Qisqa satrlarda
"KAMOLOT” YoIH TUMAN KENGAShINING NAVBATDAGI YIGʻILIShI
16-fevral kuni tuman hokimligi binosida "Kamolot” yoshlar ijtimoiy harakati tuman Kengashining navbatdagi yigʻilishi boʻlib oʻtdi. Yigʻilishni "Kamolot” YoIH tuman Kengashi raisi M.Oʻrozboyev ochdi va boshqarib bordi.
Yigʻilishda "Keksalarni eʼzozlash yili” davlat dasturi va "Oʻzbekiston Respublikasida 2015-yilda yoshlarga oid davlat siyosatini amalga oshirishga qaratilgan qoʻshimcha chora-tadbirlar dasturi”ning ijrosi toʻgʻrisida”gi, "Harakatning tuman Kengashi tomonidan 2015-yil davomida amalga oshirilgan ishlar toʻgʻrisida”gi, "2015-yilda Harakatning tuman Kengashi byudjetining bajarilishi toʻgʻrisida”gi, "Harakatning 2016-yilga moʻljallangan ish rejasini tasdiqlash toʻgʻrisida”gi va "Harakatning boshlangʻich tashkilotlari umumiy va hisobot saylov yigʻilishlari hamda tuman Kengashi Konferentsiyasini oʻtkazish bilan bogʻliq boʻlgan masalalar toʻgʻrisida”gi masalalar muhokama etildi.
Yigʻilishda muhokama etilgan masalalar yuzasidan tegishli qarorlar qabul qilindi.
MAHALLADA TADBIR OʻTKAZILDI
15-fevral kuni "Yangiobod” mahalla fuqarolar yigʻini tomonidan 1979-1989-yillarda Afgʻonistondagi harbiy janglarda ishtirok qilgan sobiq baynalmilal jangchilar bilan uchrashuv tadbiri oʻtkazildi.
Ushbu tadbirda mahalla fuqarolar yigʻini raisi M.Kazakov va mahalla posboni sardori F.Ishniyazovlar soʻzga chiqishib, sobiq baynalmilal jangchilarning jasurligi va fidoyiliklari haqida gapirdilar.
Tadbirda soʻzga chiqqan sobiq baynalmilal jangchilar barchani yurtimizdagi tinchlik va osoyishtalikning qadriga yetib yashashga chaqirdi.
Tadbirda ishtirok etgan 9 nafar sobiq baynalmilal jangchiga mahalla fuqarolar yigʻinining esdalik sovgʻalari topshirildi.
YoshlarGA oid davlat siyosati – amalda
Shu yilning 17-fevral kuni "Oʻzbekiston Respublikasida yoshlarga oid davlat siyosatini amalga oshirishga qaratilgan qoʻshimcha chora-tadbirlar Dasturi”ning bandlari ijrosini taʼminlash maqsadida 9-sonli musiqa va sanʼat maktabida "Kamolot” yoshlar ijtimoiy harakati tuman Kengashining umumtaʼlim maktablari boshlangʻich tashkilot yetakchilari uchun seminar boʻlib oʻtdi.
Harakatning boshlangʻich tashkilotlari yetakchilari ish samaradorligini oshirish, ularda yetakchilik qobiliyatlarini kuchaytirish, eng asosiysi, ularning siyosiy-xuquqiy bilimlarini shakllantirish maqsadida oʻtkazilgan ushbu seminarni Harakatning Qoraqalpogʻiston Respublikasi Kengashi vakili Maqset Tursinov olib bordi va Harakatning ustavi, dasturi hamda boshlangʻich tashkilotlarda yuritiladigan hujjatlar haqida tushunchalar berdi.
(Oʻz muxbirimizdan).
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
