21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 04:02
Фан ва таълим 👁 1,147

9-сонли Болалар мусиқа ва санъат мактабининг ҳисобот концерти ўтказилди

9-сонли Болалар мусиқа ва санъат мактабининг ҳисобот концерти ўтказилди

Туманимизда ажиб бир маданият маскани бор. Бу масканда маънавият юксак тутилади, ахлоқий, инсоний қадриятлар ҳамма нарсадан улуғ саналади. Шу боис, бу даргоҳга қадам қўйишингиз билан қалбингизда гўзал туйғулар жунбушга келади. Мўъжазгина синфхоналардан таралаётган мусиқий оҳанглар вужудингизга руҳий тетиклик бахш этаётганини ҳис этасиз, қалбингиз тозаради, ҳавас ва ҳайратлар оғушида санъат деб аталмиш дориломон олам сеҳрига чулғанасиз. Қалбингизга соҳир туйғуларни бахш этаётган жажжи болажонларнинг соз тутган қўлларидан ўпгингиз, бошларини силаб, олқишлагингиз келади. Уларнинг иқтидоридан, орзулари йўлидаги интилишларидан, изланишларидан кўнглингиз тоғдай юксалади.

Бу - 9-сон болалар мусиқа ва санъат мактаби. Бу шунчаки оддий билим маскани  эмас, унинг бағрида истеъдодлар камол топади, катта санъат сари имкон эшиклари очилади бу даргоҳда. Мана, 51 йилдирки, мактаб педагогика жамоаси халқимиз фарзандларини маънавият сари етаклаб, уларга мусиқий таълим-тарбия ва тасвирий санъат сирларидан сабоқ бериб келмоқда. Болаларга мусиқа ва санъат таълимини бериш учун шарт-шароитлар, имкониятлар етарли бўлмаган шароитда, бундан 51 йил олдин ўз фаолиятини бошлаган мазкур илм даргоҳидан учирма бўлган илк ўқувчилари бугун маданият ва санъат соҳасининг фидойиларига, ардоқли устозларига айланишган. Йиллар давомида 9-сон мусиқа ва санъат мактабини турли йўналишлар бўйича тугатиб, таълимни олий ўқув даргоҳларида давом эттирган, ўз соҳаларининг фидойиларига айланган эл севган санъаткорлар, устоз-мураббийлар ҳисобсиз. Муҳими, уларнинг жуда кўпчилиги санъат ва маданиятимиз дарғаларидир.

Мусиқа ва санъат мактаби педагогик жамоаси ва ўқувчилари учун мустақиллик даври чинакам ижодий юксалиш йиллари бўлди, 1990 йилда барча қулайликларга эга замонавий кўркам ва шинам мактаб биноси қурилиб, фойдаланишга топширилди. 150 ўринга мўлжалланган замонавий концерт зали, ҳар бир йўналиш бўйича махсус жиҳозланган синф хоналари, ёғоч ўймакорлиги, метал билан ишлаш, ганчкорлик, тасвирий санъат, ҳайкалтарошлик бўйича зарур анжомлар билан таъминланган мусиқа ва санъат мактаби ўқувчилари ҳар йили бўлиб ўтадиган турли мусиқа ва санъат фестиваллари ҳамда нуфузли кўрик-танловларнинг  энг фаол иштирокчиларигина эмас, балки ғолиб ва совриндорларига айланишди.

Айни пайтда мазкур илм масканида 11 та йўналиш бўйича 257 нафар ўқувчи-ёшларга мусиқий ва санъат таълими берилади. Ҳар битта йўналиш бўйича болаларнинг чуқур билимга эга бўлишлари учун 39 нафар малакали мутахассис ўқитувчилар масъул. Синфхоналари 10 та форьтепиано, 2 та рояль, етарли даражада торли-камонли ва пуфлаб чалинадиган мусиқий асбоблар билан тўлиқ таъминланган. Баянь-аккордеон, халқ чолғулари, анъанавий хонандалик, эстрада, тасвирий санъат, хореография, театр санъати йўналишларида таҳсил олаётган ўқувчи-ёшлар орасида нафақат Қорақалпоғистон, балки Ўзбекистон Республикаси миқёсидаги кўрик-танловлар ғолибларининг борлиги қувончли.

30 май куни мусиқа ва санъат мактаби ўқитувчилари ва ўқувчилари учун ҳаяжонли лаҳзаларга бой бўлди. Шу куни 11 та йўналиш бўйича таҳсил олаётган ўқувчилар 2018-2019 ўқув йилида ўзлари эришган ютуқларни сарҳисоб қилдилар. Мактаб ҳовлисида ташкил этилган тасвирий санъат йўналиши ўқувчиларининг ижодий ишлари ҳақида ҳикоя қилувчи кўргазма нафақат уларнинг ота-оналари, балки ҳисобот концерт дастури меҳмонларида ҳам катта таассурот қолдирди.

Ҳисобот концерт дастуридан ўрин олган театрлаштирилган саҳна томошалари, айниқса, халқ чолғулари, анъанавий созандалик, анъанавий ашулачилик йўналишлари бўйича ўқувчи-ёшларнинг чиқишлари олқишлар билан кутиб олинди. Хореография, баянь-аккордеон, торли-камонли, пуфлаб чалинадиган чолғулар, анъанавий ижро ва эстрада йўналишлари ўқувчилари ижросидаги куй-қўшиқ ва дилрабо рақслар тадбир иштирокчиларига хуш кайфият бағишлади.

Ҳисобот концерт дастурида 9-сон болалар мусиқа ва санъат мактаби директори Йўлдошбой Абдалов 2018-2019 ўқув йили давомида эришилган ютуқларни  алоҳида қайд этди. Чунончи, мусиқа ва санъат мактаблари ўртасида ўтказилиб келинаётган Мухтор Ашрафий номидаги, Муҳиддин Қори Ёқубов номидаги нуфузли кўрик-танловларда мактабнинг анъанавий созандалар, халқ чолғу дастаси ҳамда анъанавий хонандалар дасталари фахрли ўринларни эгаллашгани эътиборга молик.

Ҳисобот концерт дастури давомида ўқишда, жамоат ишларида ва туманда ўтказиладиган маънавий-маърифий тадбирларда фаол иштирок этган ҳамда ўз педагогик фаолияти давомида юқори натижаларга эришган бир гуруҳ ўқитувчилар, шунингдек, фарзандларининг таълим-тарбиясига алоҳида эътибор қаратиб, иқтидорини ривожлантиришда мактаб педагогик жамоаси билан ўқув йили давомида доимий ҳамкорлик қилган ота-оналар  болалар мусиқа ва санъат мактаби маъмурияти томонидан фахрий ёрлиқлар билан тақдирландилар.

2018-2019 ўқув йили давомида ўзлари танлаган йўналишлар бўйича юқори натижаларга эришган ўқитувчилар, ўқувчилар, шунингдек, мусиқа ва санъат мактаблари ўртасида бўлиб ўтган республика кўрик-танловида фахрли 1-ўринни эгаллаган Хуршид Тожибоев раҳбарлигидаги халқ чолғу дастаси, ушбу кўрик-танловда фахрли 1-ўринни эагаллаган Улфат Шукуруллаев раҳбарлигидаги анъанавий созандалар дастаси, Сайфулла Гулмонов раҳбарлигидаги 3-ўринни эгаллаган анъанавий ашулачилар дасталари жамоалари эришган ютуқлар алоҳида қайд этилиб, мазкур дасталарнинг раҳбарлари ҳам муносиб тақдирландилар.

Тадбир давомида бу каби ютуқлар қайта-қайта тилга олинди. Эстрада хонандачилиги йўналиш бўйича бўлиб ўтган республика кўрик-танловида совринли 3-ўринни эгаллаган 5-синф ўқувчиси Диёрбек Ортиқов устози Бобур Маҳмудов раҳбарлигида ўрганган ашулалари билан бугунги  кунда санъат шинавандалари орасида анча танилиб қолганлиги, устози Зумрад Мирзаева раҳбарлигида Мухтор Ашрафий номидаги кўрик-танловда фахрли 3-ўринни эгаллаган Бунёдбек Жумабоев, “Камалак юлдузлари”, халқ чолғулари ва анъанавий созандалик бўйича республика кўрик-танловлари совриндорлари  дутор синфи ўқувчиси Зилола Қодирова, рубоб синфи ўқувчиси Элбек Турсунбоевлар ўз иқтидорларини нуфузли кўрик-танловларда муваффақиятли намойиш этаётганлари алоҳида эътироф этилгани олқишлар билан кутиб олинди.

Туманимиз санъатининг ғунчалари камол топаётган 9-сон болалар мусиқа ва санъат мактаби ўқувчиларининг 2018-2019 ўқув йилида эришган ютуқларидан тадбир иштирокчилари мамнун бўлдилар. Ўзлари эришган ютуқларини, қалбларидаги эзгу орзуларини тадбир иштирокчилари кўз ўнгида, ўз санъатлари билан намойиш этиб, қалбларда ҳавас ва ҳайрат уйғотган жажжи болажонларга, ўқувчи-ёшларга тадбирда ҳозир бўлганларнинг барчаси юксак парвозлар тиладилар.

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026