AMUDARYoLIK HAYITBOY ORTIQOV YaPONIYaDA TAHSIL OLMOQDA
Odatda keksalarimiz oila qurayotgan yoşlarni duo qilganlarida: “uvali-juvali bölinglar, es-huşli, solih farzandlarning ota-onasi bölinglar”, deyişlariga unçalik eʼtibor qilmaymiz. Aslida inson oila deya atalguvçi muqaddas qörğonni bunyod etib, tinç-osoyişta turmuş keçirsa, dunyoga keltirgan farzandlarini odobli, ilmli, hayoli va mehrli qilib voyaga yetkazsa, bu – ulkan baxt emasmi? Axir har birimizning ham orzu-umidlarimiz farzandlarimiz kamoli bilan boğliq-da.
Şu maʼnoda qaraydigan bölsak, Bözyop ovulida yaşaydigan 49-umumtaʼlim maktabi öqituvçisi Rahmatulla Ortiqov va uning rafiqasi Gulnora Xudoyberganovalarni öz hayotidan mamnun ota-onalar deyişga haqlimiz.
Ular beş nafar farzandni el-yurtga munosib öğil-qizlar qilib voyaga yetkazişdi. Ayniqsa, Hayitboy erişayotgan yutuqlardan ularning köngillari faxr-u iftixorga töladi.
Hayitboy 49-sonli umumtaʼlim maktabini aʼlo baholarga tugatgaç, 2004-yili Özbekiston Milliy universitetining biologiya fakulteti, tuproqşunoslik-kimyogarlik bölimiga öqişga kirdi. Bakalavr bosqiçini imtiyozli diplom bilan tugatib, davlat granti asosida magistratura bosqiçiga öqişga kirdi.
U magistraturada öz sohasi böyiça çuqur bilim oliş bilan bir qatorda nemis, ingliz tillarini örganişga kirişdi. Maqsadi – öz sohasi böyiça dunyo tajribalarini va bilimlarini çuqur örganiş tufayli salohiyatini oşiriş, tuproqşunoslik-agrokimyogarlik sohasida ilmiy izlanişlar olib borib, öz natijalari bilan ilm-fanimiz rivojiga hissa qöşiş edi. Şu niyatda magistraturani ham muvaffaqiyatli tamomlab, özi öqigan fakultetda ilmiy faoliyatini boşladi. Oradan 2-yil vaqt ötib, 2012-yilda Çexiya davlati tomonidan ajratilgan grant asosida öqiş uçun imtihon topşirdi. Uning bu urinişi muvaffaqiyatli böldi – Praga Agrar universitetida bir yil ikki oy muddatda öz sohasi böyiça bilimlarini yanada boyitib qaytdi. Bu uning ilmiy izlanişlarini yana ham yuqori darajada olib borişiga imkon yaratdi.
Öqiş-örganişdan, ilmiy tadqiqot işlaridan çarçamaydigan, balki öziga xos zavq oladigan katta ilmiy xodim Hayitboy joriy yilda Yaponiya hukumatining JDS (Japan Development Scholarship) loyihasi doirasida har yili beğaraz yordam sifatida ajratiladigan grantini yutib oldi. Endi u Tokio qişloq xöjaligi va texnologiyasi universitetida ikki yil taʼlim oliş baxtiga muyassar böldi.
– Bu biz uçun kutilmagan voqea böldi, deya olmayman. Çunki öğlim öz ilmiy izlanişlari tufayli erişayotgan natijalarini dunyo ilm-fani yutuqlari bilan boyitişni, ilğor tajribalarni örganişi lozimligini aytgandi. Bunday imkoniyatni grant tufayli qölga kiritganiga juda quvondim, – deydi otasi Rahmatulla Ortiqov.
Ha, izlagan imkon topadi, deyişlari bejiz emas.
Hayitboy Ortiqov öz ilmiy salohiyati tufayli qölga kiritgan Yaponiyada ikki yillik tahsil oliş imkoniyatidan ham yurtimiz ilm-fani rivoji uçun unumli foydalanadi, deb umid qilamiz.
Aslida Hayitboyning niyati şunday. U öz maqsadi yölida şu yilning 29-avgustida Tokioga jönab ketdi va hozir tahsil olişni boşlab yubordi.
Biz yurtimizning serğayrat va ilm olişdan çarçamaydigan, izlanuvçan, yuksak orzular bilan Yaponiyaga yöl olgan umidli öğloniga ulkan muvaffaqiyatlar yor bölişini tilab qolamiz.
Oygul RAJABOVA.
Suratda: H.Ortiqov.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶