МИНИ ФУТБОЛ БЎЙИЧА СЕКТОРЛАР КЕСИМИДА ҒОЛИБ ЖАМОАЛАР АНИҚ БЎЛДИ
Бугунги кунда мамлакатимизда аҳоли орасида спортни янада оммалаштиришга қаратилган давлат сиёсати ҳаётга изчил тарзда татбиқ этилмоқда.
Мамлакатимизнинг барча ҳудудларидаги қишлоқ ва маҳаллаларда истиқомат қилувчи ёшлар ва ўсмирлар орасида соғлом турмуш тарзини шакллантириш, бўш вақтларини мақсадли ва мазмунли ўтказишларига эришиш, уларга ўз иқтидорларини намойиш этишларига шароит яратиш мақсадида Ўзбекистон Республикаси Давлат хавфсизлик хизмати Раиси кубоги учун футбол ва мини футбол мусобақаларини ўтказиш анъанага айланиб бормоқда.
Жорий йилда ушбу мусобақага апрель ойининг бошида старт берилиб, овул ва маҳаллалар футбол, мини футбол жамолари ўзаро беллашувга чиқдилар.
Ушбу нуфузли мусобақанинг очилиш маросими туманимизда 5 апрель куни Манғит шаҳрининг Чордара маҳалласидаги сунъий қопламали мини футбол майдончасида бўлиб ўтган эди. Унда туман ҳокими Султонбой Йўлдашев, секторлар раҳбарлари, Давлат хавфсизлик хизмати туман бўлими бошлиғи Султанмурат Жолымбетов ва бошқада масъуллар, овул ва маҳаллалар ёшлари иштирок этишиб, туманимиз раҳбари мини футбол билан шуғулланувчи ёшларга ушбу нуфузли мусобақада муваффақиятлар тилаган эди.
Ўтган кунлар мобайнида мусобақалар барча секторлар ҳудудларидаги овул, маҳалла, шаҳарчалар кесимида ўтказилиб, ғолиблар аниқланди.
Мусобақалар 7 апрель куни Янгиобод маҳалласи ва Олмозор маҳалласи ҳудудидаги сунъий қопламали мини футбол майдонларида давом этирилди. Жумладан, Олмазор маҳалласи ҳудудидаги сунъий қопламали мини футбол майдончасида туманимиздаги 1-секторга қарашли маҳаллалар ўртасида мусобақалар ўтказилди. Мусобақаларга жами 120 нафар спортчи ёшлар қамраб олинди. Мусобақа якунида Назархон овули жамоаси 1-ўринни эгаллади ва кейинги босқичга йўлланмани қўлга киритди.
Шу куни Янгиобод маҳалласи ҳудудида жойлашган Нукус давлат педагогика институти қошидаги математика фанига ихсослашган мактабнинг сунъий қопламали мини футбол майдонида 2-секторга қарашли маҳаллалар ўртасида мини футбол мусобақаси ўтказилди. Мусобақада жами 170 нафар ёшлар иштирок этди. Мусобақа якунида Фаровон маҳалласи жамоси 1-ўринни эгаллади ва кейинги босқичга йўлланмани қўлга киритди.
8 апрель куни Дўстлик маҳалласи ҳудудидаги мини футбол майдончасида 3-секторга қарашли маҳаллалар жамоалари ўртасида мусобақалар давом эттирилди. Мусобақаларга жами 120 нафар ёшлар қамраб олинди. Натижаларга кўра, Куюк кўпир овули жамоаси кейинги босқичга йўлланмани қўлга киритди.
Шунингдек, 8 апрель куни Янгиобод маҳалласи ҳудудида жойлашган Нукус давлат педагогика институти қошидаги математика фанига ихсослашган мактабнинг сунъий қопламали мини футбол майдонида 4-секторга қарашли маҳаллалар ўртасида мини футбол мусобақаси ўтказилиб унда жами 80 нафар ёшлар ўзаро куч синашдилар. Мусобақа якунида Бўстон маҳалласи жамоаси 1-ўринни эгаллаб, кейинги босқичда қатнашиш ҳуқуқини қўлга киритди.
Эндиликда секторлар кесимида ғолиб бўлган 4 та жамоа Ўзбекистон Республикаси Давлат хавфсизлик хизмати Раиси кубоги учун ўтказилаётган мусобақаларнинг туман босқичи ғолиблиги учун ўзаро куч синашади.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
