Umringizni bekorga ötkazmang, tengdoşlar!
Oilani Vatan içra kiçik Vatan deb ataymiz. Şu möʼjaz maskan farzandlar tarbiya olib ulğayadigan, komil inson bölib voyaga yetadigan dargohdir.
Köçadami, maktabdami yo jamoat joylarida yoşlarning özini tutişi, muomalasi, yon atrofidagilarga munosabati oilasida qanday tarbiya olayotganini körsatib turuvçi közgudir. Ularning baʼzilari öqişda, öz qobiliyatini namoyon etişda, jamoat işlarida faolligi bilan havasingizni keltirsa, baʼzilarning qöpol muomalasidan, yo noörin qiliğidan ranjiysan, odam. Har oilaning tarbiyasi har xil ekanligi şundan ayon bölib turibdi.
Mening nazarimda keyingi yillarda negadir ota-onalar, köproq yoş ota-onalar farzandlarining taqdiriga befarq bölib borişayotganday. Çunki köça-köyda gala-gala bölib uzundan uzoq suhbatlaşib ötiradigan yigitlarga, hatto, qizlarga ham duç kelamiz. Ularning suhbati mavzusi telefon, internet, moda, kimning qanday yangi kiyim olgani-yu, kim bilan nimalar gaplaşgani xususida böladi. Ularga qarab, şunçalar keraksiz gaplarga umrining aziz lahzalarini boy berayotganini öylab açinib ketasan, odam. Ajablanarli tomoni öşa yigit-qizlarning ota-onasi qayerda eding, kim bilan eding, şunça vaqtingni nimalarga sarflading, deya qiziqmaydi. Bekor yurgandan köra, maʼnaviy oziq beradigan gazeta, jurnallar, kitoblar öqişga jalb qilişsa, özlariga xos kasb-hunar örganişga undasa, yaxşi bölmasmidi? Axir bugun vaqtini bemaʼniliklar bilan ötkazayotgan farzandlar ota-onaning ertasi kuni egalariku.
Ota-onalar bolalarim uçun yugurib-yelayapman, deb hisoblaşadi özlarini. Biroq, bolam bugungi kunini qanday ötkazdi, degan savol ularni qiziqtirmaydi.
Baʼzan falonçining öğlining yo qizining tarbiyasi buzilib ketibdi, degan sözlar quloğimizga çalinadi. Menimça, tarbiyasi buzilibdi, deyişdan oldin bormidi öşa tarbiyaning özi, deya öylab köriş kerak. Çunki bolaligidan qalbiga sof milliy tarbiya singdirilgan bolani yöldan uriş oson bölmaydi.
Ehtimol, mening bu mulohazalarim ayrimlarga eriş tuyular, ayrimlar ota-onalarni muhokama qilişga hali yoşlik qilasan, deyişar ham. Biroq mening fikrlarim örinsiz emas. Oddiygina bir misol: kollej öquvçilari bölgan mening tengdoşlarim orasida iqtidorli, intiluvçan, har bir darsni qunt bilan tinglab, maşğulotni töla özlaştirişga intiladiganlari bölgani holda, şunçaki majburiyat yuzasidan darsga kelib, oxirgi partada qöl telefonini öynab ötirib vaqt ötkazadigan, uyidan darsga ketdim, deb çiqib, köçada bemaqsad sanğib yuradiganlari ham bor. Ular birgina daftarni bir neça darslarga olib kirişadi va afsuski kuniga neça xil fan maşğulotlariga kirsa-da, bir betiniyam tölğazmaydi. Endi bir öylab köring: agar ota-ona farzandini keragiça nazorat qilib, bugun qanday maşğulot ötgani, nimalar örganganini suriştirsa, har fanga doir daftarlarini tekşirib bor-sa, albatta öğli yoki qizi yuqoridagiday holga tuşmagan bölar edi. Şunday emasmi?
Oltinoy ÖRINBOYeVA,
Manğit iqtisodiyot kolleji öquvçisi.
(Foto - http://uza.uz)

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶