ФЕРМЕРЛАР ФАОЛИЯТИ ҚОНУН ҲИМОЯСИДА

Туманимизда ўз фаолиятини юритаётган 389 та фермер хўжаликлари мавжуд. Пахтачилик ва ғаллачиликка ихтисослашган фермер хўжаликлари  357 та, чорвачиликка ихтисослашган фермер хўжаликлари сони 13 та. Шунингдек, паррандачилик йўналишида 5 та, боғ ва узумчилик йўналишида 6 та, балиқчилик йўналишида 2 та ва сабзавотчиликка ихтисослашган 7 та фермер хўжаликлари мавжуд.

Кўп тармоқли фермер хўжаликларини ташкил этиш ва ривожлантириш, улар томонидан қишлоқ хўжалиги маҳсулотларини етиштириш, қайта ишлаш ҳажмларини кўпайтириш ва сервис хизматлари шохобчаларини ташкил этиш бўйича кўпгина чора-тадбирлар амалга ошириб келинмоқда.

2020 йилда Амударё туманида кўп тармоқли фермер хўжаликларини ривожлантириш бўйича қабул қилинган дастурга асосан жами 119 та лойиҳалар амалга оширилади. Жумладан, интенсив боғ бўйича 22 та, балиқчилик бўйича 7 та, қорамолчилик йўналишида 9 та, қўйчилик бўйича 18 та, эчкичилик бўйича 11 та, паррандачилик йўналишида 22 та, асаларичилик соҳасида 29 та лойиҳалар амалга оширилади. 1 та фермер хўжалиги томонидан мактабгача таълим муассасаси ташкил қилинади.

Бугунги кунга қадар кўп тармоқли фермер хўжаликларини ривожлантириш бўйича қабул қилинган Дастур 90 фоиздан ошириб бажарилди.

2020 йил ҳосили учун 332 та фермер хўжаликлари 3350 гектар ер майдонига ғалла  экиб, парваришлаб, 6465 тонна товардон учун, 838 тонна уруғлик учун, жами 7303 тонна ғалла топшириш режалаштирилган эди. Аслида жами 8845,7 тонна ғалла топширилди. Шундан товар дон учун ғалла режаси 123,8 фоизга, уруғлик дон режаси 100,4 фоизга бажарилди.

Туманда 2020 йилда 362 та фермер хўжаликлари томонидан 15250 гектар майдонда ғўза парвариш қилиниб, 35,6 минг тоннадан ортиқ пахта хом ашёси етиштирилди. Шунингдек, ҳар гектар пахта майдонида ўртача ҳосилдорлик 24 центнерни ташкил қилди.

Туманда 2020 йилда 332 та фермер хўжаликларининг 1803 гектар ер майдонига такрорий экинлар экилди. Шундан сабзавот 258 гектар, картошка 35 гектар, дуккакли экинлар 400 гектар, мойли экинлар 70 гектар, озуқа ем-хашаклар 140 гектар, шоли 900 гектар майдонга экилди ва жами 11 минг 983 тонна ҳосил олишга эришилди.

Туманда 2021 йил ҳосили учун 375 та фермер хўжаликлари 1224 гектар ер майдонларига тўқсонбости экинларини экишди ва жами 18243 тонна ҳосил олиш режалаштирилмоқда. Шундан 70 тоннаси экспортга йўналтирилади.

Туман бўйича 2021 йил ҳосили учун 13 минг гектар ер майдонида кузги шудгорлаш ишлари олиб борилди. Қўлга киритилаётган натижаларда  мамлакатимизда қишлоқ тадбиркорларига, ер эгаларига муносиб шароитлар яратилаётгани, уларнинг фаолиятини тартибга солувчи ҳуқуқий-меъёрий тизим яратилгани муҳим аҳамият касб этмоқда.

Илҳом ПОЛВОНОВ, туман Фермер, деҳқон хўжаликлари ва томорқа ер эгалари Кенгаши раиси.