“Sayyor kitob karvoni” Qipchoq ovulida
“Taraqqiyot koʻzgusi” gazetasi tahririyati va “Jayxun ilhomlari” NNT tomonidan amalga oshirilayotgan “Sayyor kitob karvoni” loyihasi doirasidagi Ommaviy kitobxonlik oyligida tumanimiz ovul va mahallalari fuqarolari, shuningdek kasb-hunar kollejlari hamda umumtaʼlim maktablarining oʻquvchi-yoshlari faol ishtirok eitshmoqda. Davriyligi 2018-yil 20-aprelidan 20-maygacha davom etishi rejalashtirilgan Ommaviy ktobxonlik oyligi ishtirokchilari safi kun sayin oshib bormoqda.
“Sayyor kitob karvoni” loyihasi doirasidagi navbatdagi tadbir 7-may kuni Qipchoq ovulida oʻtkazildi. Tadbir davomida ishtirokchilar “Jayxun ilhomlari” NNT tomonidan tashkil etilgan “Koʻchma kutubxona” bilan yaqindan tanishdilar. Kollej oʻquvchi-yoshlari va ularning ota-onalari hamda kollej oʻqituvchilaridan bir guruhi “Jayxun ilhomlari” NNT kutubxonasiga aʼzo boʻldilar va oʻzlariga manzur boʻlgan oʻzbek mumtoz hamda jahon adabiyoti durdonalari, shuningdek hozirgi zamon oʻzbek adabiyoti namoyondalarining asarlarini mutolaa qilish uchun tanlab oldilar.
Shuningdek, loyiha doirasidagi “Eng yaxshi sovgʻa - kitob” aktsiyasida oʻquvchi-yoshlar faol ishtirok etdilar va ustozlariga, ota-onalariga, ota-onalar esa oʻz farzandlariga atab “Kitoblar olami” koʻchma doʻkonidan kitoblar sotib olib, sovgʻa qildilar.
“Kutubxonaga kitob sovgʻa qilaman” deb nomlangan xayriya aktsiyasida amudaryo Agrobiznes kasb-hunar kollejining texnik fanlar kafedrasi mudiri Sharofat Kamolova “Jayxun ilhomlari” NNT kutubxonasiga oʻz shaxsiy kutubxonasidan 10 ta kitob sovgʻa qildi va bu maʼnaviy-maʼrifiy himmati evaziga “Taraqqiyot koʻzgusi” gazetasi va uning ilova nashri “Mening oilam” gazetalari 2019-yil uchun bepul yillik obuna boʻlish huquqini qoʻlga kiritdi.
– Kitobxonlik – insonni maʼnaviy yetuklikka eltadi, barkamol shaxs sifatida shakllantiradi, - deydi Sharofat Kamolova. – Men kutubxonaga sovgʻa qilayotgan kitoblardan kimdir maʼnaviy bahra olsa, demak, bu ishim bilan jamiyatimizning maʼnaviy yuksalishiga ulush qoʻshgan boʻlaman.
“Sayyor kitob karvoni” loyihasi doirasidagi Ommaviy kitobxonlik oyligining mazkur tadbirida Amudaryo Agrobiznes kasb-hunar kolleji direktorining maʼnaviy-maʼrifiy ishlar boʻyicha oʻrinbosari Allayor Boltaboyev, “Taraqqiyot koʻzgusi” gazetasi maxsus muxbiri, loyiha hamkori Robiya Yoʻldoshevalar kitobxonlikning ahamiyati, tuman matbuoti sohasida amalga oshirilayotgan ishlar, yoshlar qalbida vatanparvarlik, oʻzaro mehr-oqibat tuygʻularining shakllanishida muhim oʻrin tutuvchi mutolaa madaniyati haqida ishtirokchilarga gapirib berdilar.
Nursuluv TOʻQLIBOYeVA, Amudaryo agrobiznes kolleji
“Yosh muxbirlar” posti aʼzosi.
(Foto - OʻzA)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
