Jayxun ilhomlari

KUZ HAVOSI

Kuz havosi koʻngilli bugun,

Koʻrki ajib koʻrindi bugun.

Keltirgan fayz, oni boshqacha,

Koʻrmagandim to shu yoshgacha.

Koʻz oʻngimda balqigan bu dam,

Aylay bayon bogʻ vasfini ham.

Qushlar quvnoq, gala boʻlishib,

Shoxlar uchi qadar qoʻnishib,

Turishadi chorlab bogʻ tomon,

Sayroqilar sayrasin omon!

Oltin mavsum koʻrsatib kuchin,

Unum bergan dalalar uchun.

Kuylab, kezdim qishloq oralab,

Polizlarda tarvuz saralab.

Qovunlar ham koʻrindi koʻp-koʻp,

Yeb koʻrgandim, bol boʻlibdi xoʻb.

Oʻgʻil-qizmi, oʻynab-kulishar,

Kun fayzidan mamnun boʻlishar.

Bizningdeklar qanchadan-qancha,

Chaqchaqlashib quyosh botgancha.

Gurung qurib borida fursat,

Oʻtirishar, dam shu, gʻanimat.

Toʻkin kuzga shukrona ayta,

Turib bir-bir uylarga qaytar.

Kuz havosi safoli bugun,

Kuy-navosi sadoli bugun!

Jumaboy HIDOYaTOV,

"Jayxun ilhomlari "NNT aʼzosi.

Zor-u zor kutdim

(Qoʻshiq)

Necha tongni uxlamay kutdim,

Oʻzni tubsiz dengizga otdim.

Soʻngsiz oʻy-u xayolga botdim,

Jonim, seni yoniblar kutdim.

Bir bora hol soʻrasang edi,

Dardga darmon boʻlolsang edi.

Keling, deya chorlasang edi,

Jonim, seni shunchalar kutdim.

Men sen, deya yutdim alamlar,

Bedor oʻtdi nechalab tunlar.

Boshlarimga solding ne gʻamlar,

Jonim, seni zor-u zor kutdim.

Sensiz qancha kunlar oʻtmoqda,

Bir bechora gʻamlar yutmoqda.

Bilsang, bedor, bedor kutmoqda,

Bir bora kel, oʻrtanib ketdim.

Oy nurlari tushar xonamga,

Dadajonim debdi onamga:

“Toʻy qilaylik, aytgin bolangga”,

“Mayli”, degan iqroring kutdim.

Asadbek Otajonov,

QDU talabasi.

DUGONALARIM

Toʻrtalamiz yuramiz,

Birga suhbat quramiz.

Hech qachon ajralmaymiz,

Toʻrt dugona boʻlamiz.

Biz juda sabrlimiz,

Qoʻrqmaymiz hech narsadan.

Tugamaydi mehrimiz,

Ajralmas va hamqadam.

Irodali, goʻzalmiz –

Mard dugona boʻlamiz.

Opa-singilday dono,

Mehri jahon boʻlamiz.

Birimiz xafa boʻlsak,

Darrov koʻnglin olamiz.

Shodlanib, toʻlib-toshsak,

Birga baham koʻramiz.

Mashhura Rajabova, 2-sonli maktab oʻquvchisi.