BALIQÇILIK – DAROMADLI SOHA
Baliq göşti inson uçun foydali va özgaça taʼmga ega bölgani uçun undan tayyorlangan taomlar xuşxör, sevimli böladi. Ayniqsa, juda şirali va mazali bölgan Amudaryoning baliqlari boşqa ellarda ham maşhur.
Sönggi yillarda mamlakatimizda daromadli soha sifatida baliqçilikni rivojlantiriş, baliq mahsulotlari turlarini köpaytiriş, eksport salohiyatini oşirişga alohida eʼtibor qaratilmoqda. Amudaryo daryosi böyida joylaşgan tumanimizda ham bu boradagi mavjud imkoniyatlardan samarali foydalangan holda sohani rivojlantiriş, intensiv texnologiyalar asosida baliq yetiştiriş hajmlarini köpaytiriş hamda aholining sifatli baliq mahsulotlariga bölgan talabini qondiriş böyiça qator işlar amalga oşirilmoqda.
Uyşin mahallasidagi Hamza Jumamurodov şu sohaga qiziqişi katta bölgani sababli 2015-yilda öz mablaği hisobidan “Abdurasul Jayhun” nomli baliqçilikka ixtisoslaşgan oilaviy korxonasini taşkil qildi. Ovulda 4 gektar yer maydonida köl taşkil qildi va qöşni Xorazm viloyatidan 8 ming dona sazan, oq amur, döng peşona baliqlarining çavoğini keltirib, parvariş qila boşladi. Keyingi yildan tijorat bankidan 100 mln. söm miqdorida kredit olib, korxona faoliyatini kengaytirdi va 2 nafar işçi oldi. Tadbirkor öz faoliyatini yanada kengaytiriş maqsadida 2020-yilda bankdan 300 mln. söm miqdorida kredit oldi. Uşbu mablağlar yordamida yana 6 gektarga yaqin hududda köl taşkil qilib, işçilar sonini 4 nafarga yetkazdi. Hozirgi kunda baliqlar soni 50 ming donaga yetkazildi.
Taʼkidlaş joizki, tumanda joriy yilda baliqçilikni rivojlantiriş, aholi xonadonlarida baliq boqişni taşkil qiliş va baliq mahsulotlarini qayta işlaşni yölga qöyiş maqsadida qator işlar yölga qöyildi. Prezidentimizning 2018-yildagi “Baliqçilik sohasini yanada rivojlantirişga doir qöşimça çora-tadbirlar töğrisida”gi Qarori va boşqa hujjatlar mazkur işlarni yangi bosqiçda davom ettirişda muhim omil bölmoqda. Tumanda 84 ta tabiiy va sunʼiy köllar mavjud bölib, ular 701,4 gektar yer maydonlarida joylaşgan. Joriy yilda 235 gektardagi suvli köllarda 470 ming dona baliq çavoqlantiriş rejalaştirilgan.
Bugungi kunda 205 gektar suvli maydonda 410 ming dona çavoqlantirildi va qolgan 30 gektar suvli maydonda 60 ming dona baliq çavoqlantiriş közda tutilgan. Ayni paytda yil yakuniga qadar berilgan rejani bajariş işlari olib borilmoqda. Hozirda baliq yetiştiriş nafaqat serdaromad soha, balki uning ijtimoiy ahamiyati katta ekanligi inobatga olinib, bu bilan şuğullanayotgan qator tadbirkorlik subʼektlariga davlat tomonidan subsidiya va imtiyozlar joriy etilmoqda. Şu sababli tumanimizda baliqçilikni rivojlantiriş maqsadida tijorat banklari tomonidan şu yönalişida qiymati 250 mln. sömlik loyihalarni amalga oşiriş hamda yangidan 55 ta iş örnini taşkil qiliş rejalaştirilgan.
“Abdurasul Jayhun” baliqçilik korxonasida yetiştirilgan baliqlar içki va taşqi bozorga yetkazib beriladi. Tadbirkor qöşni tumanlar va viloyatlarga taşrif buyurib, Toşkent, Sirdaryo viloyatlaridan tajriba örganmoqda va öz faoliyatini yanada rivojlantirişga harakat qilmoqda. Baliqlar uçun zarur bölgan omuxta yemlar esa Germaniya, Eron davlatlaridan keltirilmoqda. Uşbu saʼy-harakatlar natijasida ötgan yili 30-40 tonna atrofida baliq yetiştirilib, aylanma mablağ 600 mln. sömga yetkazildi.
Baliqçilik xöjaliklarining davlatimiz tomonidan qöllab-quvvatlanayotgani soha rivojida muhim omil bölmoqda. Hamza Jumamurodov kabi ğayratli, işbilarmon insonlarning saʼy-harakatlari bilan esa bu sohada davlatimiz tomonidan belgilab berilgan çora-tadbirlar rejasi muvaffaqiyatli amalga oşirilib, baliqçilik rivojlanib bormoqda. Ana şunday tadbirkorlar safi ortsa, kelgusida soha yanada rivojlanib, Amudaryo baliqlarini çet elga eksport qiliş ham yölga qöyiladi.
Ozoda Xudoyberganova.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶