SENI KÖPLAR YaXŞI KÖRADI, GULOYIM!
Insonni mehr ulğaytiradi. Hayot sinovlari, maşaqqatlari aro toblanib-toblanib kamolga yetadi. Ulğayiş yöllaridagi sinovlarda kimdir yengiladi, kimdir çidam va bardoş bilan oldinga intiladi, ortga çekinişni, mağlubiyatni tan olmaydi, yuragida uyğongan hayotga çeksiz mehr-muhabbati uni qaddini tik tutib yaşaşga örgatadi. Şuning uçun bunday insonlar özgalar qalbida havas va öziga nisbatan mehr uyğotadilar. Taʼbir joiz bölsa, Qipçoq şaharçasidagi 11-umumtaʼlim maktabining özbek tili va adabiyoti fani öqituvçisi Guloyim Begjanova bilan har gal uçraşganimda, yaşirmayman, samimiy, butun vujudidan hayotga, atrofidagilarga nisbatan mehr-muhabbat yoğilib turgan bu insonga qalbimda ham havas, ham hurmat tuyğularini his etaman. Uning yuriş-turişlari, jamoat orasida özini tutişlari, muomalasi-yu kasbiy faoliyati bilan boğliq barça fazilatlari haqiqiy özbek ayoli, özbek onasi, özbek oilasining fidoyi bekasi sifatida taassurot qoldiradi har bir suhbatdoşida.
Guloyimning tarjimaiy holi juda oddiy. Umumtaʼlim maktabida faqat aʼlo baholarga öqidi. Tabiatan kitobsevar bölgan otasi Safarboy Begjanov qayerga borsa, qizaloği uçun kitob sotib olar, Guloyim esa otasi sovğa qilgan kitoblarni alohida mehr bilan öqir va avaylab-asrardi. Onasi Umida momo aytgan allalar, ertaklar sehrida ulğaygan qizaloq tengdoşlari orasida fikri teranligi, bilağonligi, xotirasining kuçliligi bilan ajralib turardi. 1998-yilda umumtaʼlim maktabini muvaffaqiyatli tugatgan Guloyim Begjanova bolaligidan qalbida ardoqlab yaşagan orzusi tomon ilk qadam qöydi: Ajiniyoz nomidagi Nukus Davlat pedagogika institutining özbek tili va adabiyoti fakultetiga hujjatlarini topşirdi. Institutga kiriş imtihonlaridan muvaffaqiyatli ötib, talaba böldi.
Talabalik yillari unga biri-biridan zavqli onlarni ato etdi. Maʼnaviyatga, şeʼriyatga oşno qalbidan tökilgan sohir satrlari ila institut nazm davralariga kirib bordi. Qoraqalpoğiston Respublikasi şeʼriyat şinavandalariga tanildi. “Amu tongi” (hozirgi “Qoraqalpoğiston tongi”, “Yerkin Qaraqalpaqstan” gazetalari sahifalarida Guloyim Begjanova imzosi bilan çop etilgan şeʼrlari öz muxdislarini topdi. Qoraqalpoğiston Respublikasi yoş ijodkorlari davrasida öz ovozi, öz sözi bilan eʼtibor qozondi.
Institutni muvaffaqiyatli tugatgan Guloyim Begjanova öşa yiliyoq tumandagi namunali taʼlim-tarbiya maskani – 11-umumtaʼlim maktabida ilk pedagogik faoliyatini boşladi. Institutda olgan nazariy bilimini amaliyotga tatbiq etiş, salkam bir mln. nafarga yaqin öquvçi tahsil oladigan maktab pedagogika jamoasi bilan til topişiş, öquvçilari qalbida öz faniga nisbatan mehr uyğotiş qançalik muşkul bölsa, bu jarayonda aql-idrok va fidoyi mehnat bilan öz maqsadi tomon intiliş Guloyim uçun, albatta, oson bölmadi. U tinimsiz izlandi, bilmaganlarini ustozlaridan örgandi. Har bir darsga puxta tayyorlaniş, mavzuga oid qöşimça adabiyotlar ustida işlaş pedagogik mahoratini oşirib boriş imkonini berdi. Qisqa fursatlar içida u maktabning 1-toifali yetakçi özbek tili va adabiyoti fan öqituvçisiga aylandi.
- Kasbiy faoliyatimda nimagaki erişgan bölsam, avvalo. Alloh rahmat qilsin umr yöldoşim Bahrom Yusupovning va ustozlarimning munosib hissasi bor, - qoniqiş bilan sözlaydi Guloyim. – Men ustozlarimni biri-biridan ayriça tilga olişdan hamişa özimni tiyib turaman. Umumtaʼlim maktabida, institutda menga taʼlim-tarbiya bergan ustozlarim, qolaversa, 11-sonli maktab mehnat jamoasi – ularning har biri men uçun qadrli. Men ularning barçasidan qandaydir yaxşilik körganman. Biri ilmini, biri tajribasini, yana biri şirin sözini, mehrini ayamagan azizlarim ular. Barçasidan minnatdorman.
Guloyimni hayot köp bora sinadi. Yangi oila qurib, mustaqil hayotga zavq bilan kirib kelgan, ikki nafar murğak gödagini bağriga bosgan baxtiyor oilaga kulfat soya solganida katta öğli Sirojiddin 13 yoşda, kiçigi Oğabek endi 10 yoşdan hatlagan edi. Yaxşi niyatlar bilan qurilişi boşlangan yangi imorati qad rostlagan sari quvonçdan köngli toşib yurgan umr yöldoşi, tuman IIB xodimi bölgan Bahromjon Yusupovning bemavrid vafoti Guloyimning yuragini toş kabi ezganida ham, rözğor kamçiliklarini töldiriş uçun yelib-yugurib özini iş bilan ovutişga intilganida ham u faqat atrofidagi yaxşilarga, ustozlariga, yaqinlariga suyandi. Hayotning şafqatsiz zarbalarlariga köksini qalqon qildi va... Heç qaçon mağlub bölmadi.
- Adabiyot – odamni kuçli qiladi, - mamnuniyat bilan sözlaydi Guloyim. – Men adabiyotga suyandim, undan kuç oldim. Şu kuç mening qaddimni tik tutişga undadi.
Aytiş joizki, ana şu maʼnaviy kuç Guloyim Begjanovani şaxs sifatida şakllantirdi. Öz kasbining, oilasining, ona Vatanining fidoyisiga aylantirdi. Tan berişga munosib Ustoz darajasiga yetdi ana şu maʼnaviy kuç tufayli.
Beixtiyor kuzataman: bir ijodkor sifatida öquvçilik davridan men yaxşi bilgan Guloyim bugun jamiyatning eng faol aʼzolaridan biriga aylangan, mohir pedagog, sevimli ustoz, şirinzabon şoira. Sinf töla bilimga çanqoq yoşlar ustozdan adabiyot taʼlimini, söz sanʼatiga mehrni va şeʼriyatning gözal sir-u sinoatini maroq bilan örganadilar. Mavzu - mangu va navqiron, qiziqarli, köngillarni östiruvçi tuyğularga töla – “Farhod va Şirin” dostonida komil inson ğoyasi”. Öquvçi-yoşlar qalbida Navoiy dahosiga sodiqlik, komil inson bölmoqqa çeksiz mehr va intiliş mujassam. Sinf töla öquvçi-yoşlar fikrlar bayonida biri-biridan bilimdon, har biri komil inson haqida öz fikr-mulohazasini aytmoqqa muştoq. Har bir öquvçi buyuk Navoiyning “Farhod va Şirin” dostonini yangidan kaşf etayotir. Öqituvçining har bir savoliga burro-burro javob qaytarayotir.
Bu jarayon Guloyim Begjanova maşğulotlar olib boradigan özbek tili va adabiyoti, qoraqalpoq tili va adabiyoti fan tögaraklarida yanada qizğin tus oladi. Haftasiga ikki kun ötkaziladigan tögarak maşğulotlarida öquvçi-yoşlar mumtoz va hozirgi zamon özbek adabiyoti namoyondalarining asarlari haqida maʼlumotlar oliş bilan birga til va uslub, söz qöllaş sanʼati, hozirgi zamon özbek tilining xususiyatlari haqidagi bilimlarga ega bölişadi.
- Maktabimiz öquvçilarining til va adabiyot fanidan bilimlar bellaşuvi va fanlar olimpiadasining turli bosqiçlarida ğoliblikni qölga kiritayotganlarida Guloyim Begjanovaning hissasi katta, - deydi maktab direktori Zulfiya Yusupova. – Aʼloçi öquvçimiz Sveta Şomurodova bilimlar bellaşuvining tuman bosqiçida 1-örinni, respublika bosqiçida 2-örinni egalladi. Yana bir öquvçimiz Feruza Şomurodova esa umumtaʼlim maktablarining axborot-resurs markazlari aʼzolari örtasida ötkazilgan “Men sevgan badiiy qahramon” inşolar tanlovining Qoraqalpoğiston Respublikasi bosqiçi ğolibi böldi va tanlovning mamlakat bosqiçida iştirok etib, sovrindorlar qatoridan joy oldi.
Guloyim Begjanovaning şogirdlari juda köp. Ular bugungi kunda tumanimiz taʼlim tizimini rivojlantirişga munosib hissalarini qöşişmoqda. Til va adabiyot fani öqituvçilari Muhabbat Abdukarimova, tumanimiz yoşlari orasida ançagina taniqli, fidoyi yoşlar yetakçisi va volontyor Muyassar Rahmatullayeva, NDPI talabasi, bölğusi til va adabiyot fani öqituvçisi Gavharoy Qurbonboyeva... Bu röyxatni yana davom qildiriş mumkin. Lekin Guloyim uçun ham, jamiyat uçun ham röyxatning salmoği emas, balki unda ilm-şariflari qayd etilgan şaxslarning mahorat va malakasi muhim. Şu bois, Guloyim şogirdlari bilan har gal uçraşganida ularning nafaqat yutuqlari, balki kamçiliklari haqida ham erinmay suhbatlaşadi, qimmatli maslahatlar beradi.
Yigirma bir yildirki uning hayoti maktab, öquvçi-yoşlar davrasida va hamon öqib-örganiş, izlanişda, böş vaqtlari esa ijod lahzalarida keçadi. Köngillarni tebratuvçi, yuraklarga kuç, qudrat baxş etguvçi şeʼrlar yozadi. Töplasa, yozganlari qalingina bir kitob bölgulik. Qaysi davrada bölmasin, Guloyim Begjanovaning şeʼrlari qalblar ardoğiga, köngillar mulkiga aylanadi, dillarda şeʼriyatga, maʼnaviyatga çeksiz mehr uyğotadi. Çunki u şunçaki yozmaydi. – Vatan degan yuraklarda muhabbat şavqini uyğotib, çöllagan köngillarga mehri-ob taratib yozadi, yozaveradi. Yuragi toza, umid va niyatlari uluğ ijodkor-öqituvçi u!
Men bu fidoyi inson bilan heç xayrlaşgim kelmadi:
- Şeʼriyat ayyomlarida, mehr-muhbbat barq urgan davralarda uçraşamiz, seni men, u ular – adabiyot va şeʼriyat ixlosmandlari yaxşi körişadi, Guloyim! – degim keldi.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶