“Maymun chechagi” kasalligini aholi oʻrtasida epidemik tarzda tarqalib ketishini oldini olish chora – tadbirlari toʻgʻrisida seminar boʻlib oʻtdi
Bugungi kunda ommaviy axborot vositalari va ijtimoiy tarmoqlar orqali dunyoning bir qator davlatlarida, jumladan AQSh, Kanada, Avstraliya, Ispaniya Portugaliya, Buyuk Britaniya va boshqa davlatlarda koʻplab holatlarda “maymun chechagi” kasalligi qayd etilganligi toʻgʻrisida maʼlumotlar tarqalmoqda.
Amudaryo tumani tibbiyot birlashmasi xodimlarining xushyorligini oshirish maqsadida Qoraqalpogʻiston Respublikasi Sanitariya – epidemiologik osoyishtalik va jamoat salomatligi boshqarmasining koʻrsatmasi asosida tibbiyot xodimlari oʻrtasida “Maymun chechagi” kasalligi va aholi oʻrtasida epidemiyaviy tarqalib ketishining oldini olishga qaratilgan seminar oʻtkazildi.
Seminarda tuman tibbiyot birlashmasi xodimlari ishtirok etishdi. Yigʻilishda tuman Sanitariya – epidemiologik osoyishtalik va jamoat salomatligi boʻlimi epidemiologiya va immunoprofilaktika boʻlimi mudirasi Gulshod Tajiboyeva davlatimizga kasallik kirib kelishini oldini olishga qaratilgan choralar toʻgʻrisida soʻz yuritdi.
Mutaxassislarning aytishiga koʻra, “Maymun chechagi” kasalligi tabiiy oʻchoqli, zoonoz kasallik boʻlib, Markaziy va Gʻarbiy Afrikaning ayrim hududlariga xos hisoblanadi. Kasallik birinchi navbatda Afrikaning epidemik noxush boʻlgan hududlariga borgan fuqarolar oʻrtasida qayd etilib, keyinchalik bemor odamdan sogʻlom odamga yuqish holatlari aniqlangan. Xastalik isitma va tanada toshmalar paydo boʻlishi bilan namoyon boʻlayapti.
Seminar davomida kasallik 99 foiz holatda yengil kechishi, hamda kasallikning klinik belgilari sifatida eti uvishish, qaltirash, tana haroratining koʻtarilishi, limfa bezlarining kattalashishi va terida toshmalar toshmalar toshishi aytib oʻtildi. Shuningdek, ushbu kasallikning aholi oʻrtasida tarqalib ketishining oldini olish maqsadida tashkil etilgan seminarda shifokorlar tomonidan oʻzlarini qiynayotgan muammolari oʻrtaga tashlandi va uni qanday yechimini toppish masalalari tushuntirib oʻtildi.
Maʼlumot oʻrnida shuni aytib oʻtish joizki, Jahon sogʻliqni saqlash tashkilotining ijtimoiy tarmoqlar orqali bergan maʼlumotlariga koʻra, tibbiyot tarixida maymun chechagi kasalligining odamga yuqqanligi 1970-yilda aniqlangan. Kasalik boʻyicha kuzatuv choralari va yangi holatlarni tezda aniqlash kasallikni nazorat qilish muhim ahamiyatga ega hisoblanadi.
Shuningdek, ushbu seminar kasallikning kirib kelishi va tarqalishining oldini olish, kasallik boʻyicha shifokor va tibbiyot hodimlariga zamonaviy bilim, koʻnikmalarni oʻrgatish hamda uning epidemiologik nazorati, davolash usullari, profilaktikasi sifatini yaxshilash hamda ushbu kasallikning odamlarga boʻlgan xavfini kamaytirish maqsadida tashkil etildi.
Yigʻilish davomida ushbu kasallikning belgilari, unga qarshi koʻriladigan chora – tadbirlar toʻgʻrisida maʼlumot va tavsiyalar berildi. Seminar ishtirokchilari oʻzlari qiziqtirgan savollarga mutaxassislardan javob olishdi.
Sevara ISMOILOVA, QDU talabasi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
