman bosqichida gʻolib boʻlgan oʻqituvchilar Qoraqalpogʻiston Respublikasi bosqichida ishtirok etish huquqiga ega boʻladilar. Hududiy bosqich esa 26-27-fevral kunlari oʻtkazilishi rejalashtirilgan.
Aziza Madrahimova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
