Халқ таълими вазирлиги томонидан сайёр қабул ўтказилди
Жорий йилнинг 10 декабрь санасидан 2021 йил 8 январгача Қорақалпоғистон Республикаси Халқ таълими вазирлиги тизимида ҳам сайёр қабуллар кунларини ўтказиш режалаштирилган. Вазирлик томонидан ишлаб чиқилган режавий жадвалга мувофиқ Вазирлик ҳамда туман Халқ таълими бўлими масъуллари иштирокида сайёр қабул ўтказилди.
11 декабрь санасида туманимиздаги 55-сонли умумтаълим мактабида ўтказилган сайёр қабулда Қорақалпоғистон Республикаси Халқ таълими вазирлиги ҳузуридаги ўқув-методика Маркази директори ўринбосари Айбек Давлетбоев, туман Халқ таълими бўлими мудири Раҳматилла Матқурбонов, Халқ таълими бўлими бош ҳуқуқ-маслаҳатчиси Нилуфар Жуманиёзова, туман Аҳоли бандлигига кўмаклашиш маркази меҳнат нозири Баҳодир Казаков ҳамда шўъба раҳбарлари иштирок этдилар.
Сайёр қабул жараёнида туманимизнинг турли ҳудудларидаги умумтаълим мактаблари ўқитувчилари ўзлари меҳнат қилаётган таълим муассасалари фаолиятига доир муаммолар, юзасидан мурожаат қилдилар. Хусусан, Эргаш Ниятбоев тумандаги 65-сонли умумтаълим мактабида синфхоналари етишмаслиги, шу билан бирга мактаб биноси таъмирталаб аҳволдалиги, спорт зали йўқлиги учун қиш ойларида жисмоний тарбия фанини ўтишда қийинчиликлар юзага келиши, мактаб учун қўшимча бино ва спорт зали қуриш зарурлиги ҳақида ўз таклифини билдирди.
Шунингдек, 78-сонли мактабдан Фарҳод Авезов, 27-сонли мактабдан Шуҳрат Сапарбоевлар ҳам таълим-тарбия жараёнини ривожлантиришга тўсқинлик қилаётган муаммолар юзасидан ўз таклифларини ўртага ташладилар.
Туманимиздаги 14-сонли умумтаълим мактаби биноси 1970 йилда қурилган бўлиб, айни пайтда мактабнинг микроҳудуди анча кенгайиб, ўқувчилар сони кескин ошган. Натижада мазкур мактаб бугунги талаблар даражасига жавоб бермайди. Синфхоналар етишмайди, спорт зали, ошхона, кимё, физика фанлари хоналари ва лаборатория учун қўшимча бино зарур. Бу ҳақдаги Есенбой Ешимбетовнинг мурожаати масъуллари эътиборига ҳавола этилди.
Сайёр қабул иштирокчиларидан 55-сонли мактабнинг тарих фани ўқитувчиси Баҳодир Пирниязов Ўзбекистон ва Қорақалпоғистон тарихи, дунё динлари тарихи фанлари бўйича дарс юкламаларини ярим соатдан 1 соатга етказиш, Баҳодир Ўтабоев география фани бўйича фанлар олимпиадасини 10-11-синф ўқувчилари ўртасида ҳам ўтказиш, Ҳусниддин Сапарбоев 28-сонли мактаб биносини жорий таъмирлаш бўйича таклифларини билдиришди.
Шунингдек, Хуршида Ўтамуродова, Исматулла Қурбонбоев, Фозилбек Исмоиловларнинг ўз касбий фаолиятлари бўйича шахсий мурожаатлари ҳам қабул қилиниб, барча билдирилган таклифлар ва мурожаатларга масъуллар томонидан атрофлича тушунтиришлар ҳамда тавсиялар берилди. Шу билан бирга, сайёр қабул жараёнида мурожаатлар ва таклифлар онлайн равишда туман Халқ таълими бўлимининг мутахассиси томонидан Қорақалпоғистон Республикаси Халқ таълими вазирлигининг интернетдаги манзилига жойлаштириб борилди. Келгусида ушбу таклиф ва мурожаатлар вазирлик масъуллари томонидан жойларга чиқиб ўрганилиши ҳамда зарур чора-тадбирлар ишлаб чиқилиши қайд этилди.
Бўлиб ўтган сайёр қабул таълим-тарбия тизимини замон талаблари даражасида ривожлантириш, соҳага доир муаммоларни тизимли ҳал этишда муҳим аҳамият касб этади.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
