TAQDIR TUHFASI
Intiliş
Hayot – bamisoli bir toşqin daryo. Uning pörtanali tölqinlari aro suzmoq, şovullagan şovqinlaridan ruhi-joningni avaylamoq uçun insonga kuçli iroda, çidam va bardoş kerak. Inson jismida ana şu möʼjizaviy sifatlar mujassam bölsagina hayot deb atalmiş ulkan daryo tölqinlariga böy bermaydi, heç qaçon ziddiyatlar qarşisida egilmaydi, qadlari bukilib, yiqilmaydi, eng muhimi, beayov sinovlar oldida yengilmaydi, har gal özida kuç topib, oldinga intilib yaşayveradi. Intilganga tole yor, intilgan albatta murodiga yetadi. Buning isbotini Sohiba köp bora kördi, his qildi.
Sohibaning bolaligi sobiq tuzum yemirilib, mustaqillik şabadalari esayotgan hayot daryosining pörtanali tölqinlarida keçdi.
Esida: otasi rahmatlik, oddiy dehqon bolasi – Eşboy Jumaniyozov tez-tez betoblanib qolar, sobiq ittifoqning Çernobil AESi oqibatlarini tugatişda iştirok etib, nurlangan, şu sabab, farzandlarining közi oldida vaqt ötgan sayin sölib borar, öz holatini gödak bolalariga sezdirmaslik uçun butun alamini işdan olardi. Qipçoq kolxozida oddiy işçi bölgan onasi bilan otasining yonida yurib, tomorqa va dala işlariga qöllari kelişib qolgan Sohiba akasi Azizbek, singlisi Şahlo va ukasi Ötkirbek bilan ota-onasining oğirini yengil, muşkulini oson qilişga jon-jahdi bilan tirişardi. Şunday paytlarda bundayin maşaqqatli hayot sinovlarini yelkama-yelka kötarib yaşayotgan ota-onasiga:
– Hali körasiz, bizlar öqib, hammamiz sizlarga kömakçi, katta odamlar bölamiz, otamni davolatamiz, butunlay soğayib ketadi, – der edi işonç bilan.
Yaxşi niyat – inson orzulariga qanot, deydilar. Farzandlar mustaqillik bilan birga ulğayişdi. Sohiba orzu qilganiday, har biri öz imkoniyatlari darajasida "katta odam”lar bölib voyaga yetişdi. Eng muhimi, el-yurtga fidoyi, öqimişli insonlar qatorida köpning hurmatini qozonişdi.
Orzular yölida
Qipçoq ovulidagi 11-sonli maktab tahsili uning orzulari yölidagi ilk pillapoya böldi. U barça fanlardan "aʼlo”ga öqir, fanlar olimpiadalariga bilimdon öquvçilarni tanlaş jarayonlarida ustozlari uning qaysi fan böyiça iştirok etişi yuzasidan bahslaşib qolişardi. Sohiba uçun esa kimyo-biologiya fanlari xuddi möʼjizalar makoni edi. Maktabdagi ustozlari Norgul Ötamurodova va Alişer Musayevlardan anorganik va organik kimyo sirlarini qunt bilan örgangaç, Sohiba oliy taʼlim dargohiga hujjat topşirişda heç ikkilanmay Qoraqalpoq davlat universiteti kimyo fakultetini tanladi. Universitetga kiriş imtihonlaridan muvaffaqiyatli ötgan Sohiba taʼlimning 1-bosqiçidayoq ustozlari nazariga tuşdi. Talabalar örtasidagi turli körik-tanlovlar, bellaşuvlar, oliy öquv yurtlariaro ötkaziladigan ilmiy-amaliy anjumanlar iştirokçisiga aylandi.
Tahsil jarayonida Sohiba kimyo fanining möʼjizakor olamidan ilm durlarini terdi. 2008 yilda Universitetni muvaffaqiyatli tamomlab, öşa yili özi tahsil olgan 11-sonli maktabda kimyo fani öqituvçisi sifatidagi ilk iş faoliyatini boşladi.
Masʼuliyat hissi
– Maktabda ilk darsga kirgan kunim heç esimdan çiqmaydi, – xotirlaydi Sohiba. – Ustozim, maktabimiz direktori Zulfiya opa Yusupova meni öquvçilarga taniştirib bölgaç, özlari: "dadil böl, men şu yerdaman”, – deganday, sinfdagi eng oxirgi partaga borib ötirdilar. Öquvçilarni mavzu bilan taniştirarkanman, hayajondanmi, qöl-oyoqlarimda titroq sezdim. Zulfiya opa öta masʼuliyatli va qattiqqöl ustoz. Öşa lahzalarda u kişi özini mening harakatlarimga jiddiy eʼtibor bermaganday tutib, nimanidir yoziş bilan band edilar-u, lekin butun diqqat-eʼtibori darsda edi. Dars tugagaç, menga yöl qöygan kamçiliklarim haqida gapirib, yöl-yöriq körsatdilar.
Sohiba iş jarayonida ustozi Alişer Musayevdan köp narsalarni örgandi. Öquvçilarning qobiliyatlarini baholaş, kimyo faniga alohida qobiliyatli bolalar bilan darsda va darsdan taşqari maşğulotlar ötkaziş, bilimlar bellaşuvlari va fan olimpiadalariga öquvçilarni tayyorlaşda darsdan taşqari qöşimça adabiyotlardan, zamonaviy axborot texnologiyalaridan foydalaniş, laboratoriya maşğulotlarini ötkazişda öquvçilarning tez va oson özlaştirişini taʼminlaş maqsadida mahalliy omillardan foydalaniş borasida ustozi Alişer Musayev bilan doimiy hamkorlikda, hamfikr iş yuritişga intildi.
2015-2016 öquv yilida uning dars ötiş uslubi Qoraqalpoğiston Respublikasi miqyosida ommalaştirildi. Ayniqsa, "Darsdan taşqari maşğulotlar” guruhida dars ötiş uslubi köpçilikka manzur böldi. Uning öquvçilaridan ikki nafari Toşkent Davlat pediatriya institutining Nukus filialiga, yana uç nafar öquvçisi Toşkent Davlat Agrar Universitetining Nukus filialiga davlat granti asosida öqişga qabul qilindilar.
Taqdir tuhfasi
Sohiba Jumaniyozova. Oddiygina dehqon oilasida tuğilib, ota-onasining muşkulini oson qilişga har lahzada intilib yaşagan, bu intilişlari tufayli toleiga yoşlarga ustozlik qilişdek şarafli umr yöli yozilgan oddiy qişloq qizi. Sinovlarga töla bolaligida unga otasi (Alloh rahmat qilsin) Eşboy oğa qiyinçiliklarga çidaş – baxtli kelajakka yetişiş ekanligini anglatgan bölsa, oliygohda ustozlari, iş faoliyatida esa ustozi Zulfiya Yusupova unga haqiqiy matonat va fidoyilik timsoli sifatida hayot ilmidan saboq berdi. Oilada esa umr yöldoşi Uçqunjon Avazboyev, qaynotasi Nurulla ota Avazboyev, qaynonasi Bozorgul ena Sobirovalar unga doimiy maslahatgöy. Jajjigina öğilçasi Şeralijonning quvonçi, sevimli hamkasblarining eʼtibor va işonçi, şogirdlarining: "Ustoz!”, – deya talpinib turişlari – Sohiba Jumaniyozova uçun taqdirning eng oliy tuhfasi! Axir yon-atrofingdagi insonlarning mehr-muhabbatini his qilib yaşaşdan ham uluğroq baxt bormi, inson uçun!
Biz bahorning ilk kunlarida, bayramlar fasli boşlanayotgan damlarda Sohibaxon Jumaniyozovaning iş faoliyati bilan boğliq orzulari, tajribalariga oşno bölib, yoş bölsa-da, öz kasbi tufayli el-yurt, hamkasblari eʼtiborini qozonişga ulgurgan fidoyi muallimaga dilda havas bilan yanada yuksak muvaffaqiyatlar tiladik.
Robiya YÖLDOŞEVA,
jurnalist.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶