ИЛҒОР ЎҚУВЧИЛАРИМИЗ БИЛАН ФАХРЛАНАМИЗ
Мактабларимизда эртанги кунимизнинг ворислари таълим-тарбия олмоқдалар. Уларни юксак маънавиятли, чуқур билимли, ватанпарвар, кенг мушоҳадали, келажаги буюк давлатни барпо этиш йўлида ижодкор ва фаол қилиб тарбиялаш бугунги куннинг энг долзарб вазифаларидандир.
Бизнинг 73-сонли мактабимизда ҳам ўқувчиларнинг нутқий, ақлий саводхонликларини ошириш мақсадида иншолар танлови, китобхонлар танлови каби ижодий, мустақил ишлар ўтказилиб келинмоқда. Мактабимизнинг 11-синф ўқувчиси К.Гулимматова, 10-синф ўқувчиси С.Собирова, 9-синф ўқувчиси С.Искандарова, М.Ўрозметова каби ижодкор қизларимиз турли иншолар танловларида қатнашиб, муносиб ўринларни эгалладилар.
Туманимизда фаолият юритаётган “Жайхун илҳомлари” нодавлат нотижорат ташкилоти томонидан эълон қилинаётган иншолар танловларида ҳам ўқувчиларимиз фаол иштирок этиб, совриндор бўлишди.
Яқинда туман Маънавият ва маърифат маркази томонидан эълон қилинган “Менинг қишлоғим” мавзусидаги иншолар танловида қатнашган мактабимиз ўқувчиси К.Гулимматова фахрли 1-ўринни эгаллади.
Мен мактабда уч йилдан буён ижодкор ўқувчилар билан биргаликда ишлаб келмоқдаман. Улар билан суҳбатлашаман, фикрдош бўламан. Ўқувчиларга мустақил ишлаш жараёнида амалий кўмак бериш ҳамда таълим самарадорлигини ошириш мақсадида уларнинг ижодий ишларидан намуналар тўплаб бораман.
Ўқувчи қанчалик кўп ўқиса, имло қоидаларидан шунчалик кўп хабардор бўлади, чунки сўзларнинг, жумлаларнинг қай тартибда ёзилиши хотирасида сақланиб қолади. Бу саъй-ҳаракатларнинг барчаси иншони бехато ёзишда ёрдам беради. Бугина эмас, ижодий фикрлаш жараёнида ҳам ўқувчига энг яхши мактаб, албатта, унинг ўқиган бадиий асарлари бўлади.
Мактабимиз жамоаси ҳақли равишда бундай фаол ўқувчилари билан фахрланади.
Шаҳида ТОЖИБОЕВА,
73-сонли мактабнинг ижодий-маданий масалалар бўйича тарғиботчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
