Ozod yurtning baxtiyor bolalarimiz
Inson hayotining eng goʻzal damlari bu - shubhasiz, bolalik damlaridir. Bolalik - cheksiz orzularga, ezgu niyatlarga toʻla begʻubor fasldir. Bolalik chogʻlardagi ozgina mehr, himoya bola qalbida kelajakka ishonch uygʻotadi. Kelajagi buyuk, mustaqil Oʻzbekistonimizda ham bola huquqlari davlat himoyasida, bolalar uchun barcha sharoitlar muhayyo.
Konstitutsiyamizda "Har bir bola uchun bepul umumiy taʼlim olish kafolatlanadi”, deb qayd etilganining oʻzi biz bolalarga davlatimizning cheksiz gʻamxoʻrligining isbotidir. Sababi, oʻqituvchilarimiz aytganlaridek, dunyoning koʻplab davlatlarida bolalar och-nahor yashashlari barobarida maktab neligini bilmay, savodsiz oʻsib-ulgʻaymoqda. Axir, ular ham biz kabi baxtli boʻlishga, ilm olib, kasb-hunar oʻrganib, hayotda, jamiyatda oʻz oʻrnini topishga haqli-ku!
Davlatimiz tomonidan biz bolalarning sogʻlom va barkamol boʻlib voyaga yetishimiz uchun yaratilgan sharoitlarni koʻrib, mening qalbimda shu yurt fuqarosi, farzandlarini oʻzidan-da kuchli, bilimli, dono va baxtli koʻrishni orzu qiladigan, shu maqsad yoʻlida oʻz hayotini bagʻishlaydigan millatning farzandi ekanimdan faxr-iftixor tuygʻusi yuksaladi.
Biz yoshlar, mana shunday sharoit va imkoniyatlar, himoya va eʼtibordan unumli foydalanish va davlatimiz, xalqimiz, Yurtboshimiz bildirayotgan ishonchni oqlab, dunyoning rivojlangan mamlakatlari yoshlari bilan bellasha oladigan mutaxassis boʻlib yetishishimiz darkor.
Boshqa tengdoshlarim qatori men ham maktabda aʼlo baholarga oʻqib, mustaqil Oʻzbekistonimizning kelajagi uchun jon kuydiruvchi komil inson boʻlib voyaga etishga, ota-onam, ustozlarim yuzini yorugʻ qilib, ular orzu qilgan farzand boʻlib yetishishga qaror qilganman.
Shohista RAHIMOVA, 11-sonli maktab oʻquvchisi.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
