GEPATIT “A”GA QAPShI VAKTsINA – SAMAPALI VOSITA

Virusli gepatit “A” kasalligi odamdan odamga oʻtadigan yuqumli kasallik hisoblanadi.

Bu kasallikda har qanday yoshdagi inson organizmida jigar toʻqimalari jarohatlanadi.

Gepatitning “A” turi bilan koʻproq kichik yoshdagi bolalar kasallanadi. Kasallik xavfi shundaki, uning yashirin davri belgisiz kechadi va bu davr 7 kundan 50 kungacha, koʻpincha 35 kungacha choʻziladi. Bemorni sogʻlom boladan ajratish qiyin boʻladi. Ular oʻzlarining kasal ekanligini bilmaganligi sababli bolalar bogʻchasi va maktabga qatnashni davom ettiradi va oʻzidan kasallik qoʻzgʻatuvchi virusni tevarak-atrofga tarqatadi.

Gepatit “A” sogʻlom bolaga kasallik chaqiruvchi virus bilan ifloslangan qoʻldan, bemorning idish-tovoqlari, sochigʻi va oʻyinchoqlaridan foydalanganida yuqadi. Kasallikning dastlabki belgilari tana haroratining koʻtarilishi, holsizlik, koʻngil aynishi, qayt qilish, oʻng qovurgʻa ostida ogʻriq, najas rangsizlanishi va siydik qizarishi, teri, koʻz oqining sargʻayishi koʻrinishlarida namoyon boʻladi.

Kasallikning oldini olish uchun farzandlarimizni shaxsiy gigiyena qoidalariga amal qilishga odatlantirish kerak. Undan tashqari, eng ishonchli yoʻllardan biri vaktsinatsiyadir. Vaktsinatsiya bu yuqumli kasalliklarga qarshi profilaktik emlash chorasi hisoblanadi. Hozirgi paytda milliy kalendar boʻyicha 12 tur yuqumli kasallikka qarshi vaktsinatsiya qoʻllanmoqda. Biroq virusli gepatit “A” kasalligiga qarshi vaktsina hozircha milliy kalendarga kiritilmagan. Unga qarshi emlash Xitoy davlatida ishlab chiqarilgan vaktsina bilan Pespublikamizning barcha oilaviy poliklinikalari, qishloq vrachlik punktlarida ota-onalar hisobidan toʻlamli turda oʻtkazilmoqda.

Mashaqqat bilan kasallikni davolagandan koʻra oʻz vaqtida ushbu kasallikka qarshi emlangan afzal. Chunki har qanday kasallikda eng yaxshi davo bu avvalo, uning oldini olishdir.

G.Tajiboyeva, tuman DSENM epidemiologiya boʻlimi mudirasi.