4-SEKTOR HUDUDIDAGI UMUMTAʼLIM MAKTABLARINING OʻQUVChILARI AMUDARYo TURIXIY-OʻLKAShUNOSLIK MUZEYIGA SAYoHAT QILIShDI
Bugungi yoshlar – mamlakatimiz kelajagining poydevori. Ularning har tomonlama yetuk va maʼnaviy barkamol insonlar boʻlib voyaga yetishlarini taʼminlash nafaqat ota-ona va taʼlim-tarbiya muassasalarining, balki har bir ongli insonning, davlat va jamoat tashkilotlari rahbarlarining ham zimmasidagi masʼuliyatli burchidir. Shu bois, mamlakatimizda quyi boʻgʻin rahbarlaridan tortib, davlatimiz rahbarigacha yoshlarni yuksak maʼnaviyatli, xalqparvar, vatanparvar insonlar qilib tarbiyalash borasidagi saʼy-harakatlarda hamisha birdamdirlar.
Amudaryo tumanida ham eng chekka hududlarda istiqomat qiluvchi uyushmagan yoshlarning ijtimoiy faolligini oshirish, yozgi taʼtil paytida umumtaʼlim maktablari oʻquvchilarining qiziqishlarini ragʻbatlantirish, boʻsh vaqtlarini mazmunli oʻtkazishda zamonaviy innovatsion uslublarni qoʻllash, turli mavzularda davra suhbatlari, “Uch avlod uchrashuvi” mavzusida samimiy muloqotlar tashkil etish, koʻngilochar kontsert dasturlari oʻtkazish orqali yoshlarga koʻtarinki kayfiyat bagʻishlash, iqtidorli yoshlarni toʻgaraklarga jalb etish kabi keng qamrovli tadbirlar oʻtkazilmoqda.
Xususan, “Yoshlar oyligi” doirasida tumanning 4-sektori hududidagi maktablarning bir guruh oʻquvchilari uchun sektor rahbari Aydos Seyitov tomonidan Amudaryo tarixiy-oʻlkashunoslik muzeyiga sayohat uyushtirildi.
Oʻquvchi-yoshlarning yozgi taʼtil davrini maroqli oʻtkazishlari, qoraversa, ular qalbida ona Vatanga muhabbat, milliy-maʼnaviy qadriyatlarga hurmat tuygʻusini yanada mustahkamlash maqsadida tashkil etilgan sayohat Amudaryo tumanning Xotira maydonidagi ramziy Xotira kitobi bilan tanishishdan boshlandi. Oʻquvchi-yoshlar ramziy Xotira kitobi sahifalarida ism-shariflari qayd etilgan, ikkinchi jahon urushida qahramonlarcha halok boʻlgan vatandoshlarimiz hurmati uchun sukut saqlagan holda har bir sahifa bilan yaqindan tanishdilar, qahramon bobolari bilan faxrlandilar.
Shundan soʻng, oʻquvchi-yoshlar Xotira maydonida qad rostlagan “Motamsaro ona” yodgorligini ziyorat qildilar va tarixchi-oʻlkashunos Shavkat Chorshamov rahbarligida Amudaryo tarixiy-oʻlkashunoslik muzeyi eksponatlari bilan yaqindan tanishdilar. Ayniqsa, muzeyda tashkil etilgan amudaryolik ijodkorlar qalamiga mansub kitoblar jamlanmasidan iborat moʻʼjaz kutubxona oʻquvchi-yoshlarda katta qiziqish uygʻotdi.
Shuningdek qadimiy tangalar, uy-roʻzgʻor anjomlari, Amu ayollari kiygan milliy liboslar va taqinchoqlar, tumanimiz hududidan topilgan turli davrlarga mansub arxeologik yodgorliklarni oʻquvchi-yoshlar qiziqish bilan tomosha qilish barobarida qadim ajdodlarimiz hayoti haqidagi tasavvurlarga ega boʻldilar.
Shavkat Chorshamov sayohatchi yoshlarga har bir eksponatning tarixi va ularning qadim ajdodlarimiz hayotida tutgan oʻrni, bugungi kundagi milliy-maʼnaviy qadri, yaʼni milliy oʻzlikni anglashdagi juda katta ahamiyati xususida batafsil soʻz yuritdi va sayohatchi-oʻquvchilarni qiziqtirgan savollarga javob berdi.
Xotira maydoni va tarixiy-oʻlkashunoslik muzeyiga uyushtirilgan sayohat yoshlarda katta taassurotlar qoldilar.
Robiya Yoʻldosheva.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
