Секторлар кесимида прокурор кубоги мусобақалари ўтказилди
“Беш ташаббус олимпиадаси” доирасида ўтказилаётган мусобақалар Амударё туманидаги спортсевар ёшларни ўз атрофига жамламоқда. Туман спорт мактаби залида миллий кураш бўйича 18-30 ёш тоифасида эркаклар ва аёллар ўртасида 4 сектор кесимида “Прокурор кубоги” учун ташкил этилган мусобақалар ҳам шулар жумласидандир.
Ёшлар ўртасида соғлом турмуш тарзини тарғиб этиш, уларни ҳар томонлама баркамол этиб тарбиялаш, миллий спортимизни янада ривожлантириш мақсадида ташкил этилган мусобақа юқори савияда, кўтаринки руҳда бўлиб ўтди.
Мусобақанинг очилиш маросимида Амударё тумани прокурори ёрдамчилари Санжар Абдуллаев, Оғабек Эркулиев, Амударё тумани спорт мактаби директори вазифасини вақтинча бажарувчи Зокир Юлдашев ҳамда мураббий ва спортчилар иштирок этишди.
Дастлаб Ўзбекистон ва Қорақалпоғистон Республикаларининг давлат мадҳиялари янгради. Спортчи ёшлар ва мураббийлар, тадбир иштирокчилари қўлларини кўксига қўйиб, юрт мадҳини жўр бўлиб куйлашди.
Мусобақани Амударё тумани прокурори ёрдамчиси Санжар Абдуллаев тантанали равишда очиб, мураббийлар ҳамда спортчиларга омад тилади. Шундан сўнг мусобақаларга старт берилди.
Таъкидланганидек, кейинги йилларда асрлар давомида мардлик, бағрикенглик, олийжаноблик ва ҳалолликнинг тимсоли сифатида эъзозланиб келинган, ўзбек халқининг тарихий мероси – кураш миллий спорт турини янада ривожлантириш, унинг халқаро майдондаги ривожини қўллаб-қувватлаш, зарур инфратузилмани яратиш борасида тизимли ишлар амалга оширилмоқда. Хусусан, жаҳоннинг бир қатор давлатларида кураш турнирлари, турли чемпионатлар, семинар-машғулотлар ўтказиб келиниши натижасида ушбу миллий спортнинг халқаро ривожига алоҳида эътибор қаратиляпти.
Дарҳақиқат, кураш асрлар давомида ўзбек халқининг энг оммавий ва севимли миллий ўйинлари қаторида эъзозлаб келинган. Кураш – якка курашнинг қадимий тури бўлиб, таърихий маълумотларга кўра, унинг ёши 3 минг йилликдан ортиқ ҳисобланади. Бугунги кунда Халқаро Кураш ассоциацияси таркибида 130дан зиёд давлатлар миллий федерациялари фаолият юритади.
Давлатимизнинг бевосита қўллаб-қувватлаши натижасида кураш халқаро спорт тури сифатида кенг эътироф этилди, “кураш”, “ҳалол”, “таъзим”, “тўхта”, “ёнбош” ва бошқа атамалар эса халқаро спорт луғати таркибидан ўрин эгаллади.
Эътироф этиш жоизки, “Кураш” миллий спорт турини аҳоли, айниқса, вояга етмаганлар ва ёшлар ўртасида янада ривожлантириш ҳамда оммалаштириш, ўсиб келаётган авлодда миллий ифтихор ва ватанпарварлик туйғусини мустаҳкамлаш, шунингдек, жамиятда соғлом турмуш тарзини тарғиб қилиш ва жаҳон спорт майдонида юқори натижаларга эришишни таъминлаш мақсадида ташкил этилган “Прокурор кубоги” мусобақаси том маънода кураш байрамига айланиб кетди.
Мусобақалар кескин ва муросасиз тарзда бўлиб ўтди ҳамда белгиланган ёш ва вазн тоифасида ғолиблар аниқланиб, мусобақанинг туман босқичига йўлланмани қўлга киритдилар. Мусобақа якунида ғолиблар ташкилотчилар томонидан диплом, медаль ва эсдалик совғалари билан тақдирландилар.
Б. Соатов, Амударё тумани спорт мактаби оммавий спортни ривожлантириш ва селекция ишлари бўйича директор ўринбосари
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
