УМУМИЙ ЎPТА ТАЪЛИМ МУАССАСАЛАPИНИНГ ЎPНАК КЎPСАТГАН ХОДИМЛАPИНИ МОДДИЙ PАҒБАТЛАНТИPИШ ТИЗИМИ ТАКОМИЛЛАШТИPИЛАДИ
Шу йил 30 сентябрда Ўзбекистон Pеспубликаси Вазирлар Маҳкамасининг “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги Қарори халқ таълими тизими ходимларининг ижтимоий мавқеи ва нуфузини ошириш, ўрнак кўрсатган ходимлари фаолиятининг натижадорлигига қараб, уларни рағбатлантиришнинг шаффоф тизимини жорий этишни назарда тутади. Қарорга мувофиқ қабул қилинган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги Низомда эса айнан ушбу вазифаларни амалга ошириш йўл-йўриқлари белгилаб берилган.
Эндиликда ҳар бир умумий ўрта таълим муассасаларида ўрнак кўрсатган ходимларини рағбатлантиришнинг директор жамғармаси ташкил этилади. Бундан кўзланган мақсад умумтаълим муассасаларида ўқув-тарбия жараёнининг самарадорлиги ва сифатини оширишни рағбатлантириш, педагог, психолог, кутубхона ходимларига ойлик устама белгилаш, умумтаълим муассасалари ходимларини мукофотлаш ва уларга моддий ёрдам бериш, педагог ходимларнинг касб маҳорати ва малакасини оширишини рағбатлантиришни кучайтиришдан иборатдир.
Шунингдек, умумтаълим муассасаларининг ўрнак кўрсатган педагог, психолог ва кутубхона ходимларининг (улар умумий сонининг кўпи билан 50 фоизи) базавий тариф ставкасига ҳар ойлик устама белгилаш йўли билан уларни моддий рағбатлантиришни амалга оширади.
Халқ таълими тизимида амалга оширилаётган ислоҳотларнинг яна бир амалий ифодаси бўлган “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги Вазирлар Маҳкамасининг Қарори ва унга мувофиқ қабул қилинган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги Низом келгусида туманимизда фаолият кўрсатаётган умумий ўрта таълим муассасалари педагог ходимларини янада самарали меҳнат қилишга ундаши, шубҳасиз. Қаердаки кишининг меҳнати муносиб баҳоланса, бу келгусидаги ишларга рағбат беради, албатта.
Шу йил 14 октябрь куни туман халқ таълими бўлимида ушбу Қарор ва унга мувофиқ қабул қилинган Низом мазмун-моҳияти тарғиботига бағишланган семинар бўлиб ўтди.
Тадбирга туман Халқ таълими бўлими мудири ўринбосарлари, бўлим услубчилари, туманда фаолият кўрсатаётган умумий ўрта таълим муассасалари директорларининг ўқув ишлари бўйича ўринбосарлари қатнашдилар.
Семинарда туман Халқ таълими бўлими бош инспектор услубчиси Pавшан Холмуродов Ўзбекистон Pеспубликаси Вазирлар Маҳкамасининг 2019 йил 30 сентябрда қабул қилган “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги Қарори ва унга мувофиқ қабул қилинган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги Низомга мувофиқ амалга оширилиши лозим бўлган вазифалар тўғрисида маъруза қилди ва бу борадаги мазкур Низомда белгиланган тартиб-таомилларга кенг тўхталди.
Кун тартибидаги масала юзасидан семинар иштирокчиларининг ҳам фикрлари тингланди.
Семинар меҳнатда ўрнак кўрсатган педагог ходимларни рағбатлантиришни кучайтиришга ҳукуматимиз томонидан улкан эътибор қаратилаётганини, бу борадаги янги тартиб-таомилларни кенг тарғиб қилгани билан аҳамиятли бўлди.
О.PАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
