ТУМАН ҲОКИМЛИГИДА ФУҚАРОЛАР МУРОЖААТИ БИЛАН ИШЛАШ МАСАЛАСИДА БРИФИНГ ЎТКАЗИЛДИ

Туманда аҳоли муаммоларини ўз вақтида ҳал этилишини таъминлаш мақсадида овул ва маҳалла фуқаролар йиғинларида сайёр қабуллар ҳамда  ҳафтанинг ҳар жума куни ҳоким шахсий қабули ташкил этиб келинмоқда.

Жумладан, жорий йил бошидан шу кунга қадар туман ҳокими раҳбарлигида 7 марта фуқаролар қабули ташкил этилган бўлиб, ушбу қабулларда 564 нафар фуқаролар 642 масалада мурожаат қилишди.

Қабул якуни бўйича тегишли баённомалар расмийлартириб ижрочи ташкилотларга, шу жумладан маҳалалардаги ҳоким ёрдамчиларига шу куннинг ўзида етказиб берилмоқда. Ҳар ҳафтада қабулга келган фуқаролар мурожаатлари ижроси аппарат йиғилишида танқидий муҳокама қилиб борилмоқда.

Туман ҳокимлигига жорий йил бошидан шу кунга қадар:

- Президент виртуал қабулхонаси орқали 230 та

- Жўқорғи Кенгеснинг “Халқ мурожаати” портали орқали 14 та

- Қорақалпоғистон Республикаси Вазирлар Кенгаши ва бошқа ташкилотлар томонидан йўналтирилган мурожаатлар 79 та

- туман ҳокими номига келиб тушган мурожаатлар 140 та

- юридик шахслар томонидан келиб тушган мурожаатлар 6 та

Жами мурожаатлар 469 тани ташкил қилади.

Ҳоким шахсий қабул ва бевосита ҳокимликка келиб тушган жами мурожаатлар сони 1033 тани ташкил қилади. Ушбу мурожаатларининг 455 та (44 фоиз) мурожаатлар ижобий ҳал қилинди, 537 та (52 фоиз) мурожаат ҳуқуқий маълумот бериш орқали ўз ечимини топди, 41 та (4 фоиз) мурожаат узоқ вақт талаб қилганлиги сабабли ижобий эчиш учун назоратга олинди.

Келиб тушган мурожаатлар асосан Уй-жой билан таъминлаш, йўлларни шағаллаштириш, уй-жой таъмирлаш ва шиферлаш, моддий ёрдам ажратиб бериш, даволаниш учун маблағ ажратиб бериш, кредит ажратиб бериш, контракт шартнома пулларини тўлаб бериш, ишга киришга кўмаклашиш ҳамда электр энергия ва табиий газ билан боғлиқ масалалар ҳақида.

Ўзбекистон Республикаси Вазирлар Маҳкамасининг 2022 йил 2 февраль кунги 52-сонли қарорига мувофиқ туманда 1120  та хонадон шиферлаб берилди, 12 та уй-жойда қайта қуриш ишлари олиб борилди, 80 км ички йўлларга ЩПС ётқизилиб таъмирлаш ишлари олиб борилди.

Бундан ташқари ҳокимлик ва ҳомийлар томонидан 220 нафар фуқароларга 81 тонна кўмир бепул ажратиб берилди.

Оилавий аҳволи оғир шароитга тушиб қолган 153 нафар фуқарога 3875 кг ун, 1640 кг гуруч, 787 кг пахта ёғи, 380 кг мош ва бошқа озиқ-овқат маҳсулотлари ажратиб берилди  

Бундан кейин ҳам фуқаролар мурожаатлари билан ишлашишни устувор вазифа сифатида белгилаб, ҳар бир фуқарони “аризачи” ёки “шикоятчи” сифатида эмас, аксинча уларни ўз ҳуқуқлари, эркинликлари ва қонуний манфаатларини амалга оширишда амалий ёрдам сўраб келаётган инсонлар сифатида кўриб, улар билан очиқ мулоқотда бўлиб масалаларини ижобий ечимларини топиш учун барча зарурий чораларини кўриб борамиз.

Жаҳонгир Юлдашев, Амударё тумани ҳокимлиги девонхонаси мудири