MEHNATI QADR TOPGAN ODDIY DEHQON
Sobiq ittifoq davrida deyarli barça öquv muassasalarida eng körinarli joyga “Qişloqda yaşaysanmi, texnikani örgan!” degan çaqiriqnoma şior ilib qöyilardi. Yuqori sinf öquvçilari umumtaʼlim maktabini tugatganlik haqidagi attestati bilan birga, albatta, traktorçi mutaxassisligi böyiça hujjatga ham ega bölişardi. Garçi otasi Xöjamurod ota Aşirov savdo sohasi xodimi bölsa-da, oiladagi kenja öğil Yoqubboy texnikaga ixlos qöydi. Maktabni tugatmasdanoq Yoqubboy özi boşqaradigan texnikani mukammal örganişga qaror qildi. Töğri-da, texnikasi buzilsa, kimga yalinib yuradi? Agar uni miridan-sirigaça örganib olsa, birinçidan, öziga yaxşi, qolaversa, bajaradigan işida sifat va samara böladi.
Yoqubboy dilidagi ana şu orzusini amalga oşiriş maqsadida oilasida heç kimning xayoliga kelmagan taʼlim dargohini tanladi. 1988-1989-yillarda Rossiyaning Volgograd viloyatidagi 2-sonli Kamişin nomli hunar-texnika bilim yurtida tokarlik mutaxassisligi böyiça tahsil oldi. Öqişni tugatib, xöjalikda işçi sifatida ilk mehnat faoliyatini boşlagan Yo.Aşirov 1989-1992-yillarda harbiy xizmat burçini şaraf bilan ado etdi. Keyinçalik xöjalik işçisi, Turkmaniston Respublikasining Toşhovuz şahridagi maxsus avtomatika korxonasida montyor, Qiliçboy xöjaligida va “Qori buva” fermer xöjaligida traktorçi vazifalarida halol va fidoyi mehnat qildi.
Agar insonda yuksak nazariy bilim bölsa-yu, unda qatʼiyat, öziga işonç, taşkilotçilik va tadbirkorlik sifatlari bölmasa, özidagi nazariy bilimni amalda qöllaşga qodir şaxs sifatida namoyon bölolmaydi. Qişloq xöjaligi sohasi böyiça oliy maʼlumotga ega köplab mutaxassislarning özlari tanlagan soha böyiça köngildagiday iş yuritolmasliklari boisi ham, nazarimda ana şundan.
Agar taʼbir joiz bölsa, Yo.Aşirov öz sohasining diplomsiz yetuk mutaxassisi, töğriroği, olimi. Yer, texnika, boşqaruv ilmini öz hayotiy tajribalari orqali egallagan Yo.Aşirov 2009-2017-yillarda “Yoqubboy Aşirov” fermer xöjaligini mahorat bilan boşqardi. Fermer xöjaligi tasarrufidagi ekişlik maydonlaridan tortib, irrigatsiya tarmoqlari, har bitta texnika va agregatni mufassal nazoratdan ötkazdi, kamçiliklarini töldirdi, nosoz texnikalarni özi boş bölib tuzatdi. Yerlarning meliorativ holatini yaxşilaş maqsadida suğoriş tizimlarini tozalab, zaxkaşlar holatini yaxşiladi. Natijada “Yoqubboy Aşirov” fermer xöjaligida paxta va boşqa qişloq xöjalik ekinlari hosildorligi oşib, tumandagi ilğor xöjaliklar qatoridan joy oldi.
Tinib-tinçimas va mehnatkaş Yoqubboy Aşirov 2017-2020-yillarda Qiliçboy muqobil maşina-traktor parki rahbari sifatida hududdagi fermer xöjaliklariga texnika xizmati körsatiş sifatini zamon talablari darajasiga kötardi. Bu esa dehqonçilik madaniyatini yuksaltiriş imkonini berdi.
Ayni paytda MÇJ şaklidagi “Amudaryotex” xorijiy korxonasi paxtaçilik klasterining hududiy agronomi va “Yoqubboy Aşirov” fermer xöjaligi rahbari sifatida faoliyat olib borayotgan tajribali dehqon har kuni dalada. Nafaqat özi rahbarlik qilayotgan fermer xöjaligi, balki paxtaçilik klasteri bilan şartnoma tuzgan fermer xöjaliklari dalalarini kezib, 2021-yilgi paxta hosilining salmoğini çamalaydi.
Oppoq marjon tizmalariday çanoqlardan toşib turgan hosil barakasidan mamnun, kayfiyati çoğ Yoqubboyni mustaqillik bayrami arafasida, ertalabdan yöqlovçilar köp böldi. Birinçi bölib tuman hokimi Sultonboy Yöldaşev, söng ketma-ket döstlari, yaqinlari “Şuhrat” medali bilan mukofotlanganini aytişganida avvalo bunga işoninqiramadi. Xuşxabar qanot yozib, bir zumda butun tumanga tarqalganida farzandlari internet tarmoğida eʼlon qilingan Prezident Farmonini öqib berişdi.
Mustaqilligimizning 30 yilligi munosabati bilan Prezident Farmoniga köra, turli sohalarda faoliyat yuritayotgan yurtdoşlarimizdan bir guruhi faxriy unvon, orden va medallar bilan mukofotlangan edilar. Mukofotlanganlar orasida “Yoqubboy Aşirov” fermer xöjaligi rahbari Yoqubboy Aşirov ham bor edi.
– Heç kutmagandim, – quvonçini yaşira olmaydi Yoqubboy Aşirov. – Internet tarmoğida eʼlon qilingan Prezident Farmonini farzandlarim öqişayapti-yu, quloqlarimga işonmayman. Axir men bir oddiy dehqon bölsam...
Oddiy dehqon! Yangilanayotgan Özbekistonda mehnatkaş insonning qadr-qimmati joyiga qöyilayotganidan nişona edi bu! Prezident Farmoniga köra, qiliçboylik oddiy dehqon Yoqubboy Aşirov “Şuhrat” medali bilan taqdirlangani ham dehqonning halol va fidoyi mehnati şaraflangani, qadr topganining isboti.
Özining yoşlik şijoatini, bilim va salohiyatini tumanimiz iqtisodiyotini rivojlantiriş, qişloq xöjaligini, dehqonçilik madaniyatini yuksaltirişga bağişlagan Yoqubboy Aşirovga mukofot muborak, dalalar tomon qöyayotgan har bir qadamingiz barakali, hosil xirmonlaringiz sarbaland bölsin, deymiz.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶