XALQ OLDIDA ÖZIMIZNI IŞÇAN QILIB KÖRSATIŞGA HAQQIMIZ YÖQ
Fuqarolarning özini-özi boşqariş organlari bugungi kunda mamlakatimizda eng xalqparvar, demokratik institut va jamiyat taraqqiyotining yetakçi böğiniga aylandi. Çunki xalqimiz ovul va mahallalarda yaşab, mehnat qilişadi, özlari yaşab turgan hududning ijtimoiy-maʼnaviy, iqtisodiy hamda madaniy jihatdan rivojlanişida faol iştirok etadilar va bunga özlarini masʼul deb biladilar.
Biz joriy yilning 30-oktyabr sanasida Oq oltin ovul fuqarolar yiğinida bölganimizda ovul aholisining ovulni har tomonlama ravnaq toptiriş borasidagi işlarda befarq emasligining guvohi böldik. Muammolarni muhokama qiliş, faoliyat körsatayotgan komissiyalar iştirokida joylarga çiqib örganiş hamda ularni imkoni boriça hal etiş çoralari körilgani bois, sönggi yillarda aholi tomonidan tuşayotgan şi-koyat va murojaatlar ança kamaygan. 6850 nafardan ziyod aholi istiqomat qiladigan ovul hududida aholiga zarur ijtimoiy-maişiy xizmat körsatuvçi tadbirkorlar ançagina.
Biz ijodiy guruhimiz bilan ovulda bölgan kunimizda Oq oltin ovul fuqarolar yiğinining vakillar yiğilişida ovuldagi qişloq oilaviy poliklinikasi mudiri Jahongir Prmanov hamda tuman IIBning hududga biriktirilgan 30-sonli militsiya tayanç punkti profilaktika inspektori F.Abdurahimovlarning öz faoliyatlari böyiça hisobotlari tinglandi.
Fuqarolar yiğinining Nizomiga köra, har çorakda bir marta fuqarolar yiğini raisi, uning örinbosarlari va maslahatçilari, yiğin faoliyatining asosiy yönalişlari böyiça komissiyalari hamda taftiş komissiyasi raisi, “Mahalla posboni” jamoatçilik tuzilmasi rahbari hamda hududdagi militsiya tayanç punkti huquqbuzarliklar profilaktikasi böyiça inspektori, taʼlim muassasalari va qişloq oilaviy poliklinikalari rahbarlarining hisobotlarini eşitişi, ular faoliyatini tanqidiy va tahliliy muhokama etişlari, hatto ularning egallab turgan lavozimlariga loyiq yoki noloyiqligi yuzasidan tavsiyalar qabul qilişi belgilab qöyilgan.
Oq oltin ovul fuqarolar yiğinida bölib ötgan yuqoridagi yiğilişda esa biz işçanlik ruhini sezmadik.
Töğri, yiğiliş barça rasmiy qonun-qoidalarga muvofiq ötkazildi. Yaʼni, yiğilişni yiğin raisi Q.Matmurodov oçdi va olib bordi. QOP mudiri J.Prmanov hamda militsiya tayanç punki huquqbuzarliklar profilaktikasi inspektori F.Abdurahimovlar hisobot maʼruzalari qildilar. Maʼruzalar ham risoladagiday, yaʼni, bajarilgan işlar, raqamlar bilan dalillangan misollar orqali qayd etildi. 3-qişloq oilaviy poliklinikasi mudiri J.Prmanovning hisobotiga eʼtibor beraylik: son-sanoqsiz raqamlar – hisobot davrida qança aholi tibbiy körikdan ötkazilgani, şulardan bolalar qança-yu, ayollar, keksalar, şuningdek, kasallik turlari böyiça emlanganlar, röyxatda turuvçi va röyxatga olingan bemorlar. Xullas, raqamlar sözlaydi, tinglovçilar şunçaki tinglayveradi. Çunki, bu kabi maʼruzalarni xalqimiz jim ötirib tinglaşga “odatlanişgan”. Biz esa har qanday odam yiğiliş ruhidan kelib çiqib aytişi mumkin bölgan bir fikrni aytişni lozim topdik: hisobot yiğilişi zörma-zöraki ötkazildi va unda faollik yetişmadi. Aholi vakillari esa hisobot yiğilişidan közlangan maqsad nima ekanligini hatto anglab ham yetmadilar.
Profilaktika inspektori F.Abdurahimovning maʼruzasiga kelsak, öz faoliyatini 2018-yilning oktyabr oyida boşlagan profilaktika inspektori, leytenant F.Abdurahimov 2018-yil 30-oktyabr kuni bölib ötadigan mazkur yiğilişga qölida tayyor bayonnoma (özi hisobot qiladigan yiğiliş bayonnomasi!) bilan kelganining özi hisobot yiğilişi şunçaki rasmiyatçilik uçun ötkazilayotganining isboti emasmi?
Prezidentimiz qayerda, qanday mavzuda maʼruza qilmasin, doimo bir gapni qayta-qayta takrorlaydilar: “Xalqimiz bizdan rozi bölişi kerak!”.
Xalqimiz işonç bildirib qöygan rahbarlar, davlat xizmatçilariki, öz vazifalarini bajarişda soxta maʼlumotlarga, rasmiyatçiliklarga suyanar ekanlar, xalq kimga suyanadi? Oq oltin OFY raisi şunçaki rasmiyatçilik yuzasidan rahbarlar hisobotini tinglaşi kimga kerak? Aslida xalqqa işning halolidan kelib, sözning mardini aytadigan, haqiqatdan ham xalq orasiga kirib borib, uning dardini tinglab, oğiriga yelka tutadigan rahbarning hisoboti kerak! Şunday emasmi?
Yiğilişda 3-sonli QOP mudiri J.Prmanov öz maʼruzasida hududdagi ijtimoiy yordamga muhtoj aholi qatlami haqida va aholining bunday vakillari bilan şaxsan uçraşib, ularning malakali tibbiy xizmatlar olgani yo olmagani, soğligida jiddiy muammolari bölgan kişilarga tuman Tibbiyot birlaşmasi malakali mutaxassislari bilan maslahatlaşgan holda, ular soğligini tiklaşlari uçun körsatilayotgan amaliy yordam – reabilitatsiya markazlariga (order) yöllanmalar olişda kömaklaşiş masalalarida qilingan işlar yuzasidan aniq misollar keltirmadi. Rahbar sifatida şaxsiy taşabbus körsatiş örniga, faqat tuman Tibbiyot birlaşmasi tomonidan berilgan körsatmalar böyiça bajarilgan işlar bilan çeklanib qolinayotganini maʼruza mazmunidan anglab oliş qiyin emas.
Huquqbuzarliklar profilaktikasi inspektori F.Abdurahimovning maʼruzasi ham rasmiyatçilik yuzasidan tayyorlangan va maʼruzaçi öz xizmat hududidagi muammolarni hali yetarliça örganib, tahlil qilmagan.
Vaholanki, yiğin aholisi hayotida soğlikni saqlaş va huquqiy masalalar böyiça yeçimini kutayotgan muammolar bir talay. Bu muammolarni biz birma-bir taʼkidlab ötmoqçi emasmiz. Lekin bir fikrni aytişga majburmiz: Oq oltin OFY raisi Q.Matmurodov yiğin hududidagi idora va taşkilotlar rahbarlarining hisobotlarini taşkil etiş, bu hisobot yiğilişiga aholi vakillarining faol iştirokini taʼminlaş böyiça yetarli tajribaga ega emas. Buni biz 30-oktyabr kuni bölib ötgan yuqoridagi yiğilişda yaqqol kördik va his etdik.
Maqolamiz intihosida OFY va MFY raislari (oqsoqollari)ning iş tutumlaridagi umumiy bir kamçilikni (balki sustkaşlikdir!) röyi-rost aytişga majburmiz:
– OFY va MFY raislari (oqsoqollari) öz vakolatlari doirasidagi vazifalarni yo tuşunişmaydi yoki öz xizmat lavozimi burçlarini ado etiş böyiça maʼlum bilimga ega emaslar!
Bizning maqsadimiz – doimo xolis. Prezidentimiz taʼbiri bilan aytganda, öz vazifamizni halollik bilan bajariş va hamişa xalqqa yaqin böliş. Xalqimiz dardini anglab, oğiriga yelka tutib yaşaş har birimizning burçimizdir. Burçga nisbatan masʼuliyatsizlik va rasmiyatçilik bilan yondaşişga, şunçaki işlaş, xalq közi oldida özimizni işçan qilib körsatişga aslo haqqimiz yöq. Xalqimizga rasmiyatçilik emas, amaliy iş kerak! Şunday emasmi?
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶