Feruza Örozmatova “Yilning eng yaxşi tarbiyaçisi” körik-tanlovining Özbekiston Respublikasi bosqiçida iştirok etadi
Öz kasbining mohir ustasi bölişi uçun inson eng avvalo kasbiga mehr qöya olişi, sir-u sinoatlarini izçillik bilan örganib maʼlum maʼnoda tajriba va uslub jihatidan ustuvorlikka erişişi joiz. Bunday natijaga jrişiş uçun esa kasb egasidan özi faoliyat yuritayotgan soha böyiça yuksak bilim va mahorat talab etiladi.
Bolaligidan kiçkintoylarga mehri baland bölgan Feruza Örozmatova tarbiyaçilik kasbini tanlaganida köpçilik yaqinlari bolalarning injiqliklariga bardoş beraolarmikan, deya xavotirganişgan edi. Boz ustiga Feruzaxon 42-sonli maktabgaça taʼlim taşkilotida tarbiyaçi sifatida ilk iş faoliyatini boşlagan yillarda nafaqat tumanimizdagi, balki butun mamlakatimizdagi maktabgaça taʼlim taşkilotilarida şaroitlar unçalik qoniqarli emas edi. Hatto bolajonlarning emin-erkin öynab, miriqib dam olişlari uçun ham şaroitlar köngildagidek emasdi.
Sönggi 4-5-yildirki, Prezidentimizning alohida eʼtiborlari tufayli maktabgaça taʼlim taşkilotlari faoliyatini takomillaştiriş, sohani zamon talablari darajasida qayta isloh qiliş böyiça Prezident Farmonlari, hukumat Qarorlari qabul qilinib, hayotga izçil tatbiq etilmoqda. Buni 42-sonli maktabgaça taʼlim taşkiloti faoliyatida ham yaqqol köriş mumkin.
Ayni kunda mazkur taşkilotda 4 ta guruhda 90 nafar bolajonlar taʼlim-tarbiya olişmoqda. Nafaqat tarbiyalanuvçilar, balki tarbiyaçi va enagalar uçun ham zarur şart-şaroitlar yaratilgan.
Maktabgaça taʼlim taşkilotida yaratilgan şart-şaroitlardan unumli foydalangan holda öz bilimi va tajribasini muntazam oşirib borayotgan yoş, iqtidorli tarbiyaçi Feruza Örazmatova esa maktabgaça taʼlim taşkiloti tarbiyaçilari örtasida har yili ötkaziladigan turli körik-tanlovlarning doimiy iştirokçisigina emas, ğolibi hamdir.
Bir neça yildan beri tumanda anʼanaviy tarzda ötkazilib kelinayotgan “Yil tarbiyaçisi” körik-tanlovida Feruzaxonga teng keladigani yöq. U joriy yilda ham mazkur körik-tanlovning tuman bosqiçi ğolibligini qölga kiritib, joriy yilning 1-, 2-, 3-avgust kunlari bölib ötgan Qoraqalpoğiston Respublikasi bosqiçida ham muvaffaqiyatli iştirok etdi.
Asosiy beşta şart böyiça öz bilim va iqtidorlarini, kasbiy mahoratlarini amalda namoyon etgan iştirokçilar orasida yana Feruzaxonga omad kulib boqdi. 14 ta tumandan 90 nafar yoş tarbiyaçilar iştirok etgan mazkur körik-tanlovning Qoraqalpoğiston Respublikasi bosqiçida Feruza Örozmatova “Eng çevar qöllar ustasi” yönalişi böyiça faxrli 1-örinni egalladi va “Yilning eng yaxşi tarbiyaçisi” körik-tanlovning Özbekiston Respublikasi bosqiçida iştirok etiş huquqini qölga kiritdi. Albatta, Feruzaxon uçun bu muvaffaqiyat osonlikça kelmadi. U öz sohasi böyiça uslubiy qöllanmalarni çuqur özlaştirdi, ustozlari tajribasini puxta örgandi. Ayniqsa, bolalar psixologiyasi böyiça mustaqil izlanişlar olib bordi va barça örganganlarini amaliyotga tatbiq etdi.
“Yilning eng yaxşi tarbiyaçisi” körik-tanlovining Qoraqalpoğiston Respublikasi bosqiçi ğolib va sovrindorlariga tanlov taşkilotçilari tomonidan faxriy yorliqlar, esdalik sovğalari topşirildi. Feruza esa körik-tanlovning mamlakat bosqiçida ham tumanimiz, ham Qoraqalpoğiston Respublikasi şarafini munosib himoya qilib, tanlovning mutlaq ğolibi böliş maqsadida qizğin tayyorgarlik körmoqda.
Biz ham Feruzaxon Örozmatovaning galdagi bellaşuvlarda ham ğoliblik tojini kiyişiga tilakdoşmiz.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶