"Хорижий тилларни ўқитиш бўйича энг яхши мактаб" танловининг туман босқичи ўтказилди
Амударё туманида хорижий тилларни ўқитиш сифатини янада ошириш, мактаблар ўртасида соғлом рақобат муҳитини шакллантириш ва таълим самарадорлигини юксалтириш мақсадида “Хорижий тилларни ўқитиш бўйича энг яхши мактаб” танловининг туман босқичи ўтказилди.
1-сонли мактабда ўтказилган мазкур танловда Қорақалпоғистон Республикаси Таълим маркази директори Наргиза Матлатипова, туман Мактабгача ва мактаб таълими бўлими мудири Ялғашбой Шамуратов, туман ихтисослаштирилган мактаби масъул ходими Муҳайё Тоирова ҳамда туман Мактабгача ва мактаб таълими бўлимининг масъул ходимлари иштирок этди.
Танловнинг асосий мақсади мактабларда хорижий тилларни ўқитиш даражаси ва сифатини оширишни рағбатлантириш, халқаро мезонлар ва стандартлар асосида юқори натижаларга эришиш учун мустаҳкам замин яратишдан иборат. Шунингдек, таълим муассасаларида амалга оширилаётган ишлар натижадорлигини таҳлил қилиш, самарали фаолият олиб бораётган ўқитувчиларни аниқлаш ва рағбатлантириш, илғор тажрибаларни оммалаштириш ҳам танловнинг устувор вазифалари сифатида белгиланди.
Низомга мувофиқ, танловда ҳар бир мактабдан битта хорижий тил йўналиши — инглиз, немис ёки француз тили бўйича 5 нафар 7–9-синф ўқувчиларидан ташкил топган жамоа қатнашди. Амударё туманидаги 84 та умумтаълим мактабидан жами 420 нафар ўқувчи мазкур билимлар синовида иштирок этди. Бу эса танловнинг кенг қамровли ва юқори рақобат муҳитида ўтганини кўрсатади.
Танловда иштирок этиш истагини билдирган мактаблар 2025 йилнинг сентябрь–декабрь ойларида Мактабгача ва мактаб таълими вазирлигининг ахборот тизимига белгиланган асосий кўрсаткичларни киритган ҳамда улар тизим томонидан баҳоланган. Асосий босқичда эса ўқувчиларнинг хорижий тилни билиш даражаси тест синовлари орқали аниқланди. Иштирокчиларга халқаро таълим стандартлари асосида тайёрланган 30 та топшириқни бажариш учун 90 дақиқа вақт ажратилди.
Якуний натижалар яқин вақт ичида эълон қилинади ва танловнинг туман босқичида 1-ўрин соҳибига 100 миллион сўм, 2-ўринга 75 миллион сўм, 3-ўринга эса 50 миллион сўм миқдорида Президент соврини берилади.
Мазкур танлов нафақат ўқувчиларнинг билимини синовдан ўтказиш, балки мактабларда хорижий тилларни ўқитиш сифатини янги босқичга олиб чиқиш, ўқитувчилар меҳнатини муносиб баҳолаш ва таълим муассасалари ўртасида соғлом рақобатни кучайтиришда муҳим аҳамият касб этмоқда.
Ҳар йили мунтазам равишда ўтказиб келинаётган ушбу танлов мактабларда хорижий тилларни ўқитиш бўйича амалга оширилаётган чора-тадбирлар натижадорлигини таҳлил қилиш, хорижий тиллар бўйича ўқувчиларга сифатли таълим бераётган, самарали фаолият олиб бораётган ўқитувчиларни аниқлаш ва рағбатлантиришда муҳим аҳамиятга эга бўлмоқда. Қолаверса, мактабларда хорижий тилларни ўргатиш бўйича кўрсатилаётган таълим хизматлари сифати ва самарадорлигини ошириш, уларда амалга оширилаётган ишлар ва эришилаётган натижалар тўғрисида кенг жамоатчиликни холис ахборотлар билан таъминлашда ҳам ушбу танловнинг ўрни беқиёсдир.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
