ҚАНГЛИ ОВУЛИДА ЧЕГАРАСИЗ ШИФОКОРЛАР ТАШКИЛОТИ ХОДИМЛАРИ ИШТИРОКИДА ЧЕКИШНИНГ ЗАРАРИ ХУСУСИДА ТАДБИР ЎТКАЗИЛДИ
Тамаки чекиш – жамики зарарли одатлар ичида энг кўп тарқалган одатдир. Инсоннинг замонавий ҳаёт тарзида кашандалик кўпгина сурункали касалликларни келтириб чиқарувчи иш қобилиятини пасайтирувчи, ногиронлик ва ўлимнинг ёшариб бораётганлигига сабаб бўлувчи хавфли омилларнинг асосийларидан бири бўлиб бормоқда. Бугунжаҳон Соғлиқни сақлаш ташкилотининг баённомаларига асосан, жаҳонда бир йил давомида 5 млн.дан ортиқ киши тамаки чекиш билан боғлиқ бўлган касалликлар туфайли ҳаётдан кўз юмади. Чекувчининг умри чекмайдиганларга қараганда, кунига 1 дона сигарет чекканида ҳам ўртага 5-8 йилга қисқаришини олимлар исботлашган. Суткасига 2 пачка сигарет чекувчи кашандаларда умрининг қисқариши 10 йилдан зиёдни ташкил этади. Айниқса, нафас олиш, юрак-қон томир тизимлари ва саратон касаллигининг келиб чиқишига сабаб бўлади.
Бу каби инсоният соғлигига хавф туғдирувчи касалликларнинг келиб чиқишининг олдини олиш мақсадида Жаҳон Соғлиқни сақлаш ташкилоти ташаббуси билан 1988 йилдан эътиборан 31 май – “Бутунжаҳон чекишга қарши курашиш куни” сифатида дунё миқёсида кенг нишонланиб келинади.
Ҳар йили Амударё тумани Тиббиёт бирлашмаси ҳузуридаги Аҳолининг соғлом турмуш тарзини қўллаб-қувватлаш ва жисмоний фаоллигини ошириш бўлими томонидан жамоат ва давлат ташкилотлари билан ҳамкорликда “Бутунжаҳон чекишга қарши курашиш куни” муносабати билан аҳоли кенг қатламлари орасида тарғибот-ташвиқот тадбирлари ўтказилади. Ана шундай тадбирлардан бири жорий йилнинг 31 май куни Қангли овулида ҳам бўлиб ўтди.
Тадбирда Аҳоли соғлом турмуш тарзини қўллаб-қувватлаш ва жисмоний фаоллигини ошириш бўлими мутахассислари Матёқуб Эрназаров, Тамара Саидова, фтизиатрия бўлими мудири Гулора Абдуллаева, ТТБ ОИВ/ОИТС лабораторияси шифокори Х.Эрматовалар чекишнинг зарарли оқибатлари, бу зарарли одатдан воз кечишнинг самарали усуллари ҳақида зарур тушунча ва тавсиялар бердилар.
Тадбир давомида айни пайтда туманимизда бўлиб турган Чегарасиз шифокорлар ташкилоти шифокори Покистон Республикасидан келган Жаноб Доктор Ҳусайн ҳамда мазкур ташкилот ходими П.Пермановлар Қангли овули аҳолиси билан чекишни ташлашнинг инсон соғлиги учун фойдалари, соғлом турмуш тарзи умуммиллий дастури, сил, ОИВ/ОИТС касалликлари профилактикаси тўғрисида очиқ ва самимий суҳбат ўтказиб, уларни қизиқтирган саволлар юзасидан кенг тушунча ва тавсиялар бердилар.
Шунингдек, жаноб Доктор Ҳусайн чекишга қарши курашишнинг глобал мақсади ҳозирги ва келгуси авлодни тамакининг нафақат соғлик учун салбий жиҳатларидан, балки ижтимоий, экологик ва иқтисодий талофатларнинг вайронкор оқибатларидан ҳимоя қилишга қаратилгани, миллионлаб гектар ерда тамаки плантанцияларини яратиш учун ўрмонлар кесилиб, дунё экотизимига зарар етаётганини таъкидлади ва барчани бу зарарли одатга қарши жипслашиб курашишга чақирди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
