AYoQÇI OBOD MAHALLAGA AYLANMOQDA
Uluğ işlar deboçasi
Vatanimiz öz mustaqilligini qölga kiritib, özi belgilagan taraqqiyot yölidan oğişmay qadam taşlab kelayotganiga 31-yil tölmoqda. Istiqlol xalqimizga öz yurtiga beklikni, munosib hayot keçiriş imkonini, öz taqdirining haqiqiy egasi bölişni, qadr-qimmatini anglab, hayotidan rozi bölib yaşaş imkonini berdi, mehr-oqibat, bağrikenglik, hamjihatlik, milliy qadriyatlarga hurmat, Vatan taqdiriga daxldorlik yuraklarimizdan teran joy oldi. Ayni kunlarda tumanimizning qay bir hududiga bormang, aholi bandligi va real daromadlarini izçil oşira boriş, fuqarolarning ijtimoiy-siyosiy faolligini yuksaltiriş, arzon uy-joylar barpo etiş, ijtimoiy infratuzilma obʼektlarini köpaytiriş, yöl-transport xizmatini yaxşilaş, qisqasi, fuqarolarning turmuşi obod, farovon bölişi uçun amalga oşirilayotgan ulkan bunyodkorlik işlariga guvoh bölasiz. Bu borada “Obod qişloq” dasturi uluğ işlar deboçasi bölmoqda, deyiş mumkin.
Uşbu dasturning joriy yilgi rejasiga kiritilgan “Ayoqçi” mahallasi şu kunlarda çinakam bunyodkorlik, yangilanişlarga yuz tutmoqda.
Dasturga muvofiq mahallada 11 milliard 500 million sömlik quriliş-taʼmirlaş, obodonlaştiriş işlarini amalga oşiriş rejalaştirilgan. Avvalo şuni taʼkidlaş joizki, mahallada 825 ta xonadonda 1128 ta oila 76 ta köçalarda, asosan yakka tartibdagi hovlilarda istiqomat qilişadi.
Turkmaniston davlati bilan çegaradoş hududda joylaşgan mahalla joriy yilda hududning yöl-transport infratuzilmasi, muhandislik-kommunikatsiya tarmoqlari hamda ijtimoiy soha obʼektlarini rivojlantiriş va şu asosda aholining farovonligini hamda turmuş darajasini yuksaltiriş maqsadida “Obod qişloq” dasturiga kiritilgani aholining ayni könglidagi orzulariga hamohang böldi.
Asosan qoraqalpoq, özbek, qozoq, turkman, rus, tatar kabi turli millat vakillari bir oila farzandlariday ahil, inoq, tomirlari çatişib, quda-anda, qarindoş bölib yaşayotgan mahalla aholisi hayoti öziga xos, barça fuqarolar ham yurtimizda amalga oşirilayotgan uluğvor özgarişlarga hamohang tarzda özlarining mehnatlari bilan öz turmuşini obod etişga intilmoqda. Ularning 164 nafari turli korxona-taşkilotlarda işlaşadi,18 nafari tadbirkorlik bilan, 14 nafari kasanaçilik, 7 nafari savdo-sotiq, 14 nafari çorvaçilik, parrandaçilik, asalariçilik bilan, 28 nafari tadbirkorlikning turli sohalari bilan, 174 nafari mavsumiy işlar bilan band bölsa, 25 nafari öz-özini band qilib, oilasiga daromad keltirmoqda.
Mahalladagi har bir xonadon tomorqa yeriga, çorvasiga ega va barça oilalar ham özlarining ehtiyojiga yaraşa sabzavotlarni özlari yetiştirib, ortganini bozorda ham sotib, qöşimça daromad oladilar.
Törtta aholi punktidagi 76 ta köçalarda istiqomat qilayotgan ayoqçiliklar hayotiga “Obod qişloq” dasturi doirasidagi amalga oşirilayotgan ulkan bunyodkorlik işlari özgaça fayz baxş etişiga şubha yöq.
Obodlik yölidagi bunyodkorliklar
Mahalla fuqarolar yiğini taşkil etilganidan, yaʼni 2013-yildan beri moslaştirilgan binoda faoliyat yuritib keldi. Hatto devorlari ham tözib, körimsiz holga kelib qolgan, xonalari tor binoda işlaş xodimlarga ança önğaysiz edi. “Obod qişloq” dasturi doirasida mahalla fuqarolar yiğini uçun maʼmuriy bino qurilişi rejalaştirilgani yiğin xodimlarinigina emas, barça aholini quvontirdi. Axir mahalla idorasi binosi körkam, çiroyli bölsa, şu elning faxri böladi-da!
Ayni kunda maʼmuriy bino qurilişini “Talabşan qurilisşi” MÇJ quruvçilari amalga oşirişayapti. Quriliş işlariga asosan hududning işsiz yoşlari jalb etilganligi yana bir quvonçli holat. 350 million sömdan ziyod mablağ evaziga qurilayotgan binoga poydevor quyiş işlari poyoniga yetkazilib, devori kötarilayapti. Ğişt terayotgan yigitlarning qöli-qöliga tegmay işlayotganidan quriliş qisqa muddatlarda yakunlanişini his qiliş qiyin emas.
Hududda faoliyat körsatayotgan 69-sonli maktab rekonstruktsiya qilinib, qöşimça bino qurilişi rejaga kiritilgani mahalla öquvçi-yoşlari uçun davlatimiz ğamxörligining çinakam ifodasi böldi, desak adaşmagan bölamiz. Boisi aholi soni ösib borişiga monand uşbu maktabda şu kunga qadar imkoniyatidan ziyod öquvçi taʼlim olib kelayotgan, sinfxonalar yetişmas edi. Endilikda maktabga qöşimça bino qurilib foydalanişga topşirilişi bilan bu muammo ijobiy yeçimini topadigan böldi. Buning uçun 104 kun muddat belgilangan va 2 milliard 300 mln. sömdan ziyod mablağ ajratilgan. Pudratçi taşkilot “Amudaryo maxsus quriliş” masʼuliyati çeklangan jamiyati quruvçilari uşbu obʼektni öz muddatida qurib, foydalanişga topşirişga intilişmoqda. Hozirgi kunda esa asosiy binoni içki-taşqi pardozlaş, qöşimça bino devoriga ğişt teriş işlari qizğin davom etmoqda.
Mahallada bulardan taşqari 4,54 kilometrlik içki yöllarni taʼmirlaş, şundan 1 kilometrdan ziyodiga beton qoplama yotqiziş, şuningdek, qolganlariga tuproq va toş yotqiziş, joriy taʼmirlaş işlari ham rejalaştirilgan. 2 ta suv tozalaş inşooti qurilişi, 1,2 kilometr piyodalar yölakçasi qurilişi, elektr taʼminotini yaxşilaş maqsadida 2,6 kilometrlik liniya tortiş va 1 ta yangi transformator örnatiş, 33 dona tungi yoritgiçlar örnatiş, 2 kilometrlik aloqa tarmoğini tortiş, 4 ta çiqindi konteynerlarini örnatiş, 7 ta tadbirkorlik obʼektlarini quriş, aholining 60 ta uy-joylarini taʼmirlaş ham yil oxirigaça amalga oşiriladi.
Baraka – mehnatdan
Mahallada tadbirkor Jasur Maxsadboyevni hamma işçan, işning közini biladigan inson sifatida eʼtirof etişadi. U 2019-yil “Har bir oila – tadbirkor” dasturi böyiça imtiyozli kredit olib, savdo dökoni faoliyatini yölga qöygan edi. Keyinçalik dökon binosini kengaytirib, non, non mahsulotlari pişiriş tsexini ham taşkil etdi. Faoliyatidan tuşgan daromadi hisobidan non pişiriş tsexiga yana bitta peçka sotib olib, faqat buxanka non emas, obi non, çörak, patir, somsalar ham pişirişni boşlaşdi. Joriy yilda “Şamşodbek va Gözaloy” nomli uşbu korxonada mijozlar ehtiyojiga köra uçinçi peç mahalladagi hokim yordamçisi Behzod Örinboyevning bevosita kömagi bilan kreditga xarid qilindi va töy-marosimlar uçun buyurtma asosida turli nonlar, somsalar, pişiriqlar pişiriş yölga qöyildi. 4 ta iş örni taşkil etilgan “Şamşodbek va Gözaloy” MÇJga qaraşli paxta tozalaş tsexi ham bor. Mazkur tsexda ikki iş örni yaratilgan.
Jamiyat raisi Jasur Maxsadboyev oila aʼzolari mehnat qilayotgan jamiyatga qaraşli tsexlardagi iş maromidan, daromadidan köngli tölsa-da, tinib-tinçib ötirişni öziga ep körmaydiganlar toifasidan ekan. U mamlakatimizda tadbirkorlarga yaratilayotgan imkoniyatlardan unumli foydalanib, 300 mln. sömlik zamonaviy, qulay va ixçam ğişt zavodi texnologiyalarini xarid qilayapti. Yaqin kunlarda ayoqçiliklar quriliş uçun ğiştni olisdan taşib keltirib, ovora bölmasdan öz hududlarida, hamqişloği Jasur Maxsadboyevdan sotib oliş imkoniga ega böladilar.
– Hamma gap mehnatda, –deydi u kamtarlik bilan. – Maşaqqatdan qoçmagan, mehnat qilgan odam niyatiga yetaveradi, işi barakali bölaveradi.
Non pişiriş tsexida uning oila aʼzolarining işini bir zum kuzatib turgan kişi bu gaplarning isbotini körganday böladi. Axir non, non mahsulotlari tayyorlaş jarayonidagi barça bosqiçlar öz muddatlarida, sifatli bajarilsagina mahsulot totli, xaridorgir böladi.
Mahalla fuqarolar yiğini raisi Ollayor Qalandarov, hokim yordamçisi Behzod Örinboyev, xotin-qizlar faoli Nigora Polvonova, yoşlar yetakçisi Zafarjon Örozmetovlarning hamjihatlikda hududda aholining tinç-osoyişta, farovon yaşaşiga erişiş, aholining ijtimoiy himoyaga muhtoj qatlamiga manzilli kömak beriş, yangi iş örinlarini yaratiş, yoşlarni qöllab-quvvatlaş, tadbirkorlik faoliyatiga jalb qiliş, bandligini taʼminlaş borasidagi saʼy-harakatlari özining ijobiy samaralarini berayotir. Şu örinda kiçkinagina mahallada turli oliygohlarda taʼlim olayotgan 70 nafar talabalar borligini ham tilga olgimiz keladi.
Şunday oila bor...
Mahallada yaşaş tarzi, farzand tarbiyalaş, azaliy qadriyatlarimiz, urf-odatlarimizni eʼzozlaş va özbekona tutumlarga amal qiliş borasida köpçilikka ibrat bölgulik oilalar köp. Mehr nuri köçasida istiqomat qiluvçi Otamurod aka Boltayev va ahli ayoli Raʼno opalarning oilasi ana şularning biri. Aslida uşbu köçaga kirib kelişingiz bilan yölning har ikkala tarafidagi hovlilar atrofidagi tozalik, orastalik, did bilan ekilgan mevali, manzarali daraxtlar, anvoyi gullar könglingizda ajib bir havas uyğotib, gözallikka, nafosatga oşuftalik jöş uradi. Beixtiyor inson barça yaxşiliklar, ezguliklar ijodkori ekanligiga tan berasiz.
Yaşillik örab olgan ulkan hovlini Otamurod aka, Raʼno opalar 1984-yilda qurib köçib ötişgan ekan.
– Öşanda çor-atrof yaydoq dala edi, – deya eslaydi opa öşa vaqtlarni. Biroq hovlisining fasad qismi-yu tomorqasida turli mevali daraxtlar kökka böy çözib turgan hozirgi körinişiga qarab bu sözlarni tasavvur qiliş qiyin. Tomorqadagi olma, nok, şaftoli kabi mevali daraxtlar hosilini kötarolmay, şoxlari larzon, uzumlarning mevasi sollanib turişlari yerga mehr berilsa, saxovatini ayamasligini dalillab turganday tuyuladi odamga.
Bu manzarani körib haqiqiy mirişkor dehqon odamlar oilasiga keldik, deb öylagandik. Adaşgan ekanmiz. Otamurod aka umr böyi 69-sonli maktabda öqituvçi, Raʼno opa hududdagi maktabgaça taʼlim taşkilotida tarbiyaçi, mudira bölib işlagan, ularning hayotda topgan eng ulkan boyliklari – uç qiz, bir öğilning törtovi ham, kelini ham öqituvçi – otasining izdoşlari ekan.
Hozirgi kunda öğil, qizlar barçasi oilali, farzandli bölib, özlaridan tingan. Otamurod aka, Raʼno opalar şu darajaga yetganlarida ham nevaralar parvarişi, tomorqa işlarida farzandlariga yölboşçi.
– Har yili şu tomorqamizdan 15 mln. sömdan ziyod daromad olamiz. Yil ön ikki oy rözğorga özimiz yetiştirgan sabzavotlarni işlatamiz. Yana 9 sotix qöşimça tomorqa yerimiz ham bor. U yerga ötgan yili 40 tup hosildor navli şaftoli köçatlarini ekdim. Hozir yaxşi rivojlanayapti. Kelgusi yil hosilga kiradi, – deydi Otamurod aka. – Eng muhimi – farzandlarimiz hayotda öz örinlarini topişdi, oilalari tinç. Endi bor bilimlarimizni, tarbiyamizni 8 nafar nevaralarimizga berayapmiz.
Ularning oilasida bölgan kişi özaro ahillikka, katta-yu kiçikning mehnatsevarligiga va ana şunday saʼy-harakatlardan bunyodga kelgan obodlik, farovonlikka havas qilişi tayin.
Donişmandlar oilani ham dorilfununga qiyoslaşadi. Ha oila – uluğ dorilfunun, unda ota-ona ustoz, farzandlar – tolibi ilmdirlar. Ularga nurli kelajak yarata olgan, halol mehnatga örgata olganlar Otamurod aka, Raʼno opalar kabi öz umrlaridan mamnun bölib yaşaydilar. Ana şunday saodatli manzillarga yetmoq barça ota-onalarga nasib etişini tilaymiz.
Bugun mamlakatimizda barça sohalarda amalga oşirilayotgan islohotlar, bunyodkorliklar, yangilanişlar odamlarning baxtiyor, farovon va öz hayotlaridan rozi bölib yaşaşiga, inson qadrini yuksaltirişga qaratilganligini barça teran anglamoqda. Zero “Yangi Özbekistonda el aziz – inson aziz” degan ezgu ğoya buni yaqqol ifodalaydi.
Yangilanayotgan Özbekistonimizning kiçik bir bölagi – Ayoqçi mahallasi aholisi ham buni öz hayotlarida his qilmoqda, istiqlol bergan bunday dorilomon kunlar mangu bölmoğini tilab yaşamoqda.
Oygul RAJABOVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶