“Ҳуқуқбузарликларни олдини олишда профилактика инспекторининг миллий гвардия органлари билан ҳамкорлиги”
Профилактика инспекторларининг Миллий Гвардия органлари билан ҳамкорликдаги фаолиятини самарадорлигини янада ошириш кўп жиҳатдан таҳлил этилаётган соҳанинг ҳуқуқий, ташкилий-тактик ва моддий-техник таъминотигаоид асосларига бевосита боғлиқ. Бизнингча, ушбу соҳада амалиётда учраётган мазкур иккита йўналишдаги муаммо ва камчиликларни ҳал этиш фаолият самарадорлигини оширишга ўзининг ижобий таъсирини кўрсатади.
Профилактика инспекторларининг Миллий Гвардия органлари билан ҳамкорликдаги фаолиятини ҳуқуқий тартибга солишга доир муаммоларнинг ечими соҳани такомиллаштириш борасидаги энг муҳим масалалардан бири ҳисобланади.
Ўрганиш ва таҳлиллар шуни кўрсатадики, бугунги кунда профилактика инспекторларининг Миллий Гвардия органлари билан ҳамкорликдаги фаолиятининг ҳуқуқий асослари ҳисобланган қонунлар ушбу соҳани бевосита тартибга солишга хизмат қилмасдан, балки бу борадаги айрим ижтимоий-ҳуқуқий муносабатларни тартибга солиш билан чекланмоқда. Ўзбекистон Республикаси Президентининг фармон ва қарорлари, Вазирлар Маҳкамасининг қарорларида эса мазкур фаолиятнинг умумий қоидалари, асосий йўналишлари ва устувор вазифалари ҳамда субъектларнинг ҳуқуқий ҳолати белгиланган. Профилактика инспекторларининг Миллий Гвардия органлари билан ҳамкорлигини таъминлашга доир ички ишлар органлари фаолиятининг механизми эса Ўзбекистон Республикаси ИИВнинг идоравий меъёрий-ҳуқуқий ҳужжатлари билан белгиланган.
Фаолиятнинг такомиллашуви у амал қиладиган муҳитдаги қонунчиликнинг такомиллашув даражаси билан узвий боғлиқлигини инобатга олган ҳолда, профилактика инспекторларининг Миллий Гвардия органлари билан ҳамкорликдаги фаолиятининг ҳуқуқий асосларини такомиллаштириш, хусусан ҳозирги кунда соҳани тартибга солаётган қонуности норматив-ҳуқуқий ҳужжатлари ўрнига мукаммал қонунларни яратиш мақсадга мувофиқдир.
Профилактика инспекторларининг Миллий Гвардия органлари билан ҳамкорликдаги фаолиятининг ташкилий-тактик асосларига оид муаммоларни ўрганиш, таҳлил қилиш ва такомиллаштириш бўйича тавсиялар ишлаб чиқиш, соҳанинг ташкилий-тактик бошқарув фаолиятига замонавий ахборот-коммуникация технологияларини кенг жорий этиш, фаолиятни самарали ташкил этишнинг зарурий шарти ҳисобланади. Хусусан, бу борда ҳар бир ҳудуднинг ўзига хос хусусиятларини, жумладан, жўғрофий жойлашуви, аҳолиси, ижтимоий-иқтисодий ривожланиши, маданий, давлат аҳамиятига эга ва бошқа хизмат кўрсатиш объектларининг мавжудлиги, жиноятчиликнинг кўрсаткичлари, содир этиш шакл ва усулларини инобатга олган ҳолда, профилактика инспекторларининг Миллий Гвардия органлари билан ҳамкорлигини ташкил этиш бўйича ҳар бир ҳудуднинг ўз моделини яратиш ва уни зарурий компьютер-таҳлил дастурий тизимлар билан таъминланиши, жамоат тартибини сақлаш ва хавфсизлигини таъминлашнинг куч ва воситаларини самарали тақсимлаш, уларни манёвр қилиш, хусусан қўшимча патруллик кучлари талаб қилинадиган жойларни аниқлашда жиноят ва ҳуқуқбузарликларни олдиндан башорат қилиш имкониятини беради. Бинобарин, рус ҳуқуқшунос олими А. Федченко таъкидлаганидек, АҚШ ва Европанинг кўплаб мамлакатларида бундай жараёнлар нафақат бўлинмалар, балки тизим миқёсида максимал даражада компьютерлаштирилган. Ушбу компьютерлаштирилган тизим фаолиятни, айниқса, йирик шаҳарларда, самарали иш олиб боришнинг зарурий шарти ҳисобланади, чунки бу – хизмат кўрсатиш жой хусусиятини, ҳуқуқбузарликларнинг интенсивлигини талаб даражасида аниқлаш, кучлар ва воситалардан самарали фойдаланиш имконини беради.
Юқоридаги фикр ва мулоҳазаларга асосланган ҳолда шундай хулосага келиш мумкин: энг аввало, профилактика инспекторларининг Миллий Гвардия органлари билан ҳамкорликдаги фаолиятида амалга оширилган ислоҳотлар, жамиятдатинчлик ва осойишталикни самарали таъминлаш, фуқароларнинг ҳуқуқ ва эркинликларини ҳимоя қилиш, қолаверса давлат бошқаруви соҳасида ички ишлар органларининг роли ва мавқеининг юксалишига, фуқароларимизнинг тизимга нисбатан ишончи ва ҳурмати ошишига хизмат қилди; кейинги ўриндаёшларимизни маънавий таҳдидлардан асраш, уларнинг турли ёт ғоялар, диний ва мафкуравий ақидалар таъсирига берилишини олдини олиш, жамиятда зўравонлик ва радикал қарашларнинг тарқалишига чек қўйиш орқали мамлакатда ички хавфсизликни кафолатлаш муаммолари тобора муҳим аҳамият касб этаётган ҳозирги мураккаб шароитда бу борадаги ислоҳотларни изчил давом эттириш талаб этилади; ва ниҳоятаҳоли турар жойларида профилактика инспекторларининг Миллий Гвардия органлари билан ҳамкорлигини ташкил этиш соҳасида дунёнинг ҳар бир давлатида, айниқса ривожланган мамлакатларда ўзига хос тажриба шаклланган бўлиб, уларнинг илғор ютуқлари, иш усуллари ва шаклларини ўрганиш асосида, миллий қонунчилигимиз ва уни қўллаш амалиётига жорий этиб бориш ички ишлар органларининг ҳуқуқбузарликлар профилактикаси фаолиятини самарали ташкил этиш ҳамда уларни бошқаришни такомиллаштиришга хизмат қилади.
Жумабаев.Э.А.
ИИВ Академияси 3-ўқув курси 309-гурух курсанти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
