Taʼziya
65-sonli maktab jamoasi mazkur maktab direktorining maʼnaviy-maʼrifiy ishlar boʻyicha oʻrinbosari Yulduz Boltaboyevaga otasi Boltaboyev Yolgʻoshboy Boltaboyevichning vafoti munosabati bilan chuqur taʼziya izhor etadi.
Boltaboyev Yolgʻoshboy Boltaboyevich 1946-yilda Qangli ovulida tavallud topgan. Bolalik yillari Qanjigʻali qishlogʻida oʻtgan. U avval “Kaminskiy” deb atalgan, hozirda esa 67-sonli maktab sifatida faoliyat yuritayotgan taʼlim maskanini tamomlagan. Soʻngra Nukus davlat pedagogika institutining boshlangʻich taʼlim fakultetini muvaffaqiyatli bitirib, oʻzining mehnat faoliyatini Qipchoqdagi 11-sonli maktabda boshlagan.
Yolgʻoshboy Boltaboyev butun umri davomida taʼlim sohasiga sadoqat bilan xizmat qilgan fidoyi pedagog edi. Ayniqsa, 1980-yilda “UZSXT” (hozirgi Daryo boʻyi mahallasi) hududida joylashgan, oʻsha davrda “Sulton Toʻramuratov” nomi bilan tanilgan, bugungi 65-sonli maktabning tashkil etilishida u kishining xizmatlari katta. Maktab ochilgach, uning ilk rahbari — birinchi direktori sifatida Yolgʻoshboy Boltaboyev 1980-yildan 2006–2007-oʻquv yiligacha samarali faoliyat yuritdi.
U oʻzining mehr-muhabbati, insonparvarligi va rahbarlik fazilatlari bilan koʻplab oʻqituvchilar hamda oʻquvchilarning qalbida oʻchmas iz qoldirdi.
Yolgʻoshboy Boltaboyev nafaqat oʻqituvchi va rahbar, balki ijodkor inson edi. U yurakdan toʻkilgan satrlar orqali hayot, mehnat va insoniy qadriyatlar haqida oʻz fikrlarini ifoda etgan. Uning yaratgan sheʼriy toʻplamlari koʻplab kitobxonlarga ruhiy madad va ilhom bagʻishlagan.
Ustozning ezgu ishlari, ilmga va ijodga baxshida hayot yoʻli barchamiz uchun ibratdir.
Marhumning yorqin xotirasi barchamizning qalbimizda abadiy saqlanib qoladi.
Ustozni Alloh rahmat qilsin, joylari jannatdan boʻlsin.
65-sonli maktab jamoasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
