“УМИД НИҲОЛЛАРИ-2022” СПОРТ МУСОБАҚАСИНИНГ ҚОРАҚАЛПОҒИСТОН БОСҚИЧИДА АМУДАРЁЛИК СПОРТЧИЛАР ЖАМОАСИ 2-ЎРИН СОҲИБИ БЎЛИШДИ

“Умид ниҳоллари-2022” спорт мусобақасининг Қорақалпоғистон Республикаси финал босқичи бўлиб ўтди. Унда ёш спортчилар футбол, баскетбол, гандбол, волейбол, бадминтон, енгил атлетика, стол теннис, шахмат, кураш, спорт гимнастика, бадиий гимнастика каби 11 та спорт тури бўйича ғолиблик учун куч синашишди.

2022 йил 13-15-апрель кунлари Нукус шаҳрида  бўлиб ўтган мазкур мусобақаларда барча туманлардан келган спортчилар қатори амударёликлар ҳам фаол иштирок этиб, ғолиблик шоҳсупасини эгаллашга интилишди.

Спортнинг баскетбол тури бўйича – ўсмирлар ўртасида 33-,52-сонли мактабларнинг терма жамоаси ўсмирлар ўртасида фахрли I-ўринни, қизлар ўртасида 19-,32-,53-сонли мактабларнинг терма жамоаси фахрли III-ўринни, гандбол бўйича – қизлар ўртасида 41-сонли мактаб жамоаси фахрли II-ўринни, спорт гимнастика тури бўйича – 20-сонли мактаб ўқувчилари Дилнура Давлатбоева ва Барчиной Бахтияровалар фахрли III-ўринни эгаллашди.

Енгил атлектика бўйича 100 метрга югуришдан – ўсмирлар ўртасида 1-мактаб ўқувчиси Сардор Раҳимов фахрли I-ўринни, 200 метрга югуришдан – қизлар ўртасида – 19-мактаб ўқувчиси Гулбону Ўринбоева фахрли II-ўринни, 400 метрга югуришдан – қизлар ўртасида 19-сонли мактаб ўқувчиси Гулбону Ўринбоева фахрли III-ўринни, 800 метрга югуришдан қизлар ўртасида – 35-сонли мактабдан Динора Матякубова фахрли II-ўринни, узунликка сакраш бўйича қизлар ўртасида – 50-сонли мактабдан Дилфуза Матмуродова фахрли II-ўринни,  4х100 эстафета бўйича – 35-сонли мактаб ўқувчиси Зебо Давлатбоева, 19-сонли мактаб ўқувчиси Гулбону Ўринбоева, 50-сонли мактаб ўқувчиси Дилфуза Матмуродова, 25-сонли мактабдан Тилло Шомуродовалар фахрли II-ўринни қўлга киритишга муваффақ бўлишди.

Шунингдек, спортнинг кураш тури бўйича 7-8-синф ўқувчилар ўртасида 38 кг. вазн тоифасида 31-сонли мактабдан Халил Озодов фахрли III-ўринни, 42 кг. вазн тоифасида 75-сонли мактабдан Комрон Алланиёзов фахрли III-ўринни,  9-11-синф ўқувчилар ўртасида эса 50 кг. вазн тоифасида 64-сонли мактаб ўқувчиси Ботир Саъдуллаев фахрли III-ўринни, 65 кг. вазн тоифасида 29-сонли мактаб ўқувчиси Жавоҳир Худойберганов фахрли I-ўринни, +70 кг. вазн тоифасида ҳам 29-мактаб ўқувчиси Самандар Жўллибоев фахрли III-ўринни эгалладилар ва умумжамоа ҳисобида V-ўриндан жой олишди.

Ундан ташқари, спортнинг шахмат тури бўйича 13 ёшгача бўлган қизлар ўртасида 69-сонли мактаб ўқувчиси Холида Отажонова фахрли III-ўринни, 15 ёшгача бўлган қизлар ўртасида 56-сонли мактаб ўқувчиси Умида Тўлибоева фахрли II-ўринни, 17 ёшгача бўлган ўсмирлар ўртасида 46-сонли мактаб ўқувчиси Азизбек Ражабовлар фахрли II-ўринни эгалладилар.

“Умид ниҳоллари-2022” спорт мусобақасининг Қорақалпоғистон финал босқичида Амударё тумани спортчи-ёшлари 14 та олтин, 21 та кумуш ва 20 та бронза медаль, жами 55 та медал билан умумжамоа ҳисобида фахрли II-ўрин ғолиблари бўлишди.

Маълумот учун: “Умид ниҳоллари-2018” спорт мусобақасида амударёлик ёш спортчилар 3-ўринни эгаллаган эди. Пандемия сабабли жорий йилда бўлиб ўтган “Умид ниҳоллари-2022” мусобақасида эса умумий ҳисобда 2-ўрин ғолиблигини қўлга киритишди.

Мусобақада ғолиб ва совриндор бўлган ҳар бир I-ўрин ғолиби ноутбук, II-ўрин ғолиби телевизор, III-ўрин ғолиби велосопед, ҳар бир иштирок этган ўқувчи спорт кийимлар тўплами билан тақдирландилар. Ушбу мусобақада совриндор бўлган ўқувчиларга таълим бераётган 7 нафар жисмоний тарбия фани ўқитувчиларига ҳам спорт кийимлар тўплами ва спорт сумкаси берилди.

Н.Абдуллаев, Ўзбекистон “Ёшлик” ЖТСЖнинг туман ҳудудий бўлинмаси раиси ўринбосари.