“Камолот”нинг лойиҳалари ва танловлари ИҚТИДОРЛИ ЁШЛАРНИ КАШФ ЭТМОҚДА
Мамлакатимизда ўсиб келаётган ёш авлодни ҳар томонлама етук ва баркамол инсонлар қилиб вояга етказиш, уларнинг интеллектуал салоҳиятини юзага чиқариш, ўқиш, дам олиш, яшаш шароитларини жаҳон андозалари даражасига кўтариш, спорт билан шуғулланишлари, касб-ҳунар эгаллашлари ҳамда тадбиркорлик соҳасида фаолият юритишлари учун зарур қонуний асослар яратилган. Айнан шу мақсадда турли хил танловлар ташкил этилиб, ғолиблар учун турли мазмундаги имтиёзларнинг берилиши – ёшларнинг, хусусан, туманимиз ёшларининг ҳаётида муҳим аҳамият касб этмоқда.
2016 йилнинг 25 февраль куни Амударё академик лицейида "Ўзбекистон Республикасида 2016 йилда ёшларга оид давлат сиёсатини амалга оширишга қаратилган қўшимча чора-тадбирлар дастури”да белгиланган вазифалар ижросини таъминлаш ва ёшларни тадбиркорликка кенг жалб қилиш мақсадида "Менинг бизнес ғоям” ва "Ёш тадбиркор - юртга мададкор” танловларининг тарғибот-ташвиқот тадбирлари ташкил этилиши ҳам туманимиз ёшларининг ўз иқтидорларини намоён этишларида муҳим омил бўлди. Тадбирда ҳаракатнинг Қорақалпоғистон Республикаси Кенгаши мутахассислари, тадбиркорлик йўналиши бўйича валантёрлар ва туманимиздаги ўрта махсус, касб-ҳунар масканлари битирувчилари иштирок этишди. Тадбирда "Менинг бизнес ғоям” ва "Ёш тадбиркор - юртга мададкор” танловларининг ўтказилиш шартлари ҳақида тушунчалар берилди. Жумладан, Қорақалпоғистон Республикаси ва Ўзбекистон Республикаси босқичларида фаол иштирок этган танлов иштирокчиларига Республикамиздаги банклар томонидан имтиёзли кредитлар ажратилиб, кредит фоизи "Камолот” ёшлар ижтимоий ҳаракати томонидан тўлаб берилиши ҳақида батафсил маълумотлар берилди.
"Ўзбекистон Республикасида 2016 йилда ёшларга оид давлат сиёсатини амалга оширишга қаратилган қўшимча чора-тадбирлар дастури” ижросини таъминлаш ва ўқувчиларнинг маънавий-ахлоқий тарбиясини янада яхшилаш, уларнинг бўш вақтларини мазмунли ўтказиш, турли ҳуқуқбузарликларнинг олдини олиш, маҳаллаларда яшовчи ёшлар орасида ўзаро маданий спорт алоқаларини йўлга қўйиш, ёшларни спорт мусобақаларига кенг жалб қилиш ҳамда спортнинг шахмат турини ривожлантириш, шу орқали ёшлари орасидан истеъдодли шахматчиларни излаб топиш ва уларни қўллаб-қувватлаш мақсадида "Камолот” ёшлар ижтимоий ҳаракати туман Кенгаши, туман маданият ва спорт ишлари бўлими, "Маҳалла” хайрия жамоат фондининг туман бўлинмаси, туман ХТМФМТТЭБ билан ҳамкорликда 2016 йилга мўлжалланган қўшма қарор қабул қилинди. Ушбу қўшма қарор асосида Ҳаракатнинг туман Кенгаши томонидан "Камолот шахмат тахтаси” турнирининг биринчи босқичлари ва туман босқичи ўтказилди.
"Камолот шахмат тахтаси” турнирининг туман босқичи 2016 йилнинг 24 февраль куни тумандаги 2-сонли Болалар ва ўсмирлар спорт мактабида ўтказилди. Мусобақага туман ҳудудий босқичларида ғолибликни қўлга киритган 6-8, 9-11, 12-14, 15-16, 17-19 ёш тоифаларида ўғил ва қиз болалардан 70 нафар ёш ҳаваскор шахматчилар қатнашдилар.
Мусобақа ғолиблари ташкилотчилар томонидан диплом ва совғалар билан тақдирланди.
М.ЎРОЗБОЕВ,
"Камолот” ЁИҲнинг туман Кенгаши раиси.
(Фото - http://www.sammi.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
