BIR OILANING 2 NAFAR FARZANDI PREZIDENT MAKTABIDA TAHSIL OLIShMOQDA
Amudaryo tumanidagi 76-sonli umumtaʼlim maktabining oʻquv ishlari boʻyicha direktor oʻrinbosari Farhod Shukurlayevning 2 nafar farzandi Prezident maktabida taʼlim olmoqda. Birinchi farzandi Ilyasbek Shukurullayev Prezident maktabi ochilgan 2019-2020 oʻquv yilida qabul kommissiyasi sinovlaridan muvaffaqiyatli natijalar bilan oʻtib, 6-sinfga qabul qilingan edi. Bugungi kunda Ilyasbek 8-sinfda taʼlim olmoqda.
Akasining izdoshi sifatida qizi Oydinoy Shukurullayeva ham 5-sinfni tugatib, 2021-2022 oʻquv yili qabul kommissiyasi sinovlaridan muvoffaqiyatli natijalar bilan oʻtib, Prezident maktabining 6-sinfiga qabul qilindi.
Farhod Shukurullayev farzandlarining bu muvoffaqiyatlarida 26-sonli maktab pedagogika jamoasi va fan oʻqituvchilarining hissasi katta ekanligini eʼtirof etib, ulardan juda minnatdor ekanligini yashirmaydi. Hazil aralash: “Onasining mehnati koʻp”, deb fahrlanib qoʻyadi.
Albatta, farzandlarining bu yutugʻida 26-sonli umumtalim maktabi boshlangʻich sinf oʻqituvchilari Feruza Matqurbanova, Nasiba Kamolova, geografiya fani oʻqituvchisi hamda sinf rahbari Davron Qoʻshayev, matematika fani oʻqituvchisi Azizbek Boltabayev, ingliz tili fani oʻqituvchilari Fazilat Olimova va Sabohat Qoʻshayeva, Muhabbat Bobojanovalarning mehnatini alohida tilga oladi.
Ayniqsa, maxsus ravishda xalqaro dasturlar doirasida qoʻshimcha mashgʻulotlar tashkil qilib, Ilyasbek va Oydinoyga alohida darslar olib borgan 76-sonli maktabning yosh matematika fani oʻqituvchisi Shahboz Qurbanboyev va ingliz tili fani oʻqituvchisi Munojot Davletovalarning fidoyiliklari tufayli bir oilaning ikki farzandi Prezident maktabi oʻquvchisi boʻlishdi.
Bugungi kunda mamlakatimizda yoshlarni qoʻllab-quvvatlash doirasida olib borilayotgan davlat siyosatining oiladagi roli juda muhimligini anglab yetgan onasi Nasiba Shukurlayeva farzandlarining taʼlim-tarbiyasi bilan muntazam shugʻullanib kelgani uchun bolalar juda yoshligidan oʻzlari uchun eng toʻgʻri yoʻl ilm olish ekanligini anglab yetishdi. Ota-ona sifatida farzandlariga zarur shart-sharoit yaratib berib, gʻamxoʻrlik qilgan Farhodjon bilan Nasibaxonning quvonchlari cheksiz.
Ravshan XOLMURODOV, tuman XTB taʼlim sifati monitoringi bosh-inspektor metodisti.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
