Beşinçi Ustozlar milliy forumining plenar yiğilişi bölib ötdi
Amudaryo tumanida “Sifatli taʼlim – Yangi Özbekiston taraqqiyotining mustahkam poydevori” şiori ostida beşinçi Ustozlar milliy forumining plenar yiğilişi bölib ötdi. Mazkur yirik taʼlim anjumanida Qoraqalpoğiston Respublikasi Maktabgaça va maktab taʼlimi vazirligi vakillari, tuman hokimligi mutasaddilari, maktab direktorlari, ilğor pedagoglar hamda keng jamoatçilik vakillari faol iştirok etdi.
Bu galgi milliy forum yangi öquv yili oldidan soha xodimlari uçun özaro tajriba almaşiş, erişilgan yutuqlarni sarhisob qiliş va istiqboldagi strategik rejalarni belgilab oliş uçun muhim muloqot maydoni vazifasini ötadi.
Tadbirda eʼtirof etilganidek, joriy yil davomida tuman xalq taʼlimi tizimida moddiy-texnik bazani mustahkamlaş va zamonaviy texnologiyalarni joriy etiş borasida salmoqli işlar amalga oşirilgan bölsa-da, bu yöldagi eng asosiy yutuq va harakatlantiruvçi kuç – öz kasbining çinakam ustasi bölgan fidoyi pedagoglardir.
Anjumanda taʼlim sifatini yangi bosqiçga olib çiqiş, xususan, darslarda quruq yodlatiş usulidan butkul voz keçib, öquvçilarda tanqidiy fikrlaş va amaliy könikmalarni şakllantiriş boş maqsad sifatida belgilandi. Şuningdek, yoşlarni yuksak maʼnaviyatli va vatanparvar insonlar qilib tarbiyalaş, maktab hayotida raqamli taʼlim hamda zamonaviy axborot texnologiyalaridan keng foydalaniş masalalariga alohida urğu berildi.
Kadrlar salohiyatiga töxtaladigan bölsak, 2026-yil 1-avgust holatiga köra, tumandagi umumiy örta taʼlim maktablarida jami 4089 nafar pedagog faoliyat yuritmoqda va ularning 2972 nafarini, yaʼni 73 foizini xotin-qizlar taşkil etadi. Quvonarlisi, maktab öqituvçilarining 4014 nafari, yaʼni 98,2 foizi oliy maʼlumotli, 28 nafari tugallanmagan oliy va 57 nafari örta maxsus maʼlumotga ega mutaxassislardir. Malaka toifalari kesimida esa 446 nafar pedagog oliy, 912 nafari 1-toifa, 1172 nafari 2-toifa hamda 1484 nafari mutaxassis toifasiga ega bölib, toifasizlar soni bor-yöği 75 nafarni taşkil etadi. Şu bilan birga, davlat maktabgaça taʼlim taşkilotlarida mehnat qilayotgan 935 nafar tarbiyaçining 846 nafari ayollardir. Boğça pedagoglarining 419 nafari oliy maʼlumotli, 126 nafari tugallanmagan oliy, 390 nafari esa örta maxsus maʼlumotga ega bölib, ulardan 9 nafari oliy, 22 nafari 1-toifa, 68 nafari 2-toifa va 836 nafari mutaxassis darajasidagi kadrlardir.
Kunning ikkinçi yarmida tuman Madaniyat bölimi binosida beşinçi Ustozlar milliy forumining plenar yiğilişi iştirokçilari bilan umumiy yiğiliş ötkazildi. Unda sözga çiqqan masʼullar tuman böyiça yangi öquv yiliga tayyorgarlik köriş doirasida ulkan quriliş va taʼmirlaş işlari amalga oşirilganini alohida taʼkidlab ötişdi. Jumladan, 2025-yilgi investitsiya dasturiga asosan Çoyköl ovulidagi 59-maktabda loyiha qiymati 4 milliard 687 million söm bölgan 180 örinli bino hamda sport zali barpo etilgan bölsa, Bözyop ovulidagi 68-maktabda 5 milliard 950 million söm evaziga 330-örinli öquv majmuasi va sport zali qurib bitkazildi. Neft eksport qiluvçi mamlakatlar taşkilotining maxsus dasturi doirasida esa jami 24 milliard 902 million söm mablağ yönaltirilib, Olmazor mahallasida 120-örinli, Farovon mahallasi hududida 90-örinli, Arna böyi mahallasida 150-örinli va Döstlik mahallasida 240-örinli 4 ta yangi maktabgaça taʼlim taşkiloti binosi qad rostladi.
Investitsiya dasturi va xalqaro bank mablağlari hisobidan 30-, 39-, 65-maktablarda jami 1410-örinli binolar rekonstruktsiya qilinib, 37-sonli maktab binosida kapital rekonstruktsiya, 32-sonli maktabgaça taʼlim taşkilotida esa 90 örinli binoni taʼmirlaş işlari amalga oşirilmoqda. Şuningdek, Beştom mahallasi va Oq oltin ovulida 150-örinli 2 ta yangi boğça binosi, 57-sonli maktabda qöşimça 120-örinli bino va sport zali, 64-sonli maktabda 330-örinli qöşimça bino va sport zali, 17-sonli boğçada esa 90-örinli yangi bino qurilişi jadal surʼatlarda davom etmoqda.
Pedagoglarni moddiy rağbatlantiriş tizimi ham özining yuksak samarasini körsatmoqda. 2026-yilgi bahorgi attestatsiya natijalariga köra, 73 nafar öqituvçi 86 va undan yuqori ball töplaşga muvaffaq bölib, 2-yil davomida maoşiga 70 foizlik ustama oliş huquqini qölga kiritdi. Eng muhimi, Vazir jamğarmasi hisobidan 2026-2027 öquv yilida eng yuqori ball töplagan 20 nafar malakali pedagog har oylik 7 million 480 ming sömlik ustamaga sazovor böldi. Bundan taşqari, bugungi kunda tumandagi 341 nafar ingliz tili öqituvçisining 215 nafari, yaʼni 63 foizi xalqaro yoki milliy sertifikatlarga ega. Tadbir davomida ana şunday fidoyi va intiluvçan öqituvçilar faxriy yorliqlar va esdalik sovğalari bilan mukofotlandi.
Öquvçilarning erişgan natijalari ham tahsinga sazovor bölib, 2025-2026 öquv yilida fan olimpiadasining respublika bosqiçida tuman yoşlari 7 ta sovrinli örin bilan umumjamoa hisobida 6-örinni egallaşdi. Biroq, olimpiadaning Özbekiston bosqiçida sovrinli örinlarning yöqligi oldindagi eng muhim vazifalardan biri bölib qolmoqda.
Oliy taʼlimga qamrov masalasida 3298 nafar bitiruvçi öquvçidan 2789 nafari hujjat topşirib, 854 nafari, yaʼni 25,9 foizi talaba böldi. Şundan 223 nafari grant, 631 nafari kontrakt asosida öqişga kirgan bölsa, kiriş imtihonlaridagi örtaça ball 87,6 ni taşkil qildi.
Joriy öquv yilida 4400 nafardan ortiq bola 1-sinfga çiqişi kutilmoqda va 12 nomdagi Prezident sovğalari maktablarga töliq yetkazib berildi. Taʼlim jarayonida 22 ta maktab, yaʼni umumiy miqdorning 25 foizi yangi baholaş tizimiga ötgan bölsa, yangi öquv yilidan yana bir qator maktablar uşbu zamonaviy tizimga jalb etiladi.
Tumandagi taʼlim muassasalari jamoalari va tajribali pedagoglar turli körik-tanlovlar hamda loyihalarda ham peşqadamlik qilmoqda. “Aʼlo maktab” loyihasida 40-, 22-, 56-, 6- va 71-sonli maktablar yetakçilik qilib, tuman 118,6 ball bilan Qoraqalpoğistonda 6-örinni band etib turibdi. “Xorijiy tillarni öqitiş böyiça eng yaxşi maktab” tanlovida tuman mintaqada 3-örin egallagan.
Beşinçi Ustozlar milliy forumining plenar yiğilişi kelgusi öquv yili uçun ulkan marralarni va aniq strategiyani belgilab berdi. Yangi öquv yilida har bir ustozdan masʼuliyat, yangiça yondaşuv va yuqori şijoat talab etiladi. Zero, ustozlarning maşaqqatli mehnati va fidoyiligi orqaligina yurtimiz dovruğini dunyoga tanitadigan komil insonlar yetişib çiqişi şubhasiz.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶