YaXŞILIK YÖLI
Oramizda şunday odamlar borki, butun umrini ezgulikka, yaxşilikka, maʼrifat-u ziyoga, ilmga bağişlaydilar. Bunday insonlarni biz ustozlar, deya yaxşi köramiz, suhbatlarini soğinib yaşaymiz. Har safar ustozim Saʼdulla aka xonadoniga taşrif buyurar ekanman, men bu insonni doimo öz kutubxonasida kitob mutolaa qilayotgan paytlarida uçrataman.
– Mana şu kitoblar butun umrim davomida yiqqan mening davlatim, – deydi ğurur bilan ustoz.
Baʼzi odamlar pulning ketidan ertadan to keçgaça yugurib yursalar, Saʼdulla aka adabiyotning, maʼnaviyatning olamida yurib, özini eng badavlat inson hisoblaydilar.
Saʼdulla akaning bugungi kunda ilm yölida izlanişlar olib borayotgan qizi Hulkaroy Xöjaniyozova ham maʼnaviyat fidoyilaridan. Hulkaroyning öqituvçilar uçun “Diktantlar töplami” va “Qiziqarli ona tili” deb nomlangan kitoblari naşrdan çiqdi. Hozirgi kunda ona tili va adabiyot fani öqituvçilari bu kitoblardan samarali foydalanayaptilar.
Bu oilada hamma öğil-u qizlar ilmga taşna. Ayniqsa, ustozning nevaralari biri-biridan aqlli, zukko, bilimdon.
Saʼdulla aka bağri keng, olijanob inson. U xonadoniga taşrif buyuruvçi kişilarga qölidan kelgan yaxşiligini ayamaydi.
– Yaxşilik – umr bezagi, – deydi ustoz.
Kimdir nohaqlikka duç kelsa, yana kimdir yangi iş boşlayotgan bölsa, ustoz maslahati va duolarini olişga şoşiladi. Saʼdulla aka Xöjaniyozov esa barçaga birday mehr-oqibat körsatişga oşiqadi. Çunki yaxşilik ila umr yölini bezab yaşaşga odatlangan ustozning köngli ham, xonadoni ham hamişa yaxşilar uçun oçiqdir.
Umrining qirq ikki yilini tumanimiz oynasi – “Taraqqiyot közgusi” (avvalgi “Amudaryo haqiqati”) gazetasiga bağişlagan, eng qiyin davrlarda ham sabr va matonat bilan xalqqa maʼrifat ulaşgan Saʼdulla aka 70 yoşdan oşsa hamki, sira tinib-tinçimaydilar. Şogirdlar davrasida muşoiralar, adabiy keçalar taşkil qilib, mamlakatimiz kelajagi bölgan yoşlarga yöl-yöriqlar körsatadi.
Men bir şogird sifatida ustozga yanada barakali ijod, uzoq umr tilayman!
Zuhra AHMEDOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶