"Oq oltin"da Navröz bayrami keng nişonlandi
Ayni kunlarda ölkamizning har göşasida köklam şukuhi kezmoqda. Xalqimiz qadimiy va navqiron Navröz ayyomini nişonlamoqda. Navröz – yangi kun ekanligini, musulmon xalqlari uçun yangi kun – yangi yil boşlanişini hisobga oladigan bölsak, bu sana bizning eng soğinib kutadigan ayyomimiz ekanligi yana bir bor isbotini topadi. Bahorning gözal va sevimli Navröz bayrami xalqimizning har bir göşasida, har bir xonadonida özgaça tarovat baxş etmoqda.
Hamma joyda Navrözga bağişlangan tadbirlar, bayram sayillari davom etmoqda. Tumanimizdagi Oq oltin ovulining “Jiydali qulon” mahallasi fuqarolari özlarining mehnatsevarligi, ahililigi, bir-birlariga mehribonligi bilan alohida ajralib turadi. Bu mahallada har bir bayram, töy, madaniy-tadbirlar tartibli, ixçam, şodiyona ruhda ötkazilişi bilan tahsinlarga loyiq bölib kelmoqda.
Bu elatda kattalar izzatda, yoşlar xizmatda bölib, bayram tadbirlari uyuşqoqlik bilan taşkil etiladi. Bu yilgi Navröz bayrami munosabati bilan hududdagi 71-sonli maktab binosi oldida ötkazilgan bayram tadbiri ham sözimizning yaqqol isbotidir.
Bu yilgi bayramga ham puxta tayyorgarliklar körildi. Köça va xiyobonlar tozalandi, ariq, zovurlar qazilib, yöllar tekislandi, mevali va manzarali daraxtlarga bayramona şakl berildi. Har bir xonadon obod va ozoda böliş borasida bir-birlariga namuna bölişdi.
Bayram oldidan xalqimizning milliy va sevimli taomi sumalak tayyorlandi. Bayram dasturxonini elatning qöli gul qiz-kelinçaklari tomonidan tayyorlangan milliy taomlar bezadi.
Bayram tadbirida mahallaning mehnat faxriylari, keksa otaxon-u onaxonlari, turli kasb egalari, taklif qilingan mehmonlar jamul-jam böldilar.
Tadbirni mahalla faoli Yangiboy Şukurullayev kiriş sözi bilan oçib, barçani qutluğ ayyom bilan muborakbod qildi, işlarida omad, mustahkam sihat-salomatlik tiladi.
71-sonli maktab direktori Ruslan Kamolovning tabrik sözidan keyin maktabning öqituvçi va öquvçilar jamoasi hamda mahalla fidoyi yoşlarining iştirokidagi kontsert dasturi, qiziqarli öyin tomoşalari boşlanib ketdi.
71-sonli maktabning ijodiy-madaniy masalalar böyiça tarğibotçisi Rabiğa Törayeva, ona tili va adabiyot fani öqituvçisi Muhabbat Madatovalar tomonidan tayyorlangan bayram dasturi, unda ijro etilgan kuy-qöşiqlar barça bayram iştirokçilariga birdek manzur böldi.
Bayram dasturini 11-sinf öquvçilaridan Umida Matniyozova, Diyorbek Oymuradovlarning mohirona boşqarib borişlari bayramga yanada fayz qöşdi. Bayram tantanasida Oq oltin fuqarolar yiğini raisi Raxim Örozboyev ham iştirok etdi va mahalla ahlini qutluğ ayyom bilan qizğin muborakbod etdi.
Bayram tadbirida “qöli şirin kelinçak” mavzusida bellaşuv ötkazildi. Unda mahallaning yoş kelinlari tomonidan tayyorlangan milliy taomlar körgazmasi namoyiş qilindi. Bellaşuv ğoliblari va qatnaşçilari taşkilotçilar tomonidan munosib taqdirlandi.
Mahalla yoşlari nafaqat bilim olişda, balki harbiy maşqlarda, sport öyinlarida ham ança uddaburon ekanligini iştirokçilar oldida namoyiş qildilar. 9-sinf öquvçilari tomonidan bajarilgan murakkab harbiy maşq öyinlari barçani lol qoldirdi. Bu harakatlar esa öz örnida mahallada Vatanimizga sodiq harbiy posbonlar yetişib kelayotganidan darak berib turibdi. Öquvçilarning öktam va çaqqon harakatlari tomoşabinlarning zör olqişlariga sazovor böldi.
Bayram tadbiri mahalladoşlar köngliga olam-olam quvonç baxş etdi. Tinç yurtga bayramlar yaraşadi degan sözlar yana bir bor öz isbotini topdi.
Mahalla ahli bir-birlariga eng aʼlo kunlarni, yaxşi kayfiyatni tilagan holda bu bayramni ulkan kötarinki ruhda nişonladilar.
Örozali REYIMOV.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶