Тадбиркорларнинг ҳуқуқларини ҳимоя қилиш бўйича вакил иштирокида сайёр қабул ўтказилди
Мамлакатимизда бизнесни янада қўллаб-қуватлаш, тадбиркорлик субъектлари фаолиятини ривожлантиришга алоҳида эътибор қаратилиб, соҳага берилаётган эътибор ва яратилаётган шароитлар сабабли уларнинг фаолиятига аралашишлар кескин камайтирилди.
Бу борада тадбиркорлик субъектларининг ҳуқуқлари ва қонунуий манфаатларини ҳимоя қилиш, жумладан бюрократик тўсиқларни бартараф этиш, уларнинг муаммоларини аниқлаш ва бартараф этишнинг тезкор чораларини кўриш, ноқонуний текширишларни олдини олиш мақсадида Бизнес-омбудсман институти самарали фаолият юритмоқда.
Маълумот учун айтиб ўтиш керакки, Бизнес-омбудсман ўз фаолиятида давлат органлари, шу жумладан ҳуқуқни муҳофаза қилувчи ва назорат идоралари томонидан тадбиркорлик субъектларининг ҳуқуқлари ва қонуний манфаатларига риоя этилиши юзасидан назоратни амалга оширади. Тадбиркорлик субъектларининг фаолияти текширилаётганда уларни ҳуқуқий қўллаб-қувватлаш, тадбиркорлик фаолияти эркинлигининг кафолатлари тўғрисидаги қонун ҳужжатлари нормалари ва талабларининг амалда рўёбга чиқарилаётганлигини ўрганади.
29 апрель куни тадбиркорларнинг муаммо ва таклифларини тинглаш, тадбиркорлар фаолияти билан яқиндан танишиш мақсадида Амударё туманига Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳамоя қилиш бўйича вакили Касимов Дилмурод Султанмуратович ташриф буюрди ҳамда туманда фаолият юритаётган тадбиркорлар учун сайёр қабул ўтказди.
Унда Қорақалпоғистон Республикаси Вазирлар Кенгаши Раисининг ўринбосари Нуруллан Ерлепесов туман ҳокими Султонбой Йўлдашев, секторлар раҳбарлари, туманда фаолият юритаётган тадбиркорлар, ҳоким ёрдамчилари, ёшлар етакчилари ҳамда мутасадди ташкилотлар вакиллари иштирок этишди.
Қабул давомида “MANGIT INVEST PLYUS”, “Амударё томорқа хизмати”, “Dilnura Elmira Kitchen”, Нукус логистика “Манғит ўрта қала чорвадори” “Амударё Махсус Қурилиш” масъулияти чекланган жамиятлари ва бошқа турли тадбиркорлик субъектларидан ҳамда жисмоний шахслардан жами 16 та мурожаат келиб тушди.
Мурожаатлар тегишли соҳа вакиллари билан муҳокама қилинди. Ҳамда тез орада ҳал қилинишига келишиб олинди.
Қабул давомида назорат қилувчи органлар масъул ходимлари томонидан қонун ҳужжатларига қатъий риоя этиш, шунингдек, давлат хизматлари кўрсатувчи идоралар томонидан белгиланган талаблар даражасида иш олиб борилиши қонунийликни таъминлашга, тадбиркорларнинг давлат органларига нисбатан ишончи ортиши ва ўз навбатида иқтисодиётдаги улушининг янада кўпайишига хизмат қилиши эътироф этилди.
Сайёр қабул якунида тадбиркорларнинг фикр-мулоҳазалари тингланиб, уларнинг таклифлари асосида келгусида тадбиркорликни янада ривожлантириш учун амалга оширилиши лозим бўлган ташкилий ва ҳуқуқий масалалар белгилаб олинди.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
