21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 01:33
Адабиёт 👁 6,020

Жайхун илҳомлари

Жайхун илҳомлари

Мен етмасам...

Бугун хуш кайфият билан уйғондим,

Бошқача кўз билан боқдим оламга.

Ажойиб орзулар билан чулғандим,

Мен етмасам, насиб этар боламга.

 

Шукур, олдингидан кўп ўзгариш бор,

Юртбоши ислоҳот қилмоқда қатор.

Ҳар нуқсонга бўлганини эътибор,

Мен кўрмасам, насиб этар боламга.

 

Арзимас ишга ҳам шуни деб чора,

Амалдорлар сира олмаса пора,

Тўкин кун кечирса бева-бечора,

Мен кўрмасам, насиб этар боламга.

 

Газнинг хавфи дилга солмай кўланка,

Бензинларга тўла турса колонка,

Майли пулга, ё пластик, талонга,

Мен кўрмасам, насиб этар боламга.

 

Ҳақ синови тўғри келиб ҳиссангга,

Дард балоси кирса бирдан жуссангга,

Даволашса, қарамасдан киссангга,

Мен кўрмасам, насиб этар боламга.

 

Оналик бахтидан очилиб гул-гул,

Келинлар роддомда туғсалар бепул,

Куёвлар иқболи кулган кунни, шул –

Мен кўрмасам, насиб этар боламга.

 

Шофёрлар етишса бир кунга ёрқин,

Қанча машинани синдирган олдин,

Йўқолса абадий йўлдаги "ғалтинг”,

Мен кўрмасам, насиб этар боламга.

 

Кўрсатма бўлмаса тош қотган раҳбар,

Ташаббус кўрсатиб ишласа агар.

Бўстонга айланар қишлоғ-у шаҳар,

Мен кўрмасам, насиб этар боламга.

 

Олди-сотди иши бўлса қай жойда,

Амал қилса Расул айтган қоида.

Ҳам савоб ишласа, ҳам олса фойда,

Мен кўрмасам, насиб этар боламга.

 

Автобус кам, шукур - кўпдир таксилар,

Лекин инсофсизи минганни шилар.

Бир куни тартибга тушганин шулар,

Мен кўрмасам, насиб этар боламга.

 

Овқатланиш пайти келгани маҳал,

Свет деган қурғур ўчади ҳар гал,

Бунга ҳам топилган пайтни бир амал,

Мен кўрмасам, насиб этар боламга.

 

Аҳолига арзон ёқилғи учун,

Келса кўмирнинг ўрнига кукун.

Охири сифатли кўмир келган кун,

Мен кўрмасам, насиб этар боламга.

 

Орзу-умид олға ундовчи нарса,

Барига Яратган имконият берса,

Камчиликсиз кунга бир кун еткарса,

Мен кўрмасам, насиб этар боламга.

Аҳмад Нафасов.

 

Куз саховати

 

Кеча баҳор эди, кейин ёз фасли,

Кетма-кет навбатда келди сахий куз.

Кўнглимда энтикиш, ҳаяжон назми,

Боғлар бойлигини этади кўз-кўз.

 

Далалар бағрида «оқ олтин» сайли,

Кузнинг ҳимматидан кўнгиллар тошган.

Заминдан ғалвирин кўтарган пайти,

Мавсум хирмонлари тоғлардан ошган.

 

Юртим, қутлуғ бўлсин ҳосил хирмонинг,

Файз-у тароватдан обод ҳар макон.

Зуҳра ашъор битди, йўқ ҳеч армони,

Истиқбол йўлида ҳур Ўзбекистон!

Зуҳра Аҳмедова.

 

Вақт

Армонларнинг гирдобида толдиради,

Хазонларнинг тўзонида қолдиради.

Кўз ёшларнинг дарёсида чўктириб,

Гоҳ куйдириб, гоҳида кулдиради.

 

Менман деган баҳодирлар танг қолар,

Тўлиб-тошган дарёлар қуриб қолар.

Дилидагин айтолмайин неча бор,

Вақтга асир тиллар ҳам жимиб қолар.

 

Йўқдан асло ҳеч нарса бор бўлмайди,

Яралмайди янгилик, гиёҳ унмайди.

Оқил инсон ўз умрининг сўнггида,

Ўз ишига вақтни гувоҳ қилмайди.

 

Ўтган вақтни ортга қайтариб бўлмас,

Вақт ўз муҳрин босган тарихда ўчмас.

И.Фирсик, Беруний маҳалласи.

 

Қайтмасман...

Чарчадим сeвгида, мeн ҳа дeб синиб,

Энди қизиқмайман бу манзарага.

Кўксимга сиғмаса юрак дeпсиниб,

Парво қилмам, дилим йиқса зилзила...

 

Энди ишончнинг ҳам синди қиймати,

Кeтишга йўл кўп-ку, лeк оёқ синган.

Фақат... Унутгани кўзим қиймайди,

Чунки сeвги қалбга эртароқ сингган.

 

Балки аҳмоқдирман, сeни ёқтирган,

Тeлбадeк мeн сeндан кўп кeтиб, қайтдим.

Бевафо кўзингда ялтираб турган,

Маккора ҳисларни кўрганим айтдим.

 

Айтганда, ёқмади сeнга тўғри гап,

Буни англатмоққа уриндим қанча.

Ишонч-у сабрим ҳам бормоқда, тугаб,

Сeн кутган ҳаётга ҳали бор анча.

 

Майли, сeн юравeр, ўз хаёлингда,

Ўзингга ҳақдирсан, қушдай эркинсан...

"Бир кун пайдо бўлар, дея йўлимда”,

Кутганингда эса... ортга қайтмасман!

Сардор Отажонов, ҚДУ талабаси.

 

Кетма, болалик

Сен кетсанг, кўзларим ортимда қолар,

Шўх-шодон дамларим мунғайиб толар.

Севимли ўйинлар бегона бўлар,

Мени ташлаб кетма, азиз болалик.

 

Беғубор, қайғусиз кунларим билан,

Кўчани чангитган дўстларим билан.

Қувлашмачоқ ўйнаб қолгим келади,

Сенинг қучоғингда, азиз болалик...

Моҳира ЙЎЛДОШЕВА,

70-сонли мактаб ўқувчиси.

Юртим

Юртим гўзаллиги гўё,

Таралди жаҳон аро.

Баҳордан олиб зиё,

Яшилланди бу дунё.

 

Халқимиз жуда аҳил,

Ҳар бир кунидан мамнун.

Юзларида табассум,

Ҳар гўша гўзал, обод.

 

Ҳеч қачон кўз тегмасин,

Юртимнинг жамолига.

Дунёлар ҳавас қилсин,

Ёш авлод камолига.

Дилноза Бозорбоева,

40-сонли мактаб

ўқувчиси.

Хатолар

Ҳар куни осмон тўла,

Юлдузларга боқаман.

Оймомога дил тўла,

Сирларимни айтаман!

 

Юлдузлар кулиб турар,

Қадамимга нур сочиб.

Оймомо мен-ла юрар,

Гўё қучоғин очиб.

 

Баъзан йиғлар юрагим,

Ортимда кўп хатолар.

Келмайди ҳеч сўзлагим,

Босиб келса хатолар.

Раъно ИсмОилова,

Амударё хизмат кўрсатиш ва сервис касб-ҳунар коллежи ўқувчиси.

Китоб

Севиб ўқийман ҳар он,

Унда билим бисёрдир.

Ўргатар аввал одоб,

Кўнглим офтоби – китоб.

 

Эртаклари хилма-хил,

Онгим ўсар йилма-йил.

Ундан оламан билим

Ва беради зўр таълим.

Иродахон

Бекимбетова,    

           30-сонли мактаб

               ўқувчиси.

Ватан

Ватан – менинг фахримдир,

Пойдеворим, тахтимдир.

Мусаффо осмонимдир,

Онамдир, Ўзбекистон!

 

Майса бўлай пойингда,

Гуллайин  ҳар жойингда.

Оқиб ўтай сойингда,

Жонажон Ўзбекистон!

Сардорбек КЕНЖАБОЕВ,

20-сонли мактаб ўқувчиси.

ВАТАН,

ЯШОЛМАМ СEНСИЗ

Ватан — онажонимсан,

Азиз, улуғ, бeтакрор.

Сeни ёдга олган чоғ,

Мавжланар кўнглим такрор.

 

Ватан, яшолмам сeнсиз,

Сeнсан дунёда тeнгсиз!

Ватан — мeҳр ўчоғим,

Эрким, ҳаётим ўзинг.

 

Олтинга тeнг бeшигим,

Айтган баётим ўзинг.

Ватан, яшолмам сeнсиз,

Сeнсан дунёда тeнгсиз!

 

Ватан — оилам, мактаб,

Қиблагоҳим сeндурсан.

Қорачиқдай асрайман,

Жаннатларга тeнгдурсан.

 

Ватан, яшолмам сeнсиз,

Сeнсан дунёда тeнгсиз!

Шарафлаб шeърлар битай,

Мeҳрим пайваста этай,

 

Бир фарзанд бўлиб мeн ҳам

Ватан, номинг танитай.

Ватан, яшолмам сeнсиз,

Сeнсан дунёда тeнгсиз!

Ҳуснидабону ИКРОМОВА,

Нукус шаҳридаги Мудофаа Вазирлигига қарашли 16-сонли мактаб ўқувчиси.

 

Бахт

Мен ҳаётим давомида,

Неча раҳбарларни кўрдим.

Советларнинг тузумида,

Бахтга етмай қанча юрдим.

 

Ўзбегимнинг бахти кулди,

Ҳаётидан рози бўлди.

Фуқаролар дардин сўраб,

Шижоаткор бошчи келди.

 

Юртбошимиз бўлгай омон,

Тузмоқда у янги замон.

Юракларни қучди ишонч,

Ҳаётимиз дориломон.

Эркин ИсмОилов,

«Хизр эли» маҳалласи.

Ватан

Дунёда ягонам ўзингсан Ватан,

Онамдай хуш забон сўзимсан Ватан.

Муқаддас, мўътабар, ота маконим –

Дунёда ягона Ўзбекистоним.

 

Эркин ва обод чаманим ўзинг,

Жонимдай суйганим, жаҳоним менинг.

Тилим бурро қилган тоғдай имконим –

Жаҳоний тож-тахтим – Ўзбекистоним!

Маҳлиё БОЛТАБОЕВА,

9-сонли мактаб ўқувчиси.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026