AMUDAPYo TUMANIDA KONSTITUTsIYa KUNI MUNOSABATI BILAN BAYPAM TADBIPI OʻTKAZILDI
Mamlakatimizda qonun ustuvorligi hamda qonuniylik tamoyillarini taʼminlash, inson huquq va erkinliklarini himoya qilishda Konstitutsiya muhim asos boʻlib kelmoqda. Oʻtgan davr mobaynida davlat va jamiyat qurilishi sohasida amalga oshirilgan tub islohotlar, xalqimiz qoʻlga kiritgan ulkan yutuqlar ham davlatimizda ushbu hujjatda belgilangan qoida va tamoyillardan toʻla foydalanilayotganligining natijasidir. Mamlakatimizning taraqqiyot yoʻlidan dadil odimlashida zamin boʻlayotgan Oʻzbekiston Pespublikasi Konstitutsiyasi qabul qilinganligining 26 yilligi munosabati bilan tumanimizda ham katta tadbir oʻtkazildi.
6-dekabr kuni Mangʻit shahridagi Madaniyat markazida oʻtkazilgan mazkur tadbirda tuman hokimi S.Yoʻldashev, sektorlar rahbarlari, hokimi oʻrinbosarlari, davlat va maʼmuriy organlar, korxona-tashkilotlar, taʼlim muassasalari rahbar va masʼul xodimlari, ovul va mahalla fuqarolar yigʻinlari raislari ishtirok etdilar. Tadbirni tuman hokimi oʻrinbosari, Xotin-qizlar qoʻmitasi raisi M.Ahmedova ochib berdi.
Tadbirda tuman hokimi S.Yoʻldashev, tuman Adliya boʻlimi boshligʻi M.Matyusupov, xalq deputatlari tuman Kengashi deputati M.Beknazarovalar soʻzga chiqib, Konstitutsiyada belgilangan inson hayoti, erkinligi, shaʼni, qadr-qimmati va boshqa daxlsiz huquqlari oliy qadriyat hisoblanishini alohida taʼkidladilar.
Prezidentimiz Shavkat Mirziyoyev tashabbusi bilan ishlab chiqilgan 2017-2021-yillarda Oʻzbekiston Pespublikasini rivojlantirishning beshta ustuvor yoʻnalishi boʻyicha Harakatlar strategiyasi Konstitutsiyamizda belgilangan hayotiy normalarni amalga oshirishda muhim ahamiyat kasb etayotgani, bu esa yurtimizda huquqiy demokratik davlat, kuchli fuqarolik jamiyati, erkin bozor munosabatlari va xususiy mulk ustuvorligiga asoslangan iqtisodiyotni qurish, xalqimiz uchun tinch, obod va farovon hayot barpo etish, Oʻzbekistonning xalqaro maydonda munosib oʻrin egallashida mustahkam poydevor boʻlib xizmat qilayotgani hayotiy misollar bilan ochib berildi.
Shuningdek, Konstitutsiya jamiyat hayotining barcha sohalaridagi samarali islohotlar qatorida jamiyat iqtisodiy negizlarini shakllantirish, ayniqsa, shaxsning mulkka egalik qilish huquqi, iqtisodiy faoliyat, tadbirkorlik va mehnat qilish erkinligi orqali mamlakat taraqqiyotiga qoʻshayotgan hissasini kuchaytirishga imkon yaratayotganiga keng toʻxtaldilar.
Qonun ustuvorligi, inson huquq va erkinliklarini himoya qilishning muhim kafolati boʻlib kelayotgan Konstitutsiyamiz qabul qilingan kunga bagʻishlangan tadbir tuman Madaniyat boʻlimi tomonidan tayyorlangan “Konstitutsiya – oliy Qomusim” deb nomlangan musiqiy dastur bilan davom etdi. Dasturda taqdim etilgan slayd-lavhalar, namoyish etilgan musiqiy kompozitsiyalar, Madaniyat boʻlimi sanʼatkorlari, maktab oʻquvchilari, maktabgacha taʼlim muassasalari tarbiyalanuvchilari ijrosidagi sahna koʻrinishlari, Vatan madhiga bagʻishlangan sheʼr va qoʻshiqlar, jozibali raqslar barchaga xushnudlik ulashib, bayram kayfiyatini baxsh etdi.
O.XUDOYBEPGANOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
