RUSLAN QÖŞAYeV – QORAQALPOĞISTONNING ENG YoŞ OLIY TOIFALI ÖQITUVÇISI BÖLDI
Taʼlim sohasiga joriy qilinayotgan islohotlar köp sonli öqituvçi-pedagog kadrlarning mavqeini oşirişga, ular mehnatiga xalqimizda hurmat uyğotişga xizmat qilibgina qolmay, iqtidorli, intiluvçan yoş muallimlarning özligini namoyon etişlariga ham imkoniyat yaratmoqda. Xususan, Özbekiston Respublikasi Vazirlar Mahkamasining 2019-yil 13-maydagi 392-son qaroriga ilova tarzida qabul qilingan “Maktabgaça, umumiy örta, örta maxsus, kasb-hunar va maktabdan taşqari davlat taʼlim muassasalari pedagog kadrlarini attestatsiyadan ötkaziş tartibi töğrisida”gi Nizomga muvofiq har beş yilda öqituvçilar bir marta attestatsiyadan ötkaziladi. Şuningdek, ular özlarining yozma arizasiga muvofiq navbatdan taşqari ham attestatsiyadan ötkazilişi mumkin. Bunda pedagog kadrlarning öquv fani böyiça malakasi, dars ötiş mahorati, mehnati samaradorligi asosiy me-zon sifatida baholanadi.
Sohaga yangi qabul qilingan bu tartib tumanimizdagi 16-sonli maktabning geografiya fani öqituvçisi Ruslan Qöşayevni ham öz imkoniyatlarini sinovdan ötkazib körişga undadi.
U 2013-yilda Qoraqalpoq Davlat universitetining geografiya fakultetining bakalavriat, 2015-yilda magistratura bosqiçlarini muvaffaqiyatli tugatib, 16-sonli maktabda öz pedagogik faoliyatini boşlagan edi.
Şu davr mobaynida pedagoglar oilasi vakili bölgan Ruslan Qöşayev butun yoşlik ğayrat-şijoatini va mahoratini işga solib, dars maşğulotlarini öquvçilari puxta özlaştirişlariga intildi, darsdan böş vaqtlarini ham öquvçilarining bilimini mustahkamlaşga sarfladi. Natijalar yomon bölmadi. 2015-2016 öquv yilida öquvçisi Timur Hayitboyev Bilimlar bellaşuvining Respublika bosqiçida, 2018-2019 öquv yilida yana bir öquvçisi Sevara Boltaboyeva Qoraqalpoğiston Respublikasi bosqiçida qatnaşişga muvaffaq böldi, saralaş, tuman bosqiçida yuqori ball töplab, kuçli 10 talikka kirganlari ham bor.
Ruslan 2017-yildan beri öz öquv fanining malakali mutaxassisi sifatida tumanimizdagi barça maktablar geografiya fani öqituvçilariga trener öqituvçi bölib, geografiya fanini öqitişdagi mahoratini, taʼlimdagi islohotlarni, yangi interfaol usullarda dars ötiş texnologiyalarini örgatib kelmoqda.
Şularni inobatga olib va öz bilimiga tayangan holda u 2018-yilda attestatsiyadan ötişga qaror qilgan, bu sinovdan muvaffaqiyatli ötib, 1-toifali öqituvçi maqomini olişga erişgan edi.
Albatta, intiliş va mehnat, öz ustida tinimsiz işlab, bilimlarini oşira boriş beiz ketmaydi. Ruslan Qöşayev maktab maʼmuriyati bilan maslahatlaşib, yaqinda öz kasbi böyiça mahorati va bilimni yana bir bor sinab kördi. Navbatdan taşqari attestatsiyada qatnaşib, 90 ball baho olişga erişdi va Qoraqalpoğistonning eng yoş oliy toifali geografiya fani muallimi böldi.
Har bir odamning yutuqlari – uning öz-özini tarbiyalay olganida, ezguliklarga intilişida, mehnatsevarligida.
Ruslan Qöşayevning erişayotgan köpçilik ibrat olişga arzigulik natijalari zamirida uning tinimsiz mehnatlari mujassam.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶