PARTIYa FAOLLARI VA YoŞLAR IŞTIROKIDA OBODONLAŞTIRIŞ AKTsIYaSI ÖTKAZILDI
Yurtimizda turli bayramlar, muhim sanalar oldidan xududlarni obodonlaştiriş, ozoda-orasta qilişga intiliş yaxşi anʼanaga aylangan. Çunki umumiy uyimiz – yurtimizning obodligi, körkamligi, fayzu tarovati har birimizning intilişimizga boğliq. Ayniqsa, bunday ezgu işlarni hamjihatlikda, birdamlikda bajariş köngillarni, maqsadlarni birlaştiribgina qolmasdan iş unumini ham oşiradi. Aytiş joizki, bu borada hamkorlikda iş olib boriş köp ming yillik anʼanalarimizdan biridir.
U nafaqat bir yumuşni köpçilik bölib tez va oson bajariş imkonini berişi, şu bilan bir qatorda, insonlarni birdamlikka, ahillikka va mehr-oqibatga undaşi bilan ham muhim ahamiyatga ega.
Joylarda taşkil etilayotgan bunday obodonlaştiriş, kökalamzorlaştiriş, tozalaş işlarida keksalar ham iştirok etib, yoşlarga xalqimizning bir neça yuz yillardan buyon eʼzozlanib kelinayotgan bu kabi urf-odatlari, qadriyatlarining mazmun-mohiyati haqida tuşuntirişlar bermoqdalar. Bu esa öz navbatida unib-ösib kelayotgan yoş avlodning milliy anʼana va qadriyatlarimizga nisbatan hurmat ruhida tarbiya topişlariga yordam beradi.
ÖzMTDP tuman Kengaşi tomonidan tumanimizdagi “Yusuf eşon bobo” jomʼe masjidida “Navrözing – yangi kun, yangi davroning muborak, jonajon Özbekistonim” şiori ostida ötkazilgan obodonlaştiriş aktsiyasida ham yoşlar bilan bir qatorda keksalar, partiyadan saylangan deputatlar faol iştirok etdilar.
Özbekiston Respublikasi Prezidentining “2020-yilgi Navröz umumxalq bayramiga tayyorgarlik köriş va uni ötkaziş töğrisida”gi Qarorining joylardagi ijrosi taʼminlanişiga hissa qöşiş maqsadida ötkazilgan aktsiya doirasida Özbekiston “Milliy tiklaniş” demokratik partiyasi tomonidan mamlakat hududida kökalamzorlaştiriş işlari taşkil etilmoqda. Butun Özbekiston böylab 2020-yilning 10-20-mart kunlari davomida partiya faollari va deputatlari tomonidan xududlardagi madaniy meros obʼektlarida umumxalq haşarlari, keng qamrovli obodonlaştiriş işlari ötkaziladi.
Obodonlaştiriş aktsiyasida ÖzMTDP tuman Kengaşi xodimlari, Xalq deputatlari tuman Kengaşi deputatlari, “Yusuf eşon bobo” jomʼe masjidi imom xatiblari, tumandagi 56-sonli umumtaʼlim maktab öqituvçisi, partiya faoli Azimboy Saparbayev, Xuşnud Çorşamovlar hamda 60 nafardan ortiq yoşlar köngilli bölib iştirok etdilar.
Aktsiya davomida “Yusuf eşon bobo” jomʼe masjidi yon-atroflari, yölaklari tozalandi, tomorqa yerlari tartibga keltirildi hamda har xil mevali, manzarali daraxtlar, gul köçatlari ekildi.
Yaxşi işni har kim, har kuni qilişi lozimligi tarbiyaviy mazmundagi kitoblarda köp taʼkidlanadi. Bu bilan avvalo insonning özining köngli kötariladi, tozaradi. Qolaversa, har bir bir yaxşi işning orqasidan ezguliklar yaraladi. Şu maʼnoda olib qaraydigan bölsak, ötkazilgan aktsiya Navröz umumxalq bayrami oldidan xalqimizning azaliy qadriyatlariga yoşlarning hurmat-eʼtibori namunasi böldi, desak adaşmaymiz.
O.RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶