MURĞAK KÖNGILLARGA MUHRLANGAN LAHZALAR
Ilk bor maktab ostonasiga qadam qöygan kunini, öqituvçisi ilk bor qöliga qalam tutqazib, yozişni, öqişni örgatgan damlarini könglida şirin orziqiş bilan, soğinç bilan eslamaydigan odam bölmasa kerak. Çunki öşa kun har birimizning oilamiz olamidan çiqib, umumga, tengqurlarimizga qöşilişib, ilm egallaşimiz yölida ilk pillapoya bölgan. Ona tilimiz alifbosini töla egallaş esa maʼrifat dunyosining kalitidir.
Şu bois, alifboni töla özlaştirib, savodxon bölib olgan bolajonlar "Alifbe” kitobi bilan şodu xurramlikda xayrlaşadilar, harflarni örgatgani uçun kitobga, ustoziga minnatdorlik bildiradilar.
22-dekabr kuni 16-sonli maktab majlislar xonasida bölib ötgan 1”b” sinf öquvçilarining "Savodxonlik bayrami”da ham "Alifbe” kitobini özlaştirib olgan 26 nafar bolajonlarning quvonçlari yaqqol aks etdi. Ustozlariga hurmat-ehtiromini, bolalarning taʼlim-tarbiya olişlari uçun bugungiday şaroitlarni yaratib bergan davlatimizga minnatdorçiligini ifodalovçi şeʼrlar, qöşiqlar, raqslarni mahorat bilan ijro etib, ustozlarini, ota-onalarini xuşnud etdilar.
Bayramona bezatilgan ulkan xonaga örnatilgan arça atrofida Qorbobo va Qorqiz bolajonlarni Alifbeni özlaştirib olganliklari bilan qutlab, birga öynab-kulganlari ayniqsa zavqli böldi. Ramziy "Alifbe” kitobi davraga kirib keldi va bolajonlarga özidagi mavjud harflarni yaxşi özlaştirib olganliklari uçun rahmat aytdi, döstona xayrlaşib, örnini ona tili kitobiga berişini eʼlon qildi. Barça darsliklarni ham puxta özlaştirib borişlarini tiladi.
Yana navbat kuy-qöşiqlarga, raqslarga berildi.
– Men bugungi ötkazilgan tadbirdan juda ulkan taassurotlar oldim. Çunki sahnada tomoşa namoyiş etgan 26 nafar bolaning maktabga qadam qöyganiga köp vaqt bölmadi. Har qaysisi bir oilaning ardoğida ösgan 26 nafar bolani döstlaştirib, qisqa fursatda savodini çiqarib, şunça narsalarni örgatiş sinf öqituvçisi Gözal Hojiyevaga oson bölmagani aniq. Buning uçun maktab maʼmuriyatiga, Gözal Hojiyevaga rahmat, – deydi sinfning aʼloçi öquvçilaridan Umidjon Soatboyevning onasi Raʼno.
Tadbir bolajonlarning ham könglida bir umr muhrlanib qolsa ajab emas.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶