Zulfiya — tong kuychisi
Zulfiya Isroilova taniqli va iqtidorli oʻzbek shoirasi, inson qalbini oʻtkir his qilgan-mehnatkash, sharq ayolining jamiyatdagi teng huquqi uchun mardonavor kurashgan ayol. Zulfiya sheʼriyatining nufuzi bizning bugungi murakkab davrimizning haqqoniy ifodasi, zamondoshlarimizning qalbi va harakatlarining yorqin tasviridir. U xalqimizning atoqli va ardoqli vakili, taniqli jamoat arbobi, xalqaro tinchlik uchun kurash jarchisi, xalqaro “Nilufar”, Javoharlal Neru nomidagi Davlat mukofoti sohibasi edi.
Zulfiyaxonim oʻzbek sheʼriyatida oʻziga xos oʻringa ega shoira boʻlishi bilan birga inson sifatida ham shu xalqning barcha oliyjanob xislatlariga ega ayol boʻlgan. Shoiraning hayoti va ijodi barcha xotin-qizlar uchun ibrat. Negaki, uning hayotdagi mehnatsevarligi, doimo olgʻa intilishi, sevgi bobida sadoqati, badiiy ijod borasida tinimsiz izlanuvchanligi hamda hayot qiyinchiliklaridan esankiramasligi, erishilgan yutuqlar oldida oʻzini yoʻqotmasligi har qanday qiz yoki ayol qalbida havas uygʻotadi.
Mamlakatimizda bahorni shoira Zulfiya Isroilova tavallud topgan kunni nishonlash bilan kutib olish anʼanaga aylangan. Shu munosabat bilan maktabimizda “Zulfiya tong kuychisi” nomli maʼnaviy-maʼrifiy tadbir oʻtkazildi. Tadbirda ona tili va adabiyot fani oʻqituvchisi Z.Saparova Zulfiya hayoti va ijodi haqida maʼruza qildi. Tadbirda 7-, 8-, 9-sinflar qizlari faol qatnashib, Zulfiyaxonim sheʼrlaridan ifodali aytdilar hamda kuy, qoʻshiq va raqs ijro qildilar. Zulfiya hayotidan sahna koʻrinish namoyish qilindi. Tadbir soʻnggida faol ishtirokchilar Faxriy yorliq va estalik sovgʻalar bilan taqdirlandi.
Dildora Xolbayeva, 82-sonli maktab ijodiy-madaniy ishlar boʻyicha targʻibotchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
