Parvozingiz yuksak bölsin!
Ayni kunlar maktablar öquvçilari uçun hayajonli va unutilmas damlardir. Şöx-şodon bolajonlar bilan gavjum bölgan maktablarda sönggi qönğiroq jaranglab, öquvçilarni yozgi taʼtilga çorladi. Ayrimlari yil davomida olgan bilimlarini imtihonda namoyiş qilib sinfdan sinfga ötayotgan bölsalar, ayrimlari davlat imtihonlari topşirib, umumtaʼlim maktabini tugatmoqdalar, özlari tanlagan ixtisoslik böyiça öqiş, kasb-hunar örganiş uçun kollejlarda, akademik litseyda uzluksiz taʼlimni davom ettirişga hozirlik körmoqdalar. 9-yil davomida taʼlim-tarbiya bergan ustozlar, sinfdoş döstlar, maktab bilan xayrlaşuv, örta maxsus, kasb-hunar taʼlimi muassasalari ostonasiga ilk qadamni qöyiş qalblarga hayajon, ayni paytda şijoat bağişlamoqda, közlari quvonçdan porlayotir.
Bugun ulkan yöl boşida turgan öğil-qizlarning hammasining ham kelajak uçun belgilagan qatʼiy rejalari bor. Ularning tillari burro-burro, orzulari ezgu ekanligi kişini quvontiradi, ertagi kunimizga işonçimizni yanada oşiradi. Ularning sözlari bilan tanişsangiz, bunga özingiz guvoh bölasiz:
Hilola Xolmurodova, 30-sonli umumtaʼlim maktabi 9-sinf öquvçisi:
- Ustozlari taʼlim-tarbiyasini olgan öquvçi, albatta, orzu-umidlar oğuşida ulğayadi: men katta bölsam şifokor bölaman, men kosib-usta bölaman, men çegaraçi bölaman, men öqituvçi bölib, ustozlarim kabi bolalarga taʼlim-tarbiya beraman...
Bu kabi havaslar bizda umumtaʼlim maktabining boşlanğiç sinflarida öqib yurgan vaqtlarimizdayoq uyğongan. Keyinçalik ustozlarimiz bu havaslarning qatʼiy orzuga aylanişiga jiddiy eʼtibor berişgan. Xususan kasblar haqida biz öquvçilarga tuşunça beriş uçun "Kasblar olamiga sayohat”, "Kasbim-faxrim”, "Biz kelajak quruvçilarimiz” kabi tadbirlar ötkazildi. Mehnat qilib elda hurmat-eʼtibor qozongan, baxtiyor insonlarning xonadonlariga sayohatlar qildik, uçraşuvlar ötkazildi. Natijada hozir maktabimizning 9-sinfini bitirayotgan barça döstlarimning öz rejalari bor. Bu rejalar bizga öqiş, kasb-hunar egallaşda qanot beradi, kelajakka bölgan intilişimizni kuçaytiradi.
Men iqtisodçi böliş niyatidaman. Şu bois avval "Manğit” iqtisodiyot kasb-hunar kollejida, keyinçalik Berdaq nomidagi Qoraqalpoq davlat Universitetida öqimoqçiman.
Mening bu kasbni tanlaşimga ustozim Otabek aka Tojiyev sababçi böldi. Ota-onam, maktabimiz psixologi Xatira opa Hayitboyeva va barça ustozlarim qöllab-quvvatlab, zarur maslahatlarini berdilar.
Iroda Mahmudova, 55-sonli umumtaʼlim maktabi bitiruvçisi:
- Maktabimizda kasb tanlaş mavzusida sörovnoma ötkazilganida men heç ikkilanmay buxgalteriya sohasini tanlaganimni yozdim. Çunki bu kasbni avval şunçaki tanlagan bölsam, maktabimizda kasb tanlaşga doir ötkazilgan tadbirlar, 3-sonli Amudaryo akademik litseyida bölib ötgan "Oçiq eşiklar kuni”da qatnaşişim natijasida orzularim qatʼiylaşdi.
Men aniq fanlar qatori ingliz tilini ham yaxşi köraman va mukammalroq örganişga intildim. Fan olimpiadalarida qatnaşib, faxrli örinlarni egalladim.
Maktabimizda ingliz tili fanini öqitişga alohida eʼtibor berilmoqda. Men bundan samarali foydalanişga intildim. Çunki mening orzuim özim sevgan kasbni mukammal egallab, tumanimiz ravnaqiga munosib hissa qöşişdir.
Sevara Ibrohimova, 31-sonli umumtaʼlim maktabi bitiruvçisi:
- Mamlakatimizda öquvçi yoşlarga yaratilgan imkoniyatlar, eʼtibor ularning intellektual salohiyatini namoyiş etib, öqişlari, qobiliyatini rivojlantirişga asos bölmoqda. Bulardan samarali foydalaniş esa burçimiz.
Men va sinfdoşlarim bu yil umumtaʼlim maktabini bitirib özimiz tanlagan sohani egallaş uçun ilk qadamlarimizni qöyamiz. Döstlarimning barçasining kelajagi uçun belgilagan rejalari bor.
Men 3-sonli Amudaryo akademik litseyining ijtimoiy-gumanitar yönalişida öqişni davom ettirmoqçiman. Maqsadim – ona tili va adabiyoti fani öqituvçisi böliş, ona tilimizning boy, gözalligini yoşlarga örgatiş. Öz ona tilini mukammal bilgan, boy adabiy merosimiz bilan oşno bölgan odam hayotda yutqazmaydi, menimça. Mening bu boradagi intilişlarim ham samarasiz ketgani yöq. 6-, 8-sinflarda ona tili va adabiyoti fanidan olimpiadalarda qatnaşib, yaxşi natijalarni qölga kiritdim. 2013-yilda maktablararo ötkazilgan inşolar tanlovida faxrli birinçi örinni oldim. "Barkamol avlod” bolalar markazi taşkil etgan "Badiiy nafosat bilimdoni” körik-tanlovining "Yoş jurnalist va notiq” nominatsiyasi ğolibi böldim, Qoraqalpoğiston Respublikasida esa uçinçi örinni egalladim. "Orasta qizlar” körik-tanlovining tuman bosqiçida saralab olingan 10 nafar qizning biriman. Dugonalarimga sardorlik qilib, Qoraqalpoğistonda ikkinçi örinni olişga hissa qöşdim.
Men kelgusida yutuqlarimni yanada köpaytiriş uçun harakat qilaman. 9-yil davomida taʼlim-tarbiya olgan jonajon maktabidan ustozlar duosi ila kasb-hunar taʼlimiga uçirma bölayotgan tengdoşlarimga oq yöl tilayman va özlari sevgan ixtisoslikni mukammal egallaşlariga tilakdoşman.
Gulruh Otanazarova, 40-sonli umumtaʼlim maktabi 9-sinf öquvçisi:
- Men taʼlim-tarbiya olayotgan maktabda öquvçilarning tölaqonli bilim olişlari uçun barça şaroitlar muhayyo. Öquvçilarning intellektual salohiyatini oşiriş uçun darsdan taşqari qöşimça maşğulotlar, turli tanlovlar ötkazib boriladi. Albatta, öz tengquridan orqada qolişni istamagan öquvçi öqiydi, izlanadi. Barça tadbirlarda faol qatnaşişni istaydi. Natijada unda öz ustida köproq işlaş könikmasi şakllanadi.
Şu boisdanmi, sinfdoşlarimning barçasi yaxşi öqişadi.
Mana, öquv yili tugab, biz 9-yil taʼlim olgan maktabimiz, sevimli ustozlarimiz bilan xayrlaşiş arafasida turibmiz. Endi navbat uzluksiz taʼlimning keyingi bosqiçi – kasb-hunar kollejiga.
Maktabimiz bitiruvçilarining ustozlarimizdan olgan saboqlari zamonaviy kasb-hunarni puxta egallaşlariga xizmat qiladi.
Abror Omonboyev, 36-sonli umumtaʼlim maktabi 9-sinf öquvçisi:
- Tumanimiz umumtaʼlim maktablaridan köngillarida olamça hayajon bilan kasb-hunar kollejlariga, akademik litseyga uçirma bölayotgan polaponlarga parvozingiz yuksak bölsin, tinç-osoyişta yurtimizni yanada taraqqiy ettirişga munosib hissa qöşadigan mutaxassis, kasb-hunar egasi bölib kamolga yeting! – deya tilak bildiramiz.
Biz hozir umumtaʼlim maktabini tugatib, özimizning kelajagimiz uçun kasb-hunarni egallaş yölida ilk qadamlarimizni qöyiş arafasidamiz.
Mening dadam tadbirkor. Xalqqa maişiy, transport xizmati körsatiş bilan şuğullanadi. Men ham dadamdek tadbirkor bölib, eldoşlarimga xizmat körsatişni istayman. Ota-onam, ustozlarim mening rejalarimni qöllab-quvvatlaşdi, yöl-yöriq berişdi.
Kasbning, hunarning yaxşi yomoni, osoni ham yöq. Muhimi uni sidqidildan, vijdonan ado etişda, deb öylayman. Taʼlimning keyingi bosqiçida bu orzularimga yetişiş uçun yanada qatʼiyroq harakat qilaman.
Oygul RAJABOVA suhbatlaşdi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶