Қисқа сатрларда

"КАМОЛОТ” ЁИҲ ТУМАН КЕНГАШИНИНГ НАВБАТДАГИ ЙИҒИЛИШИ

16 февраль куни туман ҳокимлиги биносида "Камолот” ёшлар ижтимоий ҳаракати туман Кенгашининг навбатдаги йиғилиши бўлиб ўтди. Йиғилишни  "Камолот” ЁИҲ туман Кенгаши раиси М.Ўрозбоев очди ва бошқариб борди.

Йиғилишда "Кексаларни эъзозлаш йили” давлат дастури ва "Ўзбекистон Республикасида 2015 йилда ёшларга оид давлат сиёсатини амалга оширишга қаратилган қўшимча чора-тадбирлар дастури”нинг ижроси тўғрисида”ги, "Ҳаракатнинг туман Кенгаши томонидан 2015 йил давомида амалга оширилган ишлар тўғрисида”ги, "2015 йилда Ҳаракатнинг туман Кенгаши бюджетининг бажарилиши тўғрисида”ги, "Ҳаракатнинг 2016 йилга мўлжалланган иш режасини тасдиқлаш тўғрисида”ги ва "Ҳаракатнинг бошланғич ташкилотлари умумий ва ҳисобот сайлов йиғилишлари ҳамда туман Кенгаши Конференциясини ўтказиш билан боғлиқ бўлган масалалар тўғрисида”ги масалалар муҳокама этилди.

Йиғилишда муҳокама этилган масалалар юзасидан тегишли қарорлар қабул қилинди.

МАҲАЛЛАДА ТАДБИР ЎТКАЗИЛДИ

15 февраль куни "Янгиобод” маҳалла фуқаролар йиғини томонидан 1979-1989 йилларда Афғонистондаги ҳарбий жангларда иштирок қилган собиқ байналмилал жангчилар билан учрашув тадбири ўтказилди.

Ушбу тадбирда маҳалла фуқаролар йиғини раиси М.Казаков ва маҳалла посбони сардори Ф.Ишниязовлар сўзга чиқишиб, собиқ байналмилал жангчиларнинг жасурлиги ва фидойиликлари ҳақида гапирдилар.

Тадбирда сўзга чиққан собиқ байналмилал жангчилар барчани юртимиздаги тинчлик ва осойишталикнинг қадрига етиб яшашга чақирди.

Тадбирда иштирок этган 9 нафар собиқ байналмилал жангчига маҳалла фуқаролар йиғинининг эсдалик совғалари топширилди.

ЁшларГА оид давлат сиёсати – амалда

Шу йилнинг 17 февраль куни "Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар Дастури”нинг бандлари ижросини таъминлаш мақсадида 9-сонли мусиқа ва санъат мактабида   "Камолот” ёшлар ижтимоий ҳаракати туман Кенгашининг умумтаълим мактаблари бошланғич ташкилот  етакчилари учун семинар бўлиб ўтди.

Ҳаракатнинг бошланғич ташкилотлари етакчилари иш самарадорлигини ошириш, уларда  етакчилик қобилиятларини кучайтириш, энг асосийси, уларнинг сиёсий-хуқуқий билимларини  шакллантириш мақсадида ўтказилган ушбу семинарни Ҳаракатнинг Қорақалпоғистон Республикаси Кенгаши вакили Мақсет Турсинов олиб борди ва Ҳаракатнинг устави, дастури ҳамда бошланғич ташкилотларда юритиладиган ҳужжатлар ҳақида тушунчалар берди.

(Ўз мухбиримиздан).