TUMANIMIZNING IKKI NAFAP OʻQUVChISI MAKTABNI OLTIN MEDAL BILAN BITIPDI
Ilm-u maʼrifat hamisha mamlakat ravnaqining asosi sanalgan. Qayerda ilmu fanga, maʼrifatga eʼtibor kuchli boʻlsa, oʻsha yurt qudratli boʻladi. Muhtaram Prezidentimiz Sh.Mirziyoyev rahbarligida bu borada amalga oshirilayotgan izchil islohotlar mamlakatimiz taʼlim tizimida yangi sahifa ochdi. Ayniqsa, yurtimizning iqtidorli, isteʼdodli, izlanuvchan yoshlari erishgan har bir muvaffaqiyati hamisha eʼtirof etiladi, ragʻbatlantiriladi. Bu Oʻzbekiston Pespublikasi Vazirlar Mahkamasining “Umumiy oʻrta taʼlim muassasalari va akademik litseylarning iqtidorli bitiruvchilarini oltin va kumush medallar bilan taqdirlash toʻgʻrisida”gi Nizomida ham oʻz aksini topgan.
Nizomga asosan tumanimiz umumtaʼlim maktablarini tugatayotgan yoshlar orasida ikki nafari oltin medal bilan taqdirlandi.
Ayni kunlarda barcha umumtaʼlim maktablarida 11-sinflarni bitirgan yigit-qizlar qoʻllariga yetuklik attestati topshirilmoqda.
70-sonli maktabda bunday tadbir haqiqiy bayram tusini oldi. Unda bitiruvchilardan tashqari ularning ota-onalari, maktab oʻqituvchilari ishtirok etdilar.
Maktabda barcha fanlardan aʼlo baholarga oʻqish bilan chegaralanib qolmay, jamoat ishlarida ham faol qatnashgan, “Yurt kelajagi”, “Yil sardori”, “Yosh kitobxon” kabi tanlovlarda faxrli oʻrinlarni egallagani, iqtidori inobatga olingan holda 23 nafar bitiruvchilar orasida Setora Ahmedova oltin medal olishga muvvafaq boʻldi. Bu uning ustozlarini, ota-onasini va maktab rahbarlarini juda quvontirib yubordi.
Attestat topshirish marosimi soʻngida maktab badiiy havaskorlari ijrosida kontsert dasturi namoyish etildi.
Maktabni oltin medal bilan tugatishdek baxtga musharraf boʻlganlarning biri 69-sonli maktab bitiruvchisi Laylo Bozorboyeva boʻldi.
Shu boisdan ham maktabda bitiruvchilarga attestat topshirish marosimi ulkan bayramga aylanib ketdi.
Laylo Bozorboyeva barcha fanlardan ham aʼlo baholarga oʻqidi. Ayniqsa, rus tili fani oʻqituvchisi Oʻktam Matnazarov uning iqtidorini anglab, oʻz fanidan alohida shugʻullandi, murakkab tilni mukammal oʻzlashtirishiga intildi. Natijada Laylo joriy oʻquv yilida fanlar olimpiadasining quyi bosqichlarida rus tili fani boʻyicha gʻolib boʻlib, Qoraqalpogʻiston bosqichida ham qatnashib, sovrindor boʻldi. Shuningdek, “Ajdodlar merosi – kelajak poydevori”, “Yil sardori”, “Yurt kelajagi” tanlovlarida ham qatnashib, oʻz iqtidorini namoyish eta oldi.
Maktabni bitirib, qoʻllariga attestatini olayotgan 39 nafar bitiruvchilar maktab kutubxonasiga 40 tadan ziyod badiiy-ilmiy kitoblarni sovgʻa qilishdi.
Bitiruvchilarga attestat topshirish marosimi maktab qoshida tashkil etilgan “Gulgʻuncha”toʻgaragi aʼzolarining badiiy chiqishlariga ulanib ketdi.
Maʼlumot uchun 3-sonli, 30-sonli, 73-sonli maktablarning ham bir nafardan oʻquvchilari kumush medalga sazovor boʻlishdi.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
