AYoL BILAN FAROVON VATAN!
Hayotimizning fayzi va körki, oila hamda jamiyat ustuni bölgan aziz opa-singillarimizni eʼzozlaş, ularning qadr-qimmatini uluğlab, hurmat va ehtirom körsatiş xalqimiz uçun eng buyuk qadriyat hisoblanadi. Çunki sevimli ayol-qizlarimiz tufayli hayotimiz hamişa gözal va mazmunli, xonadonlarimiz nurafşondir.
Mustaqil Vatanimiz taraqqiyotida hamda jamiyat hayotida xotin-qizlar muhim örin va mavqega ega. Buni biz mamlakatimizning ijtimoiy-siyosiy, iqtisodiy-madaniy hayotidagi barça sohalarda, xususan, davlat boşqaruvi va vakillik organlarida, işlab çiqariş, tadbirkorlik, soğliqni saqlaş, taʼlim, maʼrifat va maʼnaviyat, agrar va boşqa sohalarda fidoyi ayol-qizlarimiz amalga oşirayotgan olamşumul işlar, erişayotgan muvaffaqiyatlar misolida yaqqol körib turibmiz.
Bu borada gap ketganda, Prezidentimizning 2021-yildagi “Xotin-qizlarni qöllab-quvvatlaş, ularning jamiyat hayotidagi faol iştirokini taʼminlaş tizimini yanada takomillaştiriş çora-tadbirlari töğrisida”gi Farmoni xotin-qizlarning siyosiy, iqtisodiy va ijtimoiy huquqlarini himoyalaşga, şu barobarida ularning ijtimoiy-siyosiy faolligini kuçaytiriş, qobiliyat va salohiyatlarini röyobga çiqariş, oila institutini mustahkamlaş, onalik va bolalikni muhofaza qilişga qaratilgan çora-tadbirlarni amalga oşiriş imkonini bermoqda.
Xususan, Amudaryo tumanida ham ötgan 2021-yil davomida kam taʼminlangan, uy-joyga muhtoj 6 nafar xotin-qizlarga “Ayollar maqsadli jamğarmasi” mablağlari hisobidan uy-joylarning boşlanğiç badallari tölab berildi.
Oğir turmuş şaroitida yaşayotgan 19 nafar xotin-qizlarning 5 nafariga tibbiy yordam körsatildi, 7 nafarining bandligi taʼminlanib, 6 nafari moddiy jihatdan qöllab-quvvatlandi. Tadbirkorlik faoliyatini boşlaş istagida bölgan 1 nafar ayolga kredit olişda kömaklaşildi.
Hukumat Qaroriga köra, “Vaqtinçalik tartib” asosida tumandagi sektorlar kesimida mahallabay tarzda “Ayollar daftari”ga 30 yoşdan oşgan 3697 nafar ayol-qizlar kiritilib, hamkor taşkilotlar bilan birgalikda 842 nafar ayollarning bandligi taʼminlandi, 499 nafar xotin-qiz kasb-hunarga öqitildi. Şuningdek, 130 nafar uyda ötirgan ayollarga tomorqa xöjaligini yuritiş böyiça amaliy yordam körsatilib, 812 nafar ayollarga öz tadbirkorlik faoliyatini yuritişlari uçun 7 mlrd. söm miqdorida kredit mablağlari ajratildi.
Bundan taşqari, boquvçisini yöqotgan oilalar, nogironligi bölgan yoki qaramoğida nogiron farzandlari bor ayollar, ijarada yaşovçi hamda psixologik va tibbiy yordamga muhtoj ayol-qizlarning ham röyxati şakllantirilib, zarur yordamlar körsatildi.
Xotin-qizlarni qöllab-quvvatlaş, ular örtasida hunarmandçilikni rivojlantiriş maqsadida 1725 nafar ayol-qizlarga “Har bir oila – tadbirkor” dasturi doirasida kredit mablağlari ajratilib, ayni paytda ular özlarining issiqxona, tomorqa va dehqon xöjaliklari, hunarmandçilik hamda işlab çiqariş kiçik korxonalari, tikuvçilik tsexlari faoliyatini mohirlik bilan boşqarmoqdalar. Alohida qobiliyatli, oilaviy şaroiti kam daromadli bölgan xotin-qizlardan 9 nafariga Prezident Qaroriga muvofiq OTMlarga qöşimça grant asosida öqişga qabul qilinişlari uçun tavsiyanomalar berildi.
Tumanimiz va mamlakatimiz ijtimoiy-siyosiy, iqtisodiy-madaniy hamda maʼnaviy hayotida faol iştirok etayotgan ayol-qizlar orasida nufuzli davlat mukofotlari sohibalari, el-yurt ardoğiga munosib aziz opa-singillarimiz borligi qalbimizga iftixor bağişlaydi. Amudaryolik 3 nafar el-yurt ardoğidagi munis va muhtarama onaxonlar “Möʼtabar ayol” kökrak nişoni sohibalari böldilar.
Maʼlumki, millatning öziga xos maʼnaviyatini şakllantiriş va yuksaltirişda, şubhasiz, oilaning, oilada esa ayolning örni va taʼsiri beqiyosdir. Şu bois, mamlakatimizda xotin-qizlarning mavqei har jihatdan yuqori baholanmoqda. Bu muhtaram Prezidentimiz tomonidan 2022-yil 1-mart sanasida imzolangan “Oila va xotin-qizlar davlat qömitasini taşkil etiş töğrisida”gi tarixiy Qarorda öz isbotini topgan.
Prezidentimiz raisligida joriy yil 1-mart kuni xotin-qizlarni qöllab-quvvatlaş tizimini hamda ularning jamiyatdagi mavqeini yanada mustahkamlaş masalalari böyiça videoselektor yiğilişida mamlakatimiz xotin-qizlari hayotiga oid barça muammolar atrofliça muhokama etilib, bu boradagi navbatdagi vazifalar belgilab olindi va Prezident Farmoni bilan endilikda mamlakatimizda Oila va xotin-qizlar davlat qömitasi hamda qömitaning viloyat tuman (şahar) boşqarmalari faoliyati yölga qöyilmoqda.
– Endi har bir mahallada ayollarning dardi bilan yaşaydigan tizim böladi. Qaysi ayolga nima kerakligi, öqişi, davolanişi, bolalari tarbiyasi böyiça mening stolimda adolatli raqam böladi, – dedi davlatimiz rahbari.
Prezident Farmoni bilan har bir OFY va MFYda joriy etilayotgan xotin-qizlar faoli lavozimining yangidan taşkil etilayotgan tuman oila va xotin-qizlar qömitasi tizimiga ötkazilişi esa oila va xotin-qizlar bilan işlaşiş, ular hayotiga oid barça masalalarni aniq va puxta reja asosida amalga oşiriş imkonini beradi. Zero, Prezidentimiz taʼkidlanganlariday: “Ona rozi bölsa, oila rozi böladi, oila rozi bölsa, jamiyat rozi böladi”.
Barça zamonlarda, barça jamiyatlarda Ayolga ehtirom körsatiş, uning el-u xalq, millatlar va demakki, avlodlar bardavomligi yölidagi beqiyos katta xizmatlarini eʼtirof etişga öta jiddiy munosabatda bölişganki, bu hatto ham dunyoviy, ham islomiy qadriyat sifatida başariyat zimmasidagi yuksak burçdir. Zotan, Ayol borki, olam munavvar, Vatan istiqboli mangu, avlodlar baxtga muşarraf, xonadonlar çaroğon, oilalar tökis, har bir insonning bağri butun. Ana şu butunlik – bahorday yam-yaşil, gurkiragan hayot, nafosatga, gözallikka oşno köngillar mangu bölsin!
Aziz va muhtarama, möʼtabar onajonlar, qadrli, gözal opa-singillar, barçangizga nafosat va gözallik ayyomi – 8-mart – Xalqaro xotin-qizlar bayrami qutluğ bölsin!
Gözal SOBIROVA,
tuman Mahalla va oilani qöllab-quvvatlaş
bölimi boşliğining birinçi örinbosari.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶