Фермерларга ғалла етиштириш ва сотишда бозор тамойиллари жорий этилганининг афзалликлари тушунтирилмоқда
Ўзбекистон Республикаси Президенти Шавкат Мирзиёев, 2022 йил 11 май куни ғаллачилик соҳасидаги ислоҳотларнинг муҳим босқичига бағишлаб ўтказган йиғилишида, ҳосилдорликни юқори даражага олиб чиқиш ва шу орқали бозорда сотиладиган дон ҳажмини кўпайтириш ҳамда нарх-наво барқарорлигини таъминлашнинг ягона тўғри йўли бозор нархларига ўтиш эканлигини таъкидлаб ўтган эдилар.
Юқорида кўрсатилган салбий ҳолатларининг олдини олиш ва ижтимоий ҳимояга муҳтож аҳолини манзилли қўллаб-қувватлаш ҳамда республикада дон етиштириш ҳажмларини сезиларли даражада ошириш мақсадида жорий йилнинг 28 май куни фермер хўжаликлари ва ғаллачилик кластерларининг моддий манфаатдорлигини ошириш ҳамда соҳанинг инвестициявий жозибадорлигини ошириш мақсадида Ўзбекистон Республикаси Президентининг “Ғаллани етиштириш ва сотишда бозор тамойилини жорий этишнинг қўшимча чора-тадбирлари тўғрисида”ги қарори қабул қилинди.
Ушбу қарорнинг мазмун-моҳиятини фермерларга тушунтириш ва тарғиб қилиш мақсадида 3 июнь куни туман ҳокимлигининг мажлислар залида йиғилиш бўлиб ўтди.
Йиғилиш Қорақалпоғистон Республикаси савдо-саноат палатаси бошлиғи Ажиниёз Сийтахов бошчилигида ўтказилди.
Йиғилишда қайд этилганидек, қарор қабул қилинишидан асосий мақсад, биринчи навбатда ғалла етиштирувчиларнинг, шу жумладан, фермер хўжаликларининг моддий манфаатдорлигини ошириш ва шу асосда ғалла ҳосилдорлиги ва ялпи ҳосил етиштириш ҳажмларини кескин оширишга замин яратишдир.
Бу ўз навбатида ички бозорни буғдой ва ун маҳсулотлари билан узлуксиз таъминлашга замин яратади ҳамда соҳанинг инвестициявий жозибадорлигини оширади.
Шунингдек, Олис, бориш қийин бўлган ва тоғли ҳудудларга ун ва ун маҳсулотларини етказиб бериш бўйича транспорт харажатларининг 50 фоизигача қисми қоплаб берилади. Қарорга кўра, донни қабул қилиш ва омборлардан чиқариш жараёни тезкор ва шаффоф амалга оширилишини таъминлаш мақсадида d-xarid.uz ахборот тизими ишга туширилади.
Йиғилишда сўзга чиққанлар ғаллачиликда бозор механизмларини жорий этишдан кўзланган асосий мақсад буғдой учун нархларнинг барқарорлигини таъминлашдан иборат эканлиги, бунга эса фермер ва кластерлар ғалласини биржа савдоларига олиб чиқиш орқали уларнинг шахсий манфаатдорлигини ошириш ва улар етиштираётган ғалла ҳосилдорлигини кўтариш орқали эришиш мумкинлиги таъкидладилар.
Йиғилиш давомида фермерлар ўзларини қизиқтирган саволлар билан мурожаат қилиб тегишлича жавоблар олдилар.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
