TADBIRKORLARGA TOʻSIQ BOʻLAYoTGAN MUAMMOLAR BARTARAF ETILMOQDA

Amudaryo tumanidagi Tadbirkorlar murojaatlarini koʻrib chiqish qabulxonasi tomonidan oʻtgan 2021-yilda 246 ta masala boʻyicha 244 ta murojaatlar roʻyxatga olindi. Hududlarda 44 ta sayyor qabullar tashkil etildi.

Yosh tadbirkorlarni qoʻllab-quvvatlash va ularni qiynayotgan muammolarni bartaraf etish maqsadida amalga oshirilayotgan ishlar natijasida yosh tadbirkorlardan jami 67 ta murojaatlar qabul qilinib, ularda qayd etilgan muammoli masalalarning 47 tasi ijobiy hal etildi, natijada yosh tadbirkorlar tomonidan 4 ta ish oʻrinlari yaratilishi taʼminlandi. Tadbirkorlik sohasida xotin-qizlarning faolligini oshirish va tadbirkor ayollar muammolarini tezkor hal etish maqsadida ulardan 69 ta murojaatlar qabul qilinib, shundan 49 tasi ijobiy hal etildi. Shu orqali tadbirkor ayollar tomonidan 7 ta yangi ish oʻrinlari yaratilishiga koʻmaklashildi.

Murojaatlar oʻtgan yilning shu davriga nisbatan 69 taga kamaygan. Kredit olish masalasidagi murojaatlar soni 13 taga koʻpaygan. Banklar tomonidan koʻrib chiqilgan jami 126 ta murojaatlarning 93 tasi ijobiy hal etilib, 33 tasiga tushuntirish berilgan.

Tumandagi Tadbirkorlar murojaatlarini koʻrib chiqish qabulxonasi huzuridagi tadbirkorlarning jamoatchilik Kengashi tomonidan kelib tushgan murojaatlar har oyda tahlil qilinib, tumanda tadbirkorlikni rivojlantirishga toʻsiq boʻlayotgan muammolarni bartaraf etish boʻyicha Kichik biznes va tadbirkorlikni rivojlantirish agentligiga taqdim qilish uchun 13 ta takliflar kiritildi.

Qabulxona qoshida 1100 raqamli “Ishonch telefoni”, Telegram internet tarmogʻida “Tadbirkorlar qabulxonasi” kanali, bundan tashqari qabulxonada “business.gov.uz” yagona interaktiv portali faoliyat koʻrsatmoqda.

M.Oʻrazboyev, tumandagi Tadbirkorlar murojaatlarini

koʻrib chiqish qabulxonasi yetakchi mutaxassisi.