«Ўзбекистон Республикаси мустақиллигининг 30 йиллиги» эсдалик нишони ўз эгаларига топширилди
Айни кунларда Янги Ўзбекистон тарихидаги буюк ва шонли сана – Ватанимиз мустақиллигининг ўттиз йиллик байрамини халқимиз катта шод-у хуррамлик билан нишонламоқда.
Улуғ айём арафасида мамлакатимизни ҳар томонлама тараққий эттириш, унинг жаҳон миқёсидаги шон-шуҳратини оширишга катта ҳисса қўшаётган, давлатимиз иқтисодиёти ва аҳоли фаровонлигини юксалтиришда ибрат ва намуна бўлиб келаётган, жамиятимизда тинчлик ва барқарорликни, миллатлараро тотувлик ва бағрикенгликни таъминлаш, ёш авлодни соғлом ва баркамол инсонлар этиб вояга этказиш, уларни ватанпарварлик, миллий ва умуминсоний қадриятларга ҳурмат руҳида тарбиялашда алоҳида фидойилик кўрсатаётган юртдошларимизнинг меҳнатларини муносиб рағбатлантиришга алоҳида эътибор қаратилмоқда.
Шу мақсадда имзоланган Ўзбекистон Республикаси Президентининг «Ўзбекистон Республикаси мустақиллигининг 30 йиллиги» эсдалик нишони билан мукофотлаш тўғрисида”ги фармонига асосан мамлакат тараққиёти йўлида турли соҳаларида фидокорона меҳнат қилаётган ҳамюртларимиз муносиб рағбатлантирилдилар.
28 август куни Амударё туман ҳокимлигининг мажлислар залида Мустақиллигимизнинг 30 йиллиги байрами тадбири одидан туманимизда турли соҳаларда самарали фаолият юритаётган 100 нафардан ортиқ юртдошларимизга «Ўзбекистон Республикаси мустақиллигининг 30 йиллиги» эсдалик нишони Ўзбекистон Республикаси Президенти номидан тантанали равишда топширилди.
Маросимда туман ҳокими Султонбой Йўлдашев масъулият ва шижоат билан халққа хизмат қилаётган инсонларнинг эл-юрт олдидаги хизматларини эътироф этиш ва муносиб тақдирлаш ватандошларимиз, айниқса, ёшларимизни юксак марралар сари руҳлантириш, улар қалбида Ватанга муҳаббат ва садоқат туйғуларини кучайтиришда муҳим аҳамият касб этишини таъкидлади.
Шунингдек, мамлакатимизда янги демократик давлат, фуқаролик жамияти барпо этиш йўлида ўтган даврда амалга оширилган улкан ишлар, эришилган юксак натижаларда, ҳеч шубҳасиз, ҳаётимизнинг турли соҳа ва тармоқларида фидокорона меҳнат қилаётган юртдошларимизнинг беқиёс ҳиссаси борлигини алоҳида қайд этди.
Таъкидлаш керакки, бугунги кунда туманимизнинг ҳар томонлама ривожланиши йўлида турли соҳаларда самарали меҳнат қилиб, элимиз равнақига салмоқли ҳисса қўшган, ҳалол меҳнатлари билан халқимиз назарига тушган, фидойи ва жонкуяр юртдошларимиз талайгина.
Ана шундай фидойи, жонкуяр, меҳнатсевар бир гуруҳ ҳамюртларимизга «Ўзбекистон Республикаси мустақиллигининг 30 йиллиги» эсдалик нишони туман ҳокими Султонбой Йўлдашев томонидан Ўзбекистон Республикаси Президенти номидан тантанали равишда топширилди.
Туман ҳокими Султонбой Йўлдашев тантанали маросимда ушбу мукофотга муносиб деб топилган ҳамюртларимизни, улар орқали бутун меҳнат жамоаларини, оила аъзоларини мукофот ҳамда Ўзбекистон Республикаси давлат мустақиллигининг ўттиз йиллик байрами билан самимий табриклади ҳамда келгусида Ватан равнақи йўлидаги ишларида муваффақият тилади.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
